كذب المنجمون

part 10

مساء العسل لا تنسون التصويت و التعليقات اللطيفة
وزعلانه عليكم المشاهدات قليله بس تصويت قليل ليشش ياريت الكل يصوت

وقرأة ممتعه

عطايا _شيريد

بسمه _يگول  عمكم من شهرين ما انطاني ايجار

عطايا _.....

عذاب _انا وانا وافر البروانه

بسمه _أتصلي عليه عطايا وشوفي شنو صاير

عطايا _تصلت علية ما يرد عليه كتبتله رساله عمو ياريت ترد علية ضروري

بسمه _لازم نشتغل ولا هل ذلة

عطايا _هو ما حجه من البدايه هيج گال انا يمكم وشنو تردون تدللون وهو الگال انا انطيكم مصرف

عذاب _ياريت نشتغل ولا مذلتهم

بسمه _انا عندي تنور اخبز بالبيت شو هنا ماكو مخابز وابيع للناس

عطايا _خلونه نشوف باجر عمي عباس شنو يگول والله كريم

بسمه _حتى لو انطانه لازم نعتمد على روحنه جاي تشوفيهم خمس اشهر وملو من عدنه

عطايا _ننتظرهم يمه ونشوف

بسمه _ياريت تجي قسمتجن على الاقل ترتاحن

عطايا _هل موضوع كلش زاعجني لا تحجين بي

عبير _اي تزوجن وفكنه واظل انا يم امي وحدنه

عطايا _ منو يتزوجنه لا جاه لا مال لا جمال
...... وحتى لو اكو جمال هاي عذاب وصدگ عذاب جمالها يموت محد دگ بابنه عليها

بسمه _كلشي بأيد الله

عذاب _ومنو گال انا اريد اتزوج اريد اظل يمجن شعندي  رايحة اخدم عيال ورجال الي خلگ

بسمه _خلي  اشوف لو اجت خطابه تالي شسوين ام السان

عهود _ عاد عبيره ام السان نزوجها هزيل هو ما يحجي وهيه تحجي نيابة عنه وعن والدية

بسمه _هههههههههههههه اي والله ها ولج عبره

عطايا _انا عطوه وهاي عبره جا ليش متعبة روحج ومسميتنه

عبير _خوش عرض رجال اخرس واظل احجي طول اليوم على راسه وهو ما يفتح حلگه

عطايا _ما يحتاج يفتح حلگه امه تنوب عنه

هههههههههههههه  نضحك واليشوفنه يحسب ما عدنه هم بس هو هذا الفقير ما عنده غير ضحكته

ظليت ايام اتصل على عمي عباس وما يرد اتصلت على عماتي كلهن نفس الجواب هسا نتصل عليه ومن نرجع نتصل عليهن ما يردن

بسمه _مو. كتلج لازم نشتغل

عطايا _شنو تشتغلين

بسمه _ابيع خبز عندي هذا محبسي راح ابيعه و اجيب قناني ثنين واسويلي لافته يم المطبعه
والي يشوف اللافته يجي يشتري