شَكتِب ، يا شِعر يرهَم على عِيونكَ 🤍؟
........................................
فَاطمة ..
كاعده بالغرفه واجت هبه تركض وهيه فرحانه وتضحك
فَاطمة : سلاماً قولوً من ربً رحيم
رقية: يا ستار شمالج
هبه : لجننن بناتتت حسامم حيخطبنييي
گمزت فاطمة وضلن يضحكن وهنه فرحانات ، فرحت لأن هبه فرحت ، اتصل عليها ونزلنه احنا رحت للمطبخ علمود اشرب ماي وسمعت صوته وراي
الشَهم : شو الحلو ماكو اليوم
ما رديت
الشَهم : وحتى متكبر
التفتت علي وكلت
فَاطمة : تحجي وياي ؟
الشَهم : لا وي عَزام
فَاطمة : تمام
اجيت اطلع من يمه ورجعني گبل وجهه وكال
الشَهم : شنو ما مشتاقتلي
فَاطمة : غير البارحه شفتك ليمته الحك اشتاقلك
الشَهم : بس انا اشتاقلج كل لحظه
ابتسمت على حجيه وهو جرني وحضني وباس راسي وكال
الشَهم : فاطمة بويه
اريد ارد علي ودخلت نبأ
نبأ ..
دخلت للمطبخ لأن شفت شهم واكف وشفت هذيج بحضنه عطت بصوت عالي
نبأ : عزةة لجج نايمه بحضنه وانتم ممتزوجين اخخخ
الشَهم: مرتي شنو المانع ، احضنها ابوسها احبلها ، باوعت بوجهه صار احمر من كد الخجل طلعت نعال نبأ وطلعت فاطمة كبل لأن أستحت بحضني ودخلت هاي.
......................................
عند عزام وزينب ..
عزام ..
نزلت من الدوام وشفتها چانت جايه من السوك ، رحت علمود اشيل الاغراض وهيه تباوعلي . وكفت يمها وكلت
عَزام : شهل جمال بويه
زينب : ءءوي ولك انت شرايود
ضحكت وكضيت ايدها ووصلتها ودخلت لبيت وهيه مبتسمه ،افرح اذا اشوفها فرحانه
زِينب ...
اجيت من السوك وجان عزام قبل شوي نازل من السياره اجه اخذ الاغراض مني وضل يحجي وياي منا على ما وصلني للبيت
...............……….……
عند هبه وحسام ..
اتصلت على الحب مالتي وجاوب
حسام: حي الله هبتي وينج
هبه : هلا يعيوني ، كلت للبنات
حسام : اي ،واهلج ؟
هبه : ما اعرف بعدني ما گلتلهم خل يفرغ جدو واكله.
حسام : هاي هيه يلا عيوني روحي خاف عندج شغل
سده ورحت كعدتت يم رقية
هبه : رقية تدرين شكد فرحانه راح اتزوج الشخص الي احبه
رقية : الحمدلله راح يجمعكم بالحلال شايفه كل الخير عمري
وحضنتني حضنتها وضلينه نضحك منا على ما اجه مهدي
مهدي: شعدچن كاعدات بره ها ؟ بعدين الاستاذه رقية شمالج هيج تضحكين
رقية : مهيدي ولي منا ، كمت كضيت ايد هبه ودخلنا جوه ، جانت موجوده اميره وكاعده بصف الفهد وتحجي وياه
اميره: اي شكلت فهدي ، قصدي فهد
هبه : شوفي البربوك من شافتج كالت فهدي
رقية : خلي تولي ما اريد اخرب فرحتج يله خل نصعد لفطيمه
هبه : تلكيها ملتهيه وي الحب مالتها
رقية : اي وعلي
...............................
فَاطمة ..
صافنه ودخلن البنات كعدن بصفي وكالت هبه
هبه : اي عيني مرت الشيخ من هسه تتكبر
رقية : خاب هاذي بس لا تنسانه
هبه : يمهه وعلي يفطيم اشكج شك
فَاطمة : هسه انا تزوجت خوفج من هبه
كملت حجي ووكفت رقية كدامنا وكالت
رقية : سمعن ولجن وعلي اشكجن شك اذا وحده بيجن تسوي هيج ، مو تنسنيي !
ضحكت واجاني مسج منه
الشَهم ✉️ : طلعي بره اريد اشوفج
فَاطمة ✉️ : البنات يمي
الشَهم ✉️ : جا انا راح اخطفج دتعالي
.....................................
شرأيكم 🤍؟
