البَارحة تمنيَتك ومُاچَيتني
ومثل كُل ليَله أنتضر خليَتني
انه وصُورك كعَدنه بتَالي الليل
وعاتَبتهن لحَد ما بچَيتني .
•••••••••••••••••••••••••••••••••••••••••••••••••
يمكن شوي سالفتي غريبه .....
طلعنا اني واخواتي من المعهد لأن احنا سادس وهل مرحله كلش صعبه وانتم يمكم الحساب جاي امشي واضحك على هبه وهيه ولا يمها
هبه : اخخخ لج اريده يجنن يجنن
فاطمة : يابه صرعتيني بي شمالچ ، بعدين تعالي شمدريج ما جاي يضحك عليج ؟
هبه : اهووو دعوفينيي شبيج
رقية : خاب نعال دروحي ، اكلج فاطمة شفت فلم خرب انه غير يطك بالكاع ،
فاطمة : جا بس نرجع نشوفه
جاي نحجي قاطعت حجينه هبه
هبه : خايبه فطيم يمكن اجه دورج هههههههههههههههههههههههه
فاطمة : خاب دنجبي ، ضربتها على جتفها بخفه
كلتها بخجل ، تمام خل اعترف انا احب شهم من اني صغيره وهو مو حب مراهقه على كولتهم انا صدك احبه ! واحبه من كل گلبي
قاطع حبل شرودي صخره وعثرت ! عثرت كدامه ، كض أيدي بسرعه وسمه علي
شهم : اسم الله بنيتي غير تنتبهين
من كد الفشله معرفت شحجي
فاطمة : مشكوره خوية
باوعلي صفح وكلي
شهم : لا تكولين خوية
باوعلته صفح ، ورحت يم خواتي وانا انكت بملابسي وكلت بصوت مسموع
شكد صلف !!
ضحك وراح جان واكف وبصفه الفهد ، الفهد ابتسلمي وهم سمه عليه ، الفهد انسان لطيف حباب وياي اعتبره مثل اخويه الجبير
المهم رجعت اخواتي وهبه موتتني الطريق كله ! شنو حتسمون الطفل زين مكان العرس وين ؟
نوب سكتت من وحدها لأن رقية ضربتها على راسها
رقية : كافي ولچ الفرخه ساحت !
فاطمة : كافي بنات خلي نرجع كلش تعبانه
هبه : ديله هسه على اساس أحنا رايحين لمول المنصور جا وين مولين احنا
رقية : اي بعد بعد ، راح اكتلچ وعلي !
هبه : سكت كافي
وصلنه للبيت وستقبلتنه ماما
ماما : بناتي باجر نروح لبيت عمچن اكو فصل ولازم نروح نساعدهم همه هواي بس لازم نروح تمام ؟
فاطمة: هزيت راسي ودخلت لأن صدك مالي خلك أسوي اي شي
نمت كعدتني رقية على العشه كمت تعشيت و درست وباوعنه على الفلم الي كالت علي رقية ورحنا علمود ننام ، كعدتنا امي ساعه 6:00
گمت علمود اغسل وجهي واسمع رقية تصيح
رقية : خاب صدك جذب مكعدتنه من السته الصبح نربي صخول ؟ عليمنننن
حنان الام : ولچ كومي !!!!
رقية : كايمه كايمههه
گمت ولكيت أخواتي يسوون الريوك وبابا باسني اول ما كعدت
بابا حبيبي كلش حنون ويانا ويحبنه
بست راسه ورحت اغسل كملت ورحنا نتريك ساعه 7:00 ووصلنه استقبلتنه عمتي ( رشا )
سلمت على ماما وابوي ورحنه نضفنه البيت ..............................
خلص البارت ✨
.
.
.
.
.
.
.
✨ الناقله الكاتبه مريم العقابي ✨
