عطايا _مر سبوع وعزمونه على حفلة بت عمو سعد بس امي ما قبلت نروح
عبير _ نروح نشوفها طالعه حلوه لا
بسمه _ابوجن ما صار سنه من مات وتردن ترحن حفلات لا والله ما نروح
عطايا _ كافي بنات ما نروح خلص يمه انا رايحه الهبه
_روحي ماماتي
عطايا _ع سريع لبست عبايتي وطلعت
هبه _منووو
عطايا _انااا
هبه _تفضلي تفضلي
عطايا _زوجج هنا؟
اي هنا بس يريد يطلع للكهوة
عطايا _جا اجي غير وقت
لؤي _تفضلي خويه تفضلي
عطايا _لا رحم الله والديكم هباوي اجيلج غير وكت
هبه _موو لؤي لاكيلج شغل ويريد يحجيلج تفاصيل
عطايا _صدگ ليكتولي شغل
هبه _اي والله
لؤي _بمحل عبي صاحب المحل صديقي
كتله عليج و گال خلي تجي
عطايا _وشگد راتب
لؤي _كل شهر ٥٠٠ الف
هبه _وين هذا المحل
لؤي _هذا الشتريتلج منه عبايه قبل فتره
هبه _يااا هذا الولد اي خوش
عطايا _باجر اروحله بس انطوني العنوان
هبه _مو بمركز المدينه
عطايا _ادبر امري
لؤي باجر انا اخذج للمحل
عطايا _شنو اوقات الدوام
لؤي من ساعة ١٠ الصبح ل ٥
عطايا _خوش مو شكال
هبه _بس هواي الوقت
عطايا _عادي انا موافقه
هبه _الله يوفقج ولا يحوجج لا الرنا ولا اهلها
عطايا _امين يارب ممنونه منكم انا
لؤي لا خويه شسالفه سوينه قابل
يلا انا رايح تردين شي هبه
هبه _لا سلامتك
عطايا _جرتني ودخلت يمها جابت تليفون
شووفي ولج عطايا شوفي شغل ام زينب
عطايا _ام زينب منو
هبه _يا ولج هاي الاشتغلت يمها صمة حلگ
عطايا _هااا باوعت للرسائل بينها وبين الناس تشكر منها هاي الرجعت الزوجها بعد ما شتغلت يمها وهاي تزوجت حبيبها و هاي عزلت وانا فاتحة حلكي يا ما شاء الله
هبه _ولج تسوي العجب العجب والبنات بالتعليقات يمدحون بيها
عطايا _ما تسويها الي الوجهة الله
هبه _وين اكو واحد يسوي الوجهة الله
عطايا _خلي اشتغل واجمع فلوس واسوي يمها شغل
هبه _ ان شاء الله اكلج باجر شنو تلبسين
عطايا _عبايتي ههه
هبه _اصبري
عطايا _غابت شوي ورجعتلي بعباتها الجديدة
هبه _هاي العبايه الشتراها لؤي منه لبسيها باجر و هاي جنطه والشال
عطايا _لا حبيبه شلون يصير
هبه _و شنو بيها ولج الحد ما يجي راتبج وتشتريلج عبايه لا صيرين كلش
عطايا _خذيت العبايه شكراََ
هبه _تدللين شسالفه يا اختي شمسويه قابل
عطايا _رجعت للبيت وحجيتلهم و كتلهم راتب ٥٠٠
عبير _العب
عهود _ يعني ونسات وسفرات منا ورايح
عطايا _ان شاء الله
جانو خواتي بسيطات بأقل شي يشوفو كلشي و يفرحون بكلشي
الصبح طلعنه انا وامي و لؤي للمحل امي تريد تندله
لؤي _شوفي خاله الفورتات ذبج بنص السوگ وتتكمل للمحل مشي منا بس انتبهو للطريق
عطايا _فتحت عيني للطريق حتى اتعلم واظل اجي وحدي
نزلنه يم محل عبي جبير دخلت وانا بكامل هندامي
_هلا وكل الهلا
لؤي _هاي البنيه الكتلك عليها
عطايا _ باوعلي هو مدعبل واصلع و كرشه كدامه كصني من فوگ ليجوا يا اهلاََ وسهلاََ هلا بيك وبيها
يتبع......
أنت تقرأ
كذب المنجمون
Historical Fictionراح تعرفون الاحداث والشخصيات من خلال قرائتكم للقصه للكاتبه ام مختار دنيا غانم
