ماعد يغريني الغلا ياغرام العام

THE END

THE END
بعد مرور 5 سنين🏃🏻‍♀️🏃🏻‍♀️
-
في بيت العم محمد | بالصاله
العم محمد بصراخ: يا كنوز عطيه لعبته
كنوز بكى: يكذب ليث هاذي لعبتي
ليث: كذابه والله لعبه حقي
" اوه نسيت اقولكم اولادي وبناتي تزوجو وخلفو بعد خلوني اعطيكم تعريف 🌚"
-
ابطالي الياس وملاذ اكتفو في كنوز الي تبلغ من العمر 5 سنين
-
وايلاف وانس " المزن ومزون توام الي يبلغو من العمر4 سنين ومحمد الي يبلغ من العمر سنتين
-
هتان وحنين " ليث الي يبلغ من العمر 3 سنين وغيم سنه وحده
-
جود محمد وسلطان " بندر و عبدالرحمن توام الي يبلغون من العمر 3سنين و جوليا سنه وحده
-
جود دحوم ونادر " حاتم الي يبلغ من العمر سنتين ورسيل سنه وحده
-
وهيام وسعود " يارا الي تبلغ من العمر سنه
-
ونادره الي اكتفت بنفسها ودرست وكملت الدكتوراه
-ً
حنين : خلاص ليث عط اللعبه كنوز انت رجال
هتان : لا خلك رجال لاتعطي اغراضك لبنت
حنين ناظرت بنص عين : لاوالله
هتان : ايوالله
الياس : بنتي وين
كنوز جت وراه : هنا
الياس حضنها :قوليلي من مزعلك
كنوز :ليث مايعطيني لعبتي
نادر جا: فقدتوني
نادره: لا
نادر : افا هاذا وانتي توامي
العم عدنان : الا فاقدينك بس اهجد
نادر: اوكي ايذا كذا اشوى
العم عدنان : ارفع علومك
نادر : يبه انا صار عندي بزارين يعني مو نفس اول وكذا - وغمز 😉-
حاتم : بابا شوف كنوز اخذت كل الالعاب
كنوز : انا الكبيره يعني اخذهم كلهم
نادر : لايشيخه
الياس : ايه وش عندك تاخذ كل الالعاب
غيم ببرائه : نتقاسمها
هتان : بنتي ماترضى الا بالعدل
الياس : يمكن طالعه على امها
هتان : شقصدك
الياس : انت ترضى بالعدل هاذي من سابع المستحيلات
سلطان : نادر انت تذكر لمن كلنا داشرين
نادر صفق يده 🫱🏻‍🫲🏽: يرجال كنا وراعين
انس؛ ايش وراعين شنبك خط وجهك وتقول ورع!
نادر : ترا كان عمري ٢٠ هد
العم دحوم : صيرو هادين زي مزن ومزون
العمه نوره : نفس انس
انس: من صغري وانا هادي
الياس : لاوالله من صغرك تتذكر لمن صفقت عمر وابوه يهددك وانت تضربه بالطوب وتركض
انس شهق؛ انا
الياس : لا انا ايه انت
العم محمد ضحك : لاوبعد تضرب بنته حسينه ومن يومها وانت تكره اسم حسينه
انس: ياخي مدري ضربتها
العم عدنان : لا مصايبكم خفيفه الا التوام الي عندي الي مطلعين لي شيب
نادر : يبه شبلاك والله اننا هادين
العم عدنان : صادق لاغاش من واحد وهو يعلم عليه وينكر لا ويحلف ولمن طلعو ولا الشيخ نادر يضربه ويجي ابوه ويقول ينادر انت ضاربه يقول متى ضربته
سلطان : اجحد مهما كانت الادله قويه
العمه هيله : يارب حاتم مايطلع زيك
نادر : يارب يطلع زي
هتان ماشاف حنين موجوده دوره ولقاها بالحوش : حنين
حنين مسحت دموعها : نعم
هتان مسح دموعها وقال باستغراب: في احد مضايقك
حنين : لا
هتان : وش فيك اجل !
حنين قامت : انسى خلاص
هتان سحبها  : ايذا ماقلتي ازعل منك
حنين بكت اكثر : كلكم ابوكم وامكم معاكم وانا لا انا نفسي امي تشوف عيالي نفسي ابوي يقول ذكرياتي او ماضيي
هتان : هاذا الي مزعلك
حنين : اي
هتان : انتي معك ابوك انتي شفتي امك صح
حنين : اي
هتان : اجل سلطان الي ماشاف لا ام ولا اب حنين احمدي ربك على النعمه الي انتي فيها
حنين ضمته وضحكت : اسفه
هتان : قومي الحين يفقدونا
حنين : لاتزعل مني
هتان ابتسم : فيه احد يزعل من روحه ؟
حنين : امممم لا
هتان ضحك: يلا
-
عند البنات -
نادره : الحمدالله ماتزوجت
حنين : يمه تكفون بنات كيف كذا بسرعه تزوجناا
ايلاف : الايام تركض
جود دحوم : وش تركض تخوف
جود محمد : بنات شفتو عزيزه شصار عليها
ملاذ: ليه شصار
حنين : ياخي كرهتها من ذاك الموقف
هيام جت : انا جيتتتت
جود محمد : هلا والله يمرحباً صدقققق
هيام : البقى
ايلاف : اح لهدرجه سعود غير شخصيتك
هيام : يشيخه فديتههه
ملاذ: يارا ماما تعالي
هيام: طيب رحبي فيني علطول اخذت بنتي
ملاذ: شبعت منك خلاص
هيام : اح بياعه
جود محمد : نفس الياس يبيعك بثانيه
ملاذ وهي تقلد هيام : فديتهه
-
عند الرجال -
سعود : ارحبو يرجال
الرجال اختلفت ردودهم بـ: البقى - هلا يبو يارا- تو مانور المكان -
سعود : جعلني مابكيكم يربعي
- البنات جو عندهم-
العم محمد: حي الله بناتي
البنات ؛ الله يحيك يبوي ، الله يحيك يعمي
الياس : الا سعود
سعود : لبيه
الياس : لبيه حاج وش صار على هذام
سعود : على ماهو عليه بس ينافخ
الياس: الله يعينه على نفسه
سعود : ايوالله
كنوز همست لبوها: ماما تبكي
الياس :ها
كنوز : بابا تعال
الياس راح لملاذ وضمها : شفيك يعيوني
ملاذ ابتسمت : بس بكيت
الياس : تبكين على اي شي ؟
ملاذ: مدري كذا صرت ام وتزوجت الي احبه اهخ
كنوز ببرائه: بابا ماما ليش تبكي
الياس ضحك: مافيها شي يالغلا
ملاذ: الغلا !
الياس : ليه تغارين
ملاذ : ماعد يغريني الغلا ياغرام العام
الياس : وبس كذا انتهت القصه؟
العم عدنان : والله وكبرتو يعيالي وصار عندكم وراعين
انس؛ لاتفتح المواجيع يعم تكفى
نادره : يونس انا غير عنكم
نادر : الا يبو سعد سمعنا اغنيه
سعود : ابشر بها
((قال الوداع
ومقصده يجرح
القلب محال
قلبي ينجرح
من وداعه أن
حبني يامرحبا
براعي الحب
وأن راح ربي
يحفظه كل
ساعه ليه ليه يودعننيييي...😔😔😔
كلهم بصوت واحد : انتهينا امسسس شفت كيف الوقت قادر مع السلامه...😢
::::::::::::::::::::::::::::::::::::::::::::::::::::::::::::::::::::::::::::::::::::::
وبكذا اقول ختمت اول روايه لي واشكر كل الي دعموني ماني قادره اوصف لكم شععورييي بختامي لأول روايه لييي ان شاءالله انها نالت اعجابكم وكانت النهايه مرضيه للجميع وان شاءالله تكونو متواجدين معاي في روايتي الثانيه 🩷🩷🩷🩷🩷🩷
كُتب بقلم الگاتبه | رسـيـل آل محمد
~900 كلمه 🩷🩷~