كذب المنجمون

Part 8

عطايا _لا عمي خطيه امي هنا متكسره ما تكدر تطلع ولا سوي شي ياريت تخلي واحد من الولد يوصلنه

ام هادي _يااا مستعجلات على الاقل ساعدونه بالصفاري  نغسلهن سوى  ( الصفاري =گدر كبير)

عطايا _عمي ساعه ونطلع ها تكدر

_اي عمي تدللين

عطايا _كعدنه نجلف الجدوره وهنه يسولفن محد مدت ايدها

عذاب _هنه مااا ياكلن الجدوره بسس شگد وقحات

عطايا _غسلي وانتي ساكته
خلصنه منهن غسلت الحوش عمه وين نوديهن

ام هاددي _للمخزن

عطايا _وين صاير

زوجة هادي _باب المطبخ على جهة الحديقة هناك المخزن

شلتهن ثگال بالگوه شلته و دخلته للبيت فتحت باب المخزن وحطيت جدر

عهود _شايله جدر محتاره بي شثگله

عذاب _هزيل جاي يأشرلج تركي

عهود _وانا افهم بلغة الخرسان

عذاب _خزرتها عيب

عهود _وشبي ما يدنه شنو نگسين

عذاب _دذبي شگد تحجين

عطايا _درت لگيت هزيل وراي شايل جدوره ثنينهن بتسمت بوجهة ورجعت للغرفه بدلنه على هدمنه الوصخة بس اريد ارجع للبيت هنا بيتهم يخنگ

ورجعنه للبيت بس احنه وامنه وغاب شايبنه عنه
وماكو ولي يعاين علينه ولا صباح الخير جوريتي ولا صباح الجوري بعد ولو شتاقينه ندور الصور
ولو ردنه نتوسد حضنه نزور رملة علي ونحضن طابوگ
وصرنه يتامى خلاف ابونه

مر الشهر وعمي عباس كل سبوع يجي يسأل و يجيب ويا المسواگ و من اول سبوع انطاني ٥٠٠ الف انطيهن الامي وگال نطوني رقم ابو الايجار انا اتفاهم ويا نطيته الي

خوالي ما اجوي  للفاتحة على خلاف همه وعمي عباس اجو للبيت يشوفون امي

خطيه همه هم فقرة بس ما قصرو يكفي يسألون علينه

بالاربعين عمي عباس  گال اخذ  منشأة للناس  وسيارتة النه وساعة كاملة معارك بالحوش هو وزوجته  ليش انا ما اصعد وياكم

عطايا _عمي خليها وياك وانا و خواتي وامي بالمنشأة ويا الناس

عباس _لا بسيارتي وياي كلمتي ما صير ثنين

تالي ما تالي انا وامي وخواتي بالمنشأة رحنه

عذاب _كلمتي ما صير ثنين لا صير تلاثه

عطايا _غطيت وجهي ما گدرت اتمالك ضحكتي كااافي لا الناس تشوفنه شيگولون علينه

عهود يگولون عمج الحمش ركبهن بالمنشأة