اخوي الشاب العزيز ، رجل المستقبل!
مادام انت خطبت تقليدي ، ع الأغلب السمعة الطيبة والأخلاق الزينة هي اللي خلتك تختار البنت ..
انصحك لا تنبش الماضي
ولا تسألها منو عرفتي ، حبيتي قبل لو لا .. ومن هاي الاسئلة ..
اني اعرف اكو بيكم شباب يحلفونهن ع القرآن..
يا عزيزي .. انت وصلت مرحلة ، بيها معرفة الماضي شي يضر ما ينفع .. شي ما اله داعي ..
مجرد راح ينغص عليك عيشتك ويخليك شخص شكاك وتصرفاتك غلط ويجوز يهدم زواجكم ولو بعد حين
انت حالياً يهمك اللي گدامك .. البنت زينة؟ خلص
اهم شي تهتم بيك وتصونك وتحافظ على بيتها ..
انت اكيد غلطت بيوم من الايام
اغفر وسامح وانسى وتجاهل حتى تصير حياتك اسهل واحلى ..
لا تصير حقود وشكاك وعبالك هي هاي الرجولة ..
بالعكس ، قوة العقل وحكمة الرجل اهم من قوته الجسدية.
مو بس هذا الموضوع .. اي موضوع مابي فائدة الك وبي ضرر اتركه ..
