ماعد يغريني الغلا ياغرام العام

بارت12

بسم الله نبدا🧡🧡..

" صباح ليوم التالي "
في بيت العم محمد| الصاله
العم محمد بهواش وهو يمشي بالصاله : الصلاه قومو
الياس بانزعاج: ياليل مارقدت انا زين
هتان : عساس انا الي نمت زين
انس: اقول يالله قومو
فتح الباب العم محمد : الصلاه خيراً من النوم يلا
انس قام : ابشر ابشر
العم محمد : تبشر بالجنه اي هاذا ولدي مو ذولا المبطح
هتان : افا يبه انا متبطح والي يكرف في المحل ليل ونهار مين
العم محمد : بتحسبني
هتان: لايبه يس
العم محمد : لابس ولا غيره - ناظر الياس - يالعاقب قم قامت قيامتك قم
الياس : قمت وربي قمت
العم محمد: ماراح اخليك لين تقوم
الياس قام : قمت شوف
~
بيت العم عدنان | بغرفة العيال
العم عدنان: نادر قم قم
نادر : قمت يبه قمت
العم عدنان : قم ي محثحث- يعني مقرود -
نادر : يبه انا محثحث
العم عدنان : ايه محثحث ونص
يزن : نادر قم
نادر : قسم ي يزنوه لو قمت لك لاعلقك بالزاويه
يزن: لو انك رجال سوها
نادر قام : تتحداني
يزن ضحك : شفت يبه علطول قام
العم عدنان : اجل هاذا نظامك
نادر : ماكان يحتاج ذي الحركات
يزن : لو ماسويتها كان ماقمت
العم عدنان وهو بيطلع من الغرفه: المحل ينتظرك
نادر : ياليل
~
بيت العم دحوم | بغرفة البنات
سلطان : جود قومي
جود : لا ولا ولا
سلطان : لوءءء قومي
جود : سلطعون فكني ماني بقايمه
ملاذ : سلطان معليك منها شوي وتقوم
سلطان: ايلاف
ايلاف : ها
سلطان : هوا اسمعي
ايلاف وهي تربط شعرها : اسمعك
سلطان : شرايك انتي وملاذ اوديكم كوفي
ايلاف ضحكت: حبيبي هنا في الديره مافي كوفي
سلطان بصدمه : اما عاد مافيه حتى كوفي !!!
ملاذ ضحكت: ايه مافي
سلطان : اجل نروح الرياض روحه جيه
ايلاف : يحتاجلك ثمن ساعات عساس توصل
سلطان ؛ ابك وش ذا الديره المحثحثه- معنى مقروده-
ايلاف : محثحثه ونص
ملاذ : خلاص اسمع
سلطان : ها
ملاذ : جب نسكافيه واسويلك اطلق كوفي
سلطان : تم
ملاذ : ابشر به
سلطان ابتسم : حي عينك
ملاذ: حي نباك
جود وهي نايمه تقلد صوت ملاذ : حي نباك ي حي نباك عادي تطلعون انتي والعصابه الي معك وتخلوني انام
سلطان صرخ: معصي ثم معصي رجلي على رجلك
جود : اجل اقعد ولا تتكلم بنام
سلطان ناظر ايلاف وملاذ : اويحي يالبرود
جود : سف تراب
سلطان : كلي تبن
جود : باكل تبن ايذا طلعت
~
بيت العم محمد | بغرفة العيال
انس: ماودي اروح المحل
هتان : اي قسم مالي خلق
الياس : خلاص فتره وتعدي
انس: ايّ فتره ذي سنين
هتان : مضيع شكلك
الياس ضحك : لاشدعوه بس ماردكم بتتزوجون وخلاص تتركون
هتان ضحك بسخريه : يشيخ ابوي معطينا عهد اننا مانتركه
الياس ضحك : مو لهدرجه
هتان : الا لهدرجه
انس : اقول خل عنك الهرج الزايد وامش قدامي - ناظر الياس - تروح معنا
الياس : وش يقعدني
انس: اجل يلا
~
العم عدنان : اجل سيارتك بنشرت
نادر وهو يحك حاجبه : ايه بنشرت
العم عدنان بصوت عالي: هاذا وجهي اذا مو خربانه
غرام : الا خربانه سمعته امس يكلم هتان
نادر عض شفته : انطمي
العم عدنان: لا ماتنطم الي ينطم انت عشانها قالت الصدق تنطم يلا دق على عيال عمك ورح
نادر : ابشر - ناظر غرام - شغلي معك بعدين - وطلع-
الياس : ارحب
نادر : البقى وينكم
الياس : ابد نمشي نبي نروح المحل
نادر : حلو مروني
الياس : ماخبرك تحب المشي وين سيارتك
نادر : ياخي بنشرت ولقمت من ابوي
الياس : وانت اذوة - يعني خبل او مفهي - تخرب سيارتك هاذا انت ماعمرك حافظت على الشي
نادر: هيا خذلك ابوي الثاني بتجيني ولا ايش
الياس : بجيك خلك برا
نادر : طيب
- سكرو الخط -
هتان : شبلاه - يعني وش مشكلته -
الياس : يبينا نمره
هتان : زين
انس: يعيال تاخذ سلطان
هتان: سلطعوني
انس ضحك : ايه
الياس : يلا نروح ناخذه ونروح لنادر
هتان : ليش مانروح لنادر اول
الياس : لا خله يخيس
هتان: الي تشوفه
~
بالرياض | في المطار | عند حنين
- راح تقولون مين حنين حنين تكون بنت العم عدنان كان عند العمه هيله مشكله في الانجاب وقرر يتزوج وتزوج نوير بنت هذال آل ربيعان  ولمن انجب حنين حملت العمه هيله بالتوام الي هم نادر ونادره وصار خلاف بين العم عدنان والعمه نوير وصار انفصال والعمه نوير هددته انو ماترجعله بنته-
حنين : اهخ تعبت ان شاءالله اوصل بسلام
الطيار بصوت عالي: الطائره متوجهه الى قريه نجد العذيه
حنين : اخيراً
- حنين بنت جداً فلاويه وتاخذ حقها غصب وجداً جميله وتبلغ من العمر ٢٠-
ركبت حنين الطياره: - ناظرت الموضف- عادي تغير اي المقعد
الموضف: ليه عسى ماشر
حنين : ترضى اقعد جب ولد طول الرحله
الموضف: بشوف لك
حنين : استعجل الله يخليك
الموضف : ابشري ، خلاص يختي اقعدي هنا
حنين : شكرا مرا
الموضف: واجبي
~
فالديره| في بيت العم عدنان
العم عدنان : انا من ٢٠ سنه ماذقت طعم الراحه
العمه هيله : استودعها الله
العم عدنان : فيني شي يحرقني
العمه هيله : تعوذ من ابليس
العم عدنان : اهخ ياحنين وينك وينك
العمه هيله : خلاص بعدنان بتهلك نفسك انت الله بيجيبها لك ان شاءالله
العم عدنان : بإذن الله
~
عند العيال |قدام بيت العم دحوم
الياس وهو يدق الباب : سلطان
هتان : سلطعون
ملاذ من ورا الباب : نعم ياخوي من تبي
هتان : جيبو سلطان داسينه- يعني خاشينه او شي زي كذا-
ملاذ : ابشر
هتان : تبشرين بالجنه
انس همس ل الياس: شبلاك
الياس خرج عن الهواجيس: ها ولا شي
انس : من يوم عرفتك وانت تهوجس نعنبو دارك وش تهوجس فيه
الياس: فيك بلا ؟ ماني مهوجس
انس: ماهي من عواتك ماتعلمني
الياس: ياخي ماحب اعلم احد الي افكر فيه
انس ضحك بسخريه : بس انا اخوك ماني اي احد
الياس: طيب خلني بحالي
انس : وش الي غيرك وانا اخوك
الياس بشبه اصراخ : ياخوي شبلاك مابي شي
انس طول وهو يطالع فيه: راجع نفسك تكفى - ومشى للمحل -
هتان : شبلاك
الياس: دحدر عني انت الثاني
سلطان جاهم : ارحبو
الياس: البقى - ناظر في هتان - مرو نادر وروحو
هتان : وانت على وين
الياس: مو شغلك
سلطان : شفيه ذا
هتان : منفس شوي عادي بعدين برجع نفس ماهو
سلطان : لايكون بيعصب على اختي كذا طول ماينفس
هتان : لا راح تكون زوجته المهم ماعليك خنروح لنادر
~
عند الياس
الياس : شبلاي انا ليش صارخت على انس اهخ ماكنت بوعي والله الحين بيقعد شهر مايكلمني نفس ذيك المره اهخخخخ ي الياس وش سويت
" فلاش باك "
- بالمحل -
انس: بلاعليك الياس عطني ذي
الياس : عندك يد خذها
انس: طيب شوف معاي اغراض
الياس : مالي دخل
انس: نعنبو جدفك بس عطني اياه
الياس بصراخ : ياخي ماني معطيك شتبي
انس : طيب لاتصارخ ماقلت شي
الياس : الله يلعن الي يقعد معكم
هتان : الياس شبلاك انت
الياس ناظر فيه : تبي تنطم ولا كف
هتان : عشان قلت الصدق
الياس: ايه
نادر : خلاص يشباب
-الياس طلع من المحل -
هتان توجهه ل انس: خلاص امسحها بوجهي
انس حط الاغراض الي بيده : طيب
هتان مسكه : لا تكتم قول تفاعل
انس: هتان يعمري انت فكني لافصل عليك
هتان فكه : على وين
انس : جهنم تروح معاي
هتان : الله يجوزك جهنم
انس : ها
هتان : الله بجوزك جهنم
انس: خبل انت ولا صاحي
هتان باستغراب : شبلاك
انس : كيف يجوزني جهنم
هتان : يعني تتجاوزها تدخل الجنه
انس :اا اشوا عبالي بتزوجني جهنم
نادر فطس ضحك : اهخ بطني
- انس طلع من المحل بدون ردة فعل-
الياس شاف انس طالع من المحل راح له: اسف
انس : نعم
الياس : معليش زلة لسان
انس: طيب خلاص
الياس: انس لا تكتم لا تكتم
انس: ماكتمت
الياس : سكوتك يدل على هاشي
انس بكل هدوء: الياس روح عني بروح
الياس ضمه : انا متضايق من الموضوع الي بيني وبينك عشان كذا ولا والله قلبي مايطاوعني
انس : الياس فكني
- راح انس للبيت والياس يحاول يرجع علاقتهم مارجعت الا من تدخل العم عدنان -
" انتهى الفلاش باك"
الياس : اويلي وش سويت انا
انتهى البارت 🧡....
انا وعدتكم انزلكم بارتين لاكن وربي مافضيت يالله كتبت بارت والبارت لثاني راح احاول انزله بأقرب وقتك💛💛💛 كل عام وانتم بخير 💞💞