بعد اسبوعين | في بيت ابطالييي
الياس صرخ بألم: اهخ
ملاذ بخوف: عورتك معليش
الياس ابتسم وغمض: لا عادي - ناظر فيها- اسف
ملاذ استغربت : على وش
الياس : لاني ماسفرتك ولا خليتك تستانسين بالعرس
ملاذ ابتسمت: مايهمني عادي
الياس : لاتقولين عادي عشان ماتكسرين خاطري ولا وش ايذا مضايقك الموضوع قولي
ملاذ ناظرت فيه: الياس السفر وذي الاشياء هاذي ماهي من اهتماماتي ابداً ابداً
الياس : طيّب طّيبب
ملاذ : جوعان
الياس : لا
ملاذ : طيب يبو كنوز
الياس ضحك: حلو حلو
_
عند بيت العم دحوم |
كانت جود محمد عند جود دحوم لان عندهم مذاكره
جود دحوم: يبيلها شاهي
جود محمد : ابشري بي انا بسويه
جود دحوم: لا لا انا اسوي
جود محمد: مالي دخل انا اسوي
جود دحوم : اعملي الي انتي عوزاه
جود دحوم ضحكت:ايوا كدا
- راحت للمطبخ -
جود محمد وهي تغني :كل ابوابي توصلنييي لمن باب ققلبكك افتحه الله يهديكككك افضحتني عيوننن ضيعني الصواببب والرياض درت اني ابيككك- وصارت تتمايل وهي اسوي الشاي -
دخل سلطان وشاف ازعاج بالمطبخ وقف عند الباب وشاف بنت تتمايل وتغني انتهج من جمالها وطول شعرها الي كان طويل ماعرفها وقال: احم
جود لفت وصارو متقابلين بعض طالعو ببعض فتره طويله وبعدين لفت وراحت ورا الثلاجه: هلا سلطان شبغيت
سلطان خرج عن هواجيسه:ولاشي - وراح غرفته -
جود جهزت الشاي وراحت عند جود وقالت وهي تغني: يبوي تدلل والحلا ماغيرك بعيني حلا
جود دحوم وهي تكمل : يامحلا يامحلا ان جابك الله بالنصيب
جود محمد ضحكت وقالت : خذي يحلوتي
جود دحوم: شكرا جود يلا تعالي باقي درس
جود محمد: خليني اذوق الشاي
جود دحوم: مو طاير الشاي يلا تعالي جنبي
جود محمد : ترا طفشت
جود دحوم: جود واحد
- عند سلطعوني الي يفكر بجودي-
سلطان : ذي جود مستحيل هاذي جميله مره - ابتسم لمن تخيلها-
عند نادر وهتان |
نادر : الا هتوني
هتان : ها
نادر : متى ودك تتزوج وكذا
نادر : ليه مستعجل
نادر : لا ماني مستعجل وش دك اسامي ورعانك
هتان : امم غيم وليث
نادر: اساميك زي وجهك
هتان : طيب وجهي حلو
نادر : انا رسيل وحاتم افف يالاسم
هتان : رسيل حلو وش حادك على حاتم
نادر : حاتم بن نادر أل عدنان افففف ولا اسمع اسمع رسيل بنت نادر آل عدنان ياربي
هتان : حلو حلو
نادر : اكيد حلو
جاهم سلطان : ارحبو
نادر : البقى ينسيب
سلطان : ايش
هتان: معليك مو ابو حاتم
نادر : يحبيبي يبو ليث
سلطان : مختارين اسماء ورعانكم بدوني خيانه ذي
هتان ؛ اختار اختار
سلطان : انتم وش
نادر : رسيل بن نادر حاتم بن نادر
هتان : غيم بنت هتان ليث بن هتان
سلطان : بندر بن سلطان و عبدالرحمن بن سلطان
نادر : وبنت
سلطان ؛ مافكر
هتان : اسمع حلو تسنيم بنت سلطان
سلطان : زوجتي تختار البنات
نادر : اااوووو كلام كبير
هتان : تعال تعال انس
انس: لهدرجه فقدتوني
نادر : مين قالك
هتان : انا
نادر: طيب يبو ليث
هتان : تراك حلبت الاسم حلب خلاص
انس: ابو ليث وحركات
هتان : ايه وانت وش
انس: مافكر
سلطان ؛ كيف ماتفكر مافي اسم عاجبك
انس: اما خلوني اتزوج بعدين افكر
سلطان : ذولا مستعجلين يقولون ابو ليث وابو حاتم
- عند ابطالي -
ملاذ : عجبتك
الياس : الصراحه تهبل
ملاذ : عافيه
الياس : تعافيك
ملاذ : الياس
الياس همهم لها: همم
ملاذ : تدوني لاخواتي
الياس: الحين
ملاذ : الساعه ٢ عادي
الياس: طيب
ملاذ : الياس انت تعبان
الياس : ها لا
ملاذ ماصدقته ؛ الياس وجهك اصفر - قربت منه بتلمس جبهته وشهقت- الياس حرارتك مرتفعه ليش ماقلت لي
الياس : عادي حراره شوي تروح
ملاذ:وين ادويتك
الياس : ملاذ خلاص قلت لك حراره عايديه
ملاذ : الياس لاتعب نفسك وتعبني معك
الياس وهو نفذ صبره قال بصراخ : ملاذ خلاص
ملاذ حست بقشعريره بجسمها لان ماتحب الصوت العالي وقالت بغصه واضحه: طيب - وراحت الغرفه -
الياس : اههخ نسيت نسيت
عند ملاذ الي كانت تبكي وتشاهق ارتفعت حرارتها من الكثر البكي نامت جاها الياس : ملاذ - ماسمع أي رد قرب يلمس جبينها انصدم من حرارتها- ملاذ قومي ملاذ
ملاذ : شفيك
الياس بخوف : حرارتك مرتفعه قومي
ملاذ : مابي عادي حراره عايديه
الياس : والله اسف انا اسف
ملاذ ناظرت فيه فتره طويله وقالت : بنام عادي
الياس مد لها الفيفادول : اشربي
ملاذ : مابي
الياس : عشاني
ملاذ : طيب - وشربت-
الياس جلس على السرير ابتسم وقال : اسف
ملاذ. انت تدري اني ماحب الصوت العالي ليه تصارخ علي
الياس : والله نسيت والله نسيت خلاص ملاذ انا اسف
ملاذ ابتسمت : تمام
-
في بيت العم محمد | بالصاله
هتان : الا يبه
العم محمد وهي يصب القهوه : ها
هتان : المحل مافيه بضاعه بروح الشرقيه يوم ورجع
العم محمد : اممم متى بتروح
هتان : الحين المغرب اوصل العشاء والصباح اليوم التالي اجي
العم محمد ؛ لحلالك ولا
هتان: ايه كل ١٢ ساعه واجي ان شاءالله
انس: المحل فيه لون
هتان : مابه لون
العم محمد : خلاص رح الله يستر عليك
-
في بيت العم عدنان | بالصاله
العم عدنان : الله يحيكم هاذي الساعه المباركه
ابو عمر : يالله على العشاء وحنا جاينن
العم عدنان : المحل محلكم تعالو بأي وقت
ابو عمر ؛ يلا فمان الله
العم عدنان : فمان الكريم
العمه هيله : مين تكلم
العم عدنان: ابو عمر
العمه هيله : وش يبي
العم عدنان : يبي يزورنا بعد العشا
العمه هيله : يالله تحيه
-
بيت العم دحوم |بالصاله
العم دحوم : اليوم العشاء ، شعنده؟، طيب
العمه نيله : ليه عسى ماشر
العم دحوم : عدنان بيجيه ابو عمر
العمه نيله باستغراب: وش يرجع ابو عمر
العم دحوم : شيخ القبيله
العمه نيله : ماشاءالله الله يوفقكم
العم دحوم : امين يارب وياك
-
عند هتان | بالشرقيه
هتان : مدير انت مايعلم هاذا وش
العامل " بنقالي ": لا هادا اييشي
هتان وهو نفذ صبره: هاذا ماتعرفه انت شنو اسم
العامل : بدر اسم انا
هتان : ماكذبت يوم
قالت اشير الى القمر والاحمق ينظر الي اصبعي ماشاءالله اسم انت كويس"سوا له🫵🏻👍🏻"
العامل: مدير انت الحين ايش يبغى
هتان : ابي بضاعه جايكم من الديره بسرعه
العامل : خلاص جب سياره وانا حط كل بضاعه
هتان : كفو كفو
-
عند ابطالي| الياس ملاذ
الياس صحى من ازعاج الجوال من الاتصالات: ياليل شيبون ذولا
العم محمد بصراخ : ليه يوم ماترد
الياس : نايم نايم
العم محمد : كل ذا نوم
الياس : امر يبه شبغيت
العم محمد: تعال عند عمك عدنان ابو عمر بيجي
الياس بصدمه : ابو عمر كيف جبتوه ذا
العم محمد: مو شغلك تعال الساعه بتصك سبع
الياس : ابشر ابشر
ملاذ صحت من الازعاج قامت تشوف وبعدين رجعت نامت وقال الياس: ملاذ قومي بوديك عند حنين
ملاذ: ليه عسى ماشر
الياس : الشر مايجيك عندهم عزومه
ملاذ : ماني رايحه بنام
الياس: ليه
ملاذ : الياس ترا مانمت ماشوي اقيس حرارتك خلني انام
الياس ضحك ومسك جبينها وشهق: نار
ملاذ : لا معليك
الياس : روحي تروشي وشربي علاج ونامي يلا
ملاذ طنشته ونامت -
الياس راح الحمام " يكرم القارى " وخذ شور وعقم جرحه وراح عند ملاذ وقال :صامله بتنامين
ملاذ همهمت له: هههممم
الياس قفل الباب وراح لبيت عمه عدنان دخل المجلس وقال : ارحبو يربعي
العم محمد : البقى
العم عدنان :هلاوالله ب الياس
العم دحوم : هلا بالقاطع
الياس ضحك: شنسوي
العم دحوم ضحك : الا وين بنيتي
الياس :مصخنه عطيتها علاج ونامت
العم دحوم : مصخنه!
الياس : اليوم ارتفعت حرارتها بس هدت
العم دحوم : متاكد مافيها شي
الياس : لوفيها شي ماجيت
اما عند نادر وسلطان ويزن كانو باخر المجلس وكانو بعالم ثاني جداً حاطين اغنيه
((وشعره ناعم
واشقر ومشيته
ماشفت مثلها
والجسم يابشر
مخصر عيونه
الثنتين مكحلها
لابس الجنز
مع الطربوش))
كان نادر قدام ويزن وسلطان. وراه ويفحطون ويستهبلون
الياس ناظر لهم: ذولا شبلاهم
العم محمد : ازريت عنهم - يعني ماقدرت عليهم -
العم عدنان بصراخ : الرجال جو
العم محمد : ابك اقعد جو الرجال
العم عدنان : ارحبو يرجال
ابو عمر : البقى يرجال
الياس قال بصوته الجمهوري : ارحب يبو عمر تو مانور المحلل
ابو عمر: البقى يبو محمد
عمر : مرحبابكم جميعاً
العم دحوم :مرحبابك زود
ابو عمر تنحنح: والله يبو نادر احنا طامعين بنسبكم
سلطان هو يهمس لنادر : مشاءالله محترمين
نادر ابتسم عالخفيف وقال بهمس: انطم
العم عدنان: والله مانلقى احسن من عمر بس من تبي
ابو عمر : بنتك حنين
انس ناظر بصدمه وهو يدري ان هتان يبيها وهمس ل الياس : يارب مايوافق
الياس : يارب
العم عدنان : ولله مانلقى احسن من عمر
-
عند هتان | الي تو وصل للديره وبيروح لنادر
هتان : غبت عن الديره يوم وكاني غايب سنه حي يالديره
راح للبيت العم عدنان واستغرب: غريب مو منعاويدهم يفتحون المجلس ولمبات - كان لابس شماغ ومسويها عصّابه ولابس ثوب دلخ المجلس وقال : السلام عليكم
انس همس ل الياس : الله يستر
العم محمد: هلا بهتان وصلت
هتان : اي الحمدالله وصلت
-سلم هتان على الرجال وقعد عن نادر -
ابو عمر : ها يبو نادر وش قلت
العم عدنان : ابد موافقين
العم دحوم: وراي البنت
العم عدنان : البنت مالها راي
هتان : ليه مين خاطب
عمر: خطبت حنين
هتان تجمدت اطراف اصابعه وجته الغصه كيف !! اروح منه بذي السهوله ماقدد يسيطر على نفسه ونزلت دمعته وقف وقال : تكفى يعم لا لا تكفى
الكل انصدم وقال العم عدنان : علامك
هتان وهو موقادر يسيطر على نفسه: لاتعطيه حنين انا انا ابيها
العم محمد : وش تقول انت
هتان وهو يبكي: ياعم ارجوك لاترمي الشوك وفي عيني وقلبي المغرم ابيها انا احبها ابيها ابيها تكفى يعم لا لاتوافق
العم عدنان : طيب..
هتان : لا لا تكفى لاتقولها
نادر وقف وناظر فيه: ليه ليه ماقلت لي
هتان وهو تعبت: وش اقولك انا احب اختك
العم عدنان : اعتذر يبو عمر مالك نصيب عندنا
عمر وقف وقال : كيف مالي نصيب ولا ماجا ذا الكلب كان وافقت
هتان جا عنده : ماراح تاخذها لو على جثتي
عمر : محد ياخذها غيري
هتان ابتسم : نشوف راي البنت- ناظر العم عدنان - ياعم انا جاي وابي اخطب حنين على سنه الله ورسوله
العم عدنان : نشوف راي البنت
عمر ابتسامه مستفزه: ومين الي يقول البنت مالها راي
العم عدنان : طلع لك لسان - ناظر هتان- جتك حنين
هتان حضن العم عدنان وضحك: الحمدالله
عند حنين الي كانت خايفه ان ابوها يوافق على عمر وقالت نادره : مبروك يعيوني
حنين بدموع: الله يبارك فيك
ابو عمر بعتب: منت برجال كان قعدت على كلمتك الاول
العم عدنان : قعدت ولاجلست شدخلك انت بنتي ابيها لولد عمها
عمر بعصبيه: طيب ابي نادره
نادر بصراخ: تخسي وتعقب تاخذ اختي هاذي اكثر من اخت
عمر : كيف يعني اكثر من اخت
نادر بعصبيه وصراخ: توامي ماراح تاخذها
عمر : امش ي بوي ذولا ماعندهم كرامه
العم محمد : لاخليناها لك وشكالك
هتان الي جالس يحاول يهدي نفسه قام وراح ورا عمر ومسكه مع رقبته: ثاني مره اشوفك ترفع صوتك على اعمامي قسم لدوس بطنك
عمر ضحك بسخريه : اقول اهجد يحبيب حنين
هتان ماتحمل وقام يضربه وبقوه وقال الياس : خلاص يهتان شبلاك اهجد
هتان وخشمه ينزف د*م: رح رح يبن الكلب
العم محمد: ادخل مسح خشمك
هتان مسح خشمه بعنف بس طاح على الارض من كثر التعب لان كان مواصل وفوق هاذا مضروب : يبه البضاعه بالسياره انايمكن ماروح المحل مواصل مقدر مانمت من ذاك اليوم
العم عدنان : نادر خله ينام بغرفتك
هتان : لا لا مايحتاج
نادر : اقول امش بس
- راح هتان للغرفه ونام -
العم محمد : والله هتان صدمنا
العم عدنان : ايوالله
العم دحوم : صدق انه نصيب
الياس جاه اتصال : لبيه
ملاذ بخوف: الياس وينك
الياس :عند عمي عدنان ليه
ملاذ بكى: تعال تكفى
الياس وقف: شفيك
ملاذ: خايفه ومره مصخنه ابيك تعال ليه رحت وخليتني
الياس : طيب انتي ماتبين تروحين
ملاذ: طيب الحين انت تعال تكفى ابغاك
الياس ضحك:يلا جايك
ملاذ: تضحك على احزاني
الياس: لاضحكت على نادر يلا جايك
نادر : الملعون حطها فيني
العم دحوم : علامها ملاذ
الياس : تقول خايفه يلا استاذنكم
العم دحوم : طيب جيبها لي بكرا من زمان عنها
الياس : ابشر يلا فمان الله
العم عدنان : فمان الكريم
-
الياس فتح الباب وملاذ كانت عند الباب ضمته: اخيراً جيت
الياس بادلها وكانت مره قصيره :ليه علامك
ملاذ: اسمع صوت كلاب واحس برعده شوف - وكانت ترجف وهاذا يدل ان حرارتها ٤٠ - وفلل الياس : ترجفين
ملاذ: ايه ليه
الياس : ملاذ حرارتك مرتفعه
ملاذ ضمته : لا مافيني شي
الياس مسك وجهها:ملاذ روحي تروشي وخذي علاج عشان اعلمك بخبر مره حلو
ملاذ ابتسمت : صدق
الياس ابتسم من ابتسامتها: اي والله يلا
- راحت اخذت شور وشربت علاج وراحت لصاله عند الياس - اي وش الخبر
الياس : شيخ القبيله جاء عند العم عدنان و- قالها السالفه -
ملاذ: الحمدالله انه خذها
الياس تنهد: عاد تصدقين ماتوقعت هاذي اللحظه
ملاذ استغربت : كيف يعني
الياس : ماكنت متوقع اني اخذك ابداً
ملاذ ضحكت : يوهه لاتفتح المواجيع
الياس تربع :كنتي مثلي
ملاذ : ايه
الياس : اسألك بالله
ملاذ :والله قلت الحين معه ورعاين وعايش حياته
الياس : قسم مثلي بس الحمدالله
ملاذ تثاوبت: فيني النوم
الياس : عاد توك صاحيه
ملاذ : بروح انام انا
الياس : حتى انا جاني النوم يلا
- نامو كل ابطالي-
انتهى البارت 💞💞🫱🏻🫲🏽
اسفه على السحبه بس كنت مضغوطه شوي لاتنسون النجمه 👍🏻💫💫
أنت تقرأ
ماعد يغريني الغلا ياغرام العام
Romanceكُتب بقلّم الگاتبه | رسـِيل ^ لااسمح النقل او الاقتباس ^ الروايةة ،، مُكتمله
