استغفر الله واتوب إليه
-
ذيب رفع حاجبه : ايوه ؟ انتي ؟ وتعترفين وبكل عين بارده انك تبيعين شيي خرب نص مراهقين الشعب ! ومستانسه !
اوجان بكت وهزت راسها : والله مجبوره والله مو بيدي ! كان يجوعنا ولا يعطينا من الاكل شي الا لين ابيع ! كنت اوقف في وجهه وارفض بس كان المقابل الضرب والتجويع ! كذا مره يضربنا جسمي كله كدمات وخواتي مو اقل، مايكفيه انه مسّفر اخوي عشان مانشوفه ويسوي الي يبيه براحته ! هذا انسان مريض ويستاهل الي صار له ، ايه مستعده اقول اني انا الي بعت معه بس غايه تطلع تكفى وربي راضيه انسجن ماعندي مشكله بس خواتي يكونون بخير
وجدان تعالت شهقاتها وضمت اختها
ذيب وهو مركز عليهم : راح تتقاضين لانك بعتي بغض النظر على انك كنتي مجبوره اخذيلك محامي شاطر وبتطلعين منها امّا اختك غايه باقي كم اجراء وتروحون وانتي لازم تبقين هنا لين ماتلقين لك محامي شاطر
قال بصوته الرخيم : ياعسكري تعال خذها حطها في التوقيف وطلع لنا غايه
العسكري دق تحيه : حاضر سيدي
وجدان ببكاء عيت تفك اختها : تكفين اوجانن
اوجان ببكاء بادلتها الحضن : لاتفكرين واجد حاولي تدورين ل اخوك ! دوري في البيت عن اي شي ممكن يوصلك له تفهمين ! وانا بدبر نفسي
العسكري حط الكلبشات عليها وراحت تحت انظار وجدان الي تبكي
ذيب مسك راسه : ياربي ماتقهويت وزاد علي صياح البنات اخ ياربي
قطب حواجبه من تذكر انهم يصيرون بنات عمه : بس كيف كذا ! لازم اسأل جدي الموضوع ماينسكت عنه
-
وجدان طلعت من المكتب وهي تركض وماحست الا وهي ترتطم بجسم من حزنها ما اهتمت من قدامها على طول حاوطته وهي تشاهق
-
كان رايح ل ذيب يقوله ان هاشم دخل غيبوبه وهو بالطريق اصتدم جسمه بجسم آخر بس صدمته يوم البنت حاوطته ماكان منه ردت فعل غير الصدمه
نطق واخيراً بعد معاناه مع الصدمه : وش فيش ؟
وجدان وعت على نفسها من سؤاله بعدت بسرعه منه ورفعت نظرها له
جمد جسمه من التقت عيونهم عيونها الزرقاء كانت تلمع من الدموع ظل واقف ويناظر
وجدان ارتبكت من الي سوته وركضت بدون ماتعطيه اي رد
رفع كتفه بعدم اهتمام من حالها بس عيونها للحين بمخيلته تنحنح ودخل ودق تحيه
ابتسم ذيب : استرح ياشقران
شقران بتعجب : ابسألك
ذيب بمزح : من متى والعسكر يطيح الميانه مع الضابط ؟
شقران حذفه بمنديل : بقعى !
ضحك ذيب : اخخ ياشقران ياكثر الحب
شقران ابتسم : احترم شواربي وتقول كثر الحب الا بسألك
ذيب : اسلم
شقران بضحكه : الي طلعت قبيل وش سالفتها تبكي ؟
ذيب تنهد : هذي هاشم يصير خالها
شقران : اخو العيال وتبكي عليه ؟
ذيب : لا تبكي على خواتها الي حجزتهم على ذمه التحقيق
شقران قطب حواجبه : ليه
ذيب : وحده كانت تبيع معه والثانيه هي الي فلخته
شقران : اها كذا
ذيب : اييه كذا ، اسمع ابيك تجيب لي جابر من تحت تحت الارض بناخذ معلومات من هاشم وتدز للمكان الي هو فيه وتجيبه
شقران : هاشم دخل غيبوبه
ذيب مسك راسه بتعب : لا لا لا اخخ
دخل ثابت : سلامتك من الاخ يابن العم
ابتسم ذيب : ارحب
ثابت : سلمه كيف حالكم
شقران : نحمدالله بخير وش وقوعك انت
ثابت : الحمدلله
ذيب : شف حل ياثابت عقلي قفلل
ثابت عقد حواجبه : افا وش صاير
حكى ذيب الي صار ل ثابت تحت صدمته من فعل غايه
ثابت : وهم الحين وين ؟
ذيب : حجزتهم لين تجي ونحقق معهم انا حققت مبدئياً وقالو لي الي قلت لك باقي التفاصيل
شقران : و جابر كيف نحصله ؟
ثابت ارخى جسده على الكرسي بتفكير : قلتو لي باقي وحده من البنات ؟
اومؤا بإيجاب
ثابت : بس خلاص اكيد تعرف شي ادعوها نسألها
شقران وقف : تم رايح ادعيها
ضحك ذيب : شكلك رحت وطي مع العيون الزرق
شقران بصدمه : اعقب
ضحك ذيب : رح رح
راح شقران يدور وجدان
ثابت : ايه وش كنت بتقول لي
ذيب ناظر الي يكتب : خلاص اطلع
طلع الرجال
ذيب اخذ كرت العايله ووراه ثابت : خذلك
ثابت بصدمه : ياراسي ! ذيب هذا وش !!
ذيب : تتوقع انهم متبرين منه ؟ ولا من زوجه ثانيه ؟
ثابت : عندي بطلع الموضوع
ذيب : الله يقويك وبخصوص البنات !
ثابت : افا عليك مهما صار الظفر مايطلع من اللحم بندور لهم محامي شاطر ومثل قولك انه وحده مجبوره والثانيه دفاع عن النفس امرهم هين
ذيب مسك راسه : تكفى الكلب ماس شرف وحده منهم !
ثابت فز بصدمه : نعممم !!!
ذيب اشر بيأس : ومجوعهم ومسوي اشياء ماتخطر على بالك من بشاعتها !
ثابت مسك راسه : يالله انك تجيرنا !
-
شقران طلع من المكتب يدور ل وجدان : شفت الحرمه الي كان هنا ؟
رد : ايوه راحت لقسم التحقيق
شقران ربت على كتفه : شكراً ، موفق
راح شقران لقسم التحقيق وشافها تصارخ وتدق الباب بجنون زادت سرعته يبي يشوف وش فيها : اختي وش السالفه ؟
وجدان وهي تضرب الباب : والله ظلمم ظلمم !! طلعوهمم كيف بعيش بدونهم طلعوهمم
شقران سحب يدها من الشباك : خلاص اهدي! ترى تحقيق ماراح ناكلهم بيطلعون معش
وجدان هدت شوي : ك كيف يعني ماراح يسجنونهم ؟
شقران هز راسه : ايه انتي الحين امشي معي المكتب فيه شوي اسئله
خافت وجدان ولا لاحضت انه نفسه الي هي حضنته
راحت وراه للمكتب وهي خايفه
-
عذيه لبست عبياتها بخوف ونزلت تشوف الطلب وش هو ومن مين ؟
فتحت الباب وشافت بوكس حلاو مع ورده كبيره سحبتها بوناسه : الله من الي مهدينني
سمعت صوت من وراها : انا
لفت عذيه بصدمه : هذالل
ابتسم هذال : عيونه
عذيه تعالت ضحكاتها وركضت تضمه : مشكورر مرهه
ابتسم هذال يحاوطها : والله اسف ياعذيه ماتوقعت تشيلين بخاطرك هالكثر
عذيه ابتسمت ووخرت منه : خلاص قبلت اعتذارك
هذال ضحك : زيين قبلتيه
بندر بصدمه من وراهم : بسم الله وش صار وش غير حالكم
عذيه : مالت عليك قل ماشاءالله لاتصكنا عيين
ضحك بندر : لا خافي من كل شي الا عيني عيني بارده
هذال بتساؤل : خوالي ماقالو لكم متى بيجون ؟
عذيه : الا البنات يقولون على الاسبوع الجاي بيجون
بندر بوناسه : يالبيه يعني على بدايه الشتاء
هذال : عاد مشتاق لهم الصدق
عذيه : سمعت جدي يقول بنروح كلنا ل ابها نصيّف وجدتي تقول الطايف وللحين ماحددو
ضحك بندر : تخيلت شكلنا كذا وكلنا واجدين ماشاءالله لا احسن لهم الديره
هذال : يالبيه ياديرتنا بس
عذيه ضحكت : لحظه ادراك اننا حنا عايشين بالديره مايمدي نقول رايحين للديره عند خوالي
ضحك هذال : المضحك المبكي
بندر : حاصل لكم بس يازين ديرتنا ويازين العيش فيها
هذال : اسلم بندر عصب وقام يدافع عنها يعني ياويلكم
-
ابو ثابت بعصبيه : والحل ! نخلي الشيبه يروح !
ابو بتّال بهدوء عكس اخوه : طبعاً ! اجل نخليه يتعب ! من جدك انت يارجال خله يروح ويسلم على ولده كفايه انه يرسل مراسيل ولا راح حمد بحاجتنا ولا واحد مننا تحرك ولا سوى شي ! ولا حتى رحنا له على الاقل فلوس وموجوده الحمد الله وصحتنا زينه وشوله مانروح ؟ العتب علينا وانا اخوك العتب علينا وراكبنا من راسنا ل اغماس رجلينا كفايه فقدنا ل اخوك غازي وانت ادرى
ابو ثابت بعصبيه : سيّاف !! وش قلنا موضوع غازي يتقفل تماماً تسمع ولا لا ! ولاعاد ينفتح امّا حمد محلول امره دامه يبي يروح له يروح وش نسوي اذا ماهو مهتم لصحته وش يحرق اعصابنا !
ابو بتّال : انت ماتفهم ؟ ماتوحي ؟ كيف ننسى ! غازي اخونا ياولد افهمم اخوووناا طلعنا من نفس البطن البطن نفسه طلعنا دور دور منه مشكلتك اذا تبي تنسى وماتسامح انا بسامحه ولا بعد ماراح اوقف كذا بروح وبدور له
ابو ثابت ب انفعال مسك اخوه : سياّف اصحىى على نفسسك اصححى انت تبي ابوي يمرض ؟؟ تبيه يمرض شكلك تبيه يتعب تفتح موضوع من سنين مقفلين عليه !
وقف ابو بتّال : وليه نقفل لييه ؟؟ لانه اختار شريكه حياته الي يبييها ؟؟
دوى في مسامعهم صوت ابوهم بكل برود : اقطعو الهرج وكلن يروح بيته يالله
ابو بتّال بتوتر : يبه والله مايصير..
قاطعه الجد شريم : قلت كلم يروح بيته
طلع ابو ثابت معصب من اخوه ومن طردت ابوه
ابو بتّال قرّب من ابوه وقَبّل راسه : حقك علي يابوي لكن غازي مستحيل انساه يبه وبدور عليه لين ما القاه
الجد شريم بصدمه : تعصاني ياسيّاف !
ابو بتّال : اعقب واخسي يا يبه ولاني بقوي على عصيانك بس يبه هذا اخوي اخوي من لحمي ودمي وعمره الظفر مايطلع من اللحم يبه
الجد شريم بعصبيه : اططلع بررا ياسياف بررا قبل اغضب عليك مثل اخوك اطللع
طلع ابو بتّال بدون ولا حرف مايبي يثير اعصاب ابوه زياده
جلس الجد شريم بيأس : وش الحل مع ذولا العيال وش الحلل كل واحد متعبني ومشقيني وهم كبار !!
دخلت الجده هيله وهي تبكي : شريم ليه ياشريم ! خلّه يدور اخوه خلّه يدور لوليدي ياشريم
وقف الجد شريم : لا ياهيله لا ولدك عصاني وانا ما اداني الي يطلع عن شوري
الجده هيله بيأس مسحت دموعها : حسبي الله عليك ياشريم ان كانك بعدت ام عن ضناها حسبي الله عليك
طلعت الجده هيله ودموعها بعيونها وتنزل على خدها
-
دخلت اوجان غرفه شبه ظلام وسمعت صوت غايه تبكي : غايه وينكك
غايه بشهقه : اوجانن !!
ركضت اوجان وضمتها : ياعيوني اي والله ليش البكاء ؟ ماقلت لك بحلها ؟
غايه نفت براسها : الي صار فينا مو شويي اوجاان مو شوي !!
اوجان مسحت على راس اختها بهدوء : تثقين فيني ؟
غايه : طبعا
اوجان : اجل خلاص لاعاد تبكين وشبكك !
-
طلعت من الحمام ( يكرم القارئين ) وهي تمسك بطنها بألم : بطني يعورني بشكل
فز من شافها طلعت : اثير وشبك ؟
اثير اترمت بحضنه ببكاء : راشد بطني ياراشد يعورني
راشد شد على خصرها : بسم الله عليك ياروح راشد تعالي اجلسي اجسلي
جلست اثير على الكرسي وراشد خذا كرسي وجلس قبالها : وش تحسين فيه من وين يوجعك
اثير اشرت على اسفل بطنها قريب من الارحام : من هنا
راشد حط يده على مكان الالم وضغط عليه بخفيف لكن صرخت اثير بوجع : لا راشد يوجعع
راشد ابتسم : يا الله يا اثير
اثير بتعب : تبتسم وانا اتألم انت زوج انتت
راشد حاوطت يدينه خدودها : اثير انتي يمكن حامل
اثير بصدمه : ح حامل ؟ ب بس انا اكل حبوب كيف كذا
راشد : يمكن نسيتي تاكلينا حتى لو تتركينها يوم واحدد بس يتغير وتتنشط ارحامك
اثير بتعب : راشد رجعني البيت وربي مو قادره ابي انام
وقف راشد : تحلمين واجد امشي نحلل اول ونشوف
اثير : راشدد !
راشد : مافيه مافيه امشي قدامي
-
وقفت بخوف وهي تشوف الثوب محروق قدامها : يمه بتَال شوي ويطلع اذا شافه بيهاوشني والله بيهاوشني
طلع من الحمام ومنشفته حول بطنه يدندن : انا بتبع قلبي وبس ماعلّي بالنااس
ارتفع صوته وهو يردد : كذبب الي يقول المحببه لها مقيااسس
ابتسمت برعب : عاش الله محلا صوتك
ابتسم بتفاخر : ايه ادري ادري محظوظه فيني وفي كرشي
جملا وقفت تلهيه مايشوف الثوب : اي والله محظوظه
ابتسم بتّال وقربها له مع خصرها : وانا بعد محظوظ ترى
ضحكت جملا تحاوطه : غصب
بتّال حرك راسه بسرعه عشان ينطش المويه على جملا : اعقبيي
ضحكت جملا تثبت راسه : خلاص وقف وقف
وقف بتّال وقرّب يقّبل جبينها : اخخ وربي احبك
ابتسمت جملا : وانا اكثر
بتّال تنحنح : يالله خلصي ثوبي لان لو جلست شوي بسحب على الشغل
جملا بورطه : ي يالله
بتّال وخر جملا يبي ياخذ الثوب : مشكو
سكت بصدمه من شاف الفتحه الي بنص الثوب
جملا غمضت عينها : وربي بالغلط
بتّال ابتسم من شكلها : شدعوه يروح ثوب يجي غيره لاتشيلين هم
جملا بصدمه : صدق ؟ عادي يعني ماعصبت ؟
بتّال بتعجب وضحكه : ليش اعصب مو قلتي بالغلط ؟
جميلا بفرط مشاعر ضمته : اخخ احببك دبدوبيي
بتّال ضحك : بغرقك ترى
جملا ضمته زياده : عادي عادي راضيه
بادلها بتّال بقوه : اححبببكك
ضحكت جملا : خلاصص فكنيي وربي انخنقت
بتّال بسرعه : اخرتيني خليني اروح
جملا وقفت قدامه : لحظه قبل تروح
بتّال وقف : لبيه
جملا رفعت نفسها وطبعت قُبله على شفايفه بسرعه : هذي هديه
بتّال وقف بصدمه : هييه وقفي وربي ما اروح
ضحكت جملا ودفته : رح البس سرعهه الوقت تأخر
بتّال ضحك : الوعد لارجعت
جملا طلعت من الغرفه عشان يلبس براحته
-
انتهى
-
