بسم الله استغفر الله
—————————
ضحك ذيب : يابوي متأثر بالمسلسلات انت وش الي يتزوجون
ثابت حك راسه : مدري شكلي فكرت خارج الصندوق
شقران : انت فكرت خارج الكوكب اصلاً
ذيب : لا بنشوف حل معنا وقت
وجدان : طيب انا ابي ارجع البيت اخذ اغراضنا
ثابت : بوصلك تعالي
طلع ثابت ولحقته وجدان
ذيب بهمس : يبدو لي مو بس انت وقعت
ضحك شقران : شدعوه عليك من قال ؟
ذيب : قم قم ادع لي غايه
شقران وقف : آمر سيدي
طلع شقران يبي ينادي غايه
-
تيجان بتوتر : منصور بقولك شي
منصور همهم : ايه وش بغيتي
تيجان : فيه وحده من استاذاتي تعطيني اوراق تقول عطيها اخوك انا اسفه والله كنت اشوفهم وكلها غزل وحب وحتى تكتب رقمها وكل مره تسألني اخوك شاف الورقه ؟ واقول لها مدري بس هو مشغول دايم بالجو
ضحك منصور : من جدها ذي
تيجان : والله تخوفني ياخي عليها نظرات تخوف
منصور وقف السياره ولف لتيجان : ماعليك منها ولاتهتمين واذا سألتك قولي ايه شاف الورق وقطعها وتفل عليها ، لاتخافين ياتيجان ووراك ثلاث صقور تقول لك اء اردها لها ولا بعمرك تخافين غير من ربي وهذي اصلاً عطيني رقمها اتفاهم معها لاتشيلين هم
تيجان قّبلت راسه : لاخلا ولا عدم يامنصور
منصور عطاها فسحه : خذيها واكلي زين اثير تشكتي تقول ماتاكلين
ضحكت تيجان : تعرفها تتوتر واجد والا انا اكل حتى الصحن اكله
منصور مسح على راسها : عافيه
نزلت تيجان للمدرسه ولوحت له ب يدها وبادلها منصور ب ابتسامه
-
وجود نزلت للجامعه ودخلت المحاضره بحكم انها تأخرت عشر دقايق
دخلت وهي تلهث : السلام عليكم
الدكتور عقد حاجبه : ماشاءالله وش مأخرك ؟
وجود بتلعثم : زحمه
الدكتور وهو يفتح سجل الحضور : وش اسمك
وجود تنهدت : وجود مطلق
الدكتور : هذا ثالث تأخير ياوجود يعني انذار اول تعالي وقعي بعده حرمان للماده تعرفين ولا لا ؟
وجود : يادكتور والله المسافه بعيده وفيه زحمه مو بيدي
الدكتور : تعالي وقعي هنا وانتبهي للمره الثانيه
وجود تقدمت توقع بحقد وراحت لمكانها
كمل الدكتور شرح
-
ويلان : اف افنان والله مالي خلق السوق
افنان : اخخ وربي مستحيه بس انا وهي وهو ! لا مقدر
ويلان : خلي يزيد يروح معكم
افنان : اييه والله فكرره
ويلان : ايه انا ام الافكار وش على بالكك
-
"الساعه ١٢ ظهراً"
راشد فز بوناسه : يعني يادكتور حاملل ؟
الدكتور : ايه حامل وبالشهر الاول
راشد : اللهم لك الحمد اللهم لك الحمد
اثير ابتسمت من وناسته بس للحينها مستغربه هي ولا مره نست تاكل الحبوب كيف حملت !
راشد مسك يدها ووقفها : ولا تتعبين نفسك ابد كل شي تبينه يجي ليين عندك
ابتسمت اثير : لاخلا ولا عدم ياحبيبي
راشد من فرط وماسته شوي ويشلها من الارض
-
في ابها 📍
في غرفه معتمه كان رامي نفسه على السرير والهواجيس ماخذته لعالم ثاني : ليه يافهد ليه نسيت ملامحها !!
كانت الهواجيس تسحبه بالتفكير في امه الي فقدها وهو بزر بيوم وليله راحت ..
قطع حبل افكاره دخول مطلق بقوه : قم قم قم انت حياتك كلها نوم
تمطط بتعب : كم الساعه
مطلق : الساعه ١٢
فهد : وش رايك نروح للكوفي نروق شوي
مطلق : الا وش رايك نرجع لنجد
فهد ضحك : ودك ترجع ارجع انا ماني ناوي
مطلق : غصب وانا اخوك ماهو على كيفك
فهد بصدمه وضحكه : اخوك ياثابت تغصبني ؟
مطلق : ايه امي اتصلت علي والله انها تبكي تقول شهر ماشفته ولا يرد على جواله
فهد بصدمه : يابعد السعوديه اي والله جعلني فدوه اخخ جعلني اخذ ضيمها اربني اكلممها
مطلق ضحك : مو عشانك جيت هنا تسرق كلامهم
فهد دفه : والله من جمال اللهجه سرقتها
مطلق : ورعع ليه تدف
فهد : بنروح الكوفي نفطر
مطلق : عاد ابها كلها كوفيهات
فهد : بس فيه كوفي كوفيي ياخخذ العقلل
مطلق : ياحياه الشقى معليه يالله بس بشرطط
فهد ضحك : سم
مطلق : نرجع لنجد ياخي اشتقت والله
فهد : تم تم بس يومين وارجع ابها قلت لك
مطلق ب استفهام : فهد يصير اسألك
فهد عرف ب وش بيسأله : اسألني بعدين الحين خلني مروق
مطلق وقف : طيب اتتظرك تحت
-
الجد شريم دق على ابو ثابت : اخلص علي احجز
ابو ثابت كان ماسك اعصابه : ابشر يبه ابشر
الجد شريم كان يبي هذا الرد ومن سمعه قفل الخط
ابو ثابت اتصل على ثابت
-
ثابت كان في سيارته قدام بيت هاشم ينتظر وجدان قطع حبل افكاره اتصال ابوه : هلا يبه امر
ابو ثابت : احجز لجدك لوس انجلوس يبي يشوف عمك حمد
ثابت : بيروح لحاله !
ابو ثابت : لا انت ولا واحد من عيال عمك يروحون معه ماهو قادر على السفر لحاله
ثابت : ايه اشوى معليه ابشر ازهله
ابو ثابت : اخوانك السرابيت وينهم ! قد لي يومين ماشفتهم شكل وراهم علم
ثابت : لا يبه في ابها عند فهد اكيد بيجون
رفع راسه وشاف وجدان جايه : يالله يبه اكلمك بعد شوي
قفل ابو ثابت وهو مركز بالطريق ويتذكر مرزوقه : وش جابها بعد هالوقت !
-
شقران وقف قدام الغرفه وسمع صوت بكاء : الله يعينهم يارب
غايه كانت ضامه اوجان وتهديها : خلاص تكفين خلاص عورتي قلبي
اوجان مسحت دموعها بعنف : والله ثم والله لو رجع ولا مات ارجع واقت..
غايه سدت فمها : ترانا مو بالبيت ! لو يصير فيه شي حتى لو بعد خمسين سنه حطوها فيك !
شقران تنحنح وفتح الباب : غايه تعالي نكمل تحقيقات
وقفت غايه : طيب
لفت على اوجان : انتبهي لنفسك
طلعت غايه مع شقران وهي تمسح عيونها
شقران في نفسه : ماشاءالله عليهم وش ذي العيون كتلوج ازرق اخضرعسلي طب وتخير ماشاءالله بس
-
دخل المطار ببدلته وكان ملفت الكل يسلم عليه : هلا والله كيفك انت ؟
دخل المكتب وحط الكاب : بسم الله الله يسهل علينا
دخلت بكل رقه وانوثه وعطرها ملى المكان : منصور
رفع راسه بصدمه : نعم ؟
قرّبت وصوت كعبها يدوي في المكتب دوي وكل ماله عطرها يخيم على الجو : ابي معامله قالي المدير اخذها منك
منصور بغثيان صد وقال بهمس : الله يقرفها يارب ذا عطر ينحط ! شكله عطر الفلفل
قالت بصوت انثوي : وش قلت ؟ ماسمعت
منصور ابتسم بورطه : طيب بعطيك اياها ثواني بس
طلع الاوراق ومدها لها قرّبت بتاخذها لكن عرجت بالكعب وطاحت على المكتب
صد يكتم ضحكته وزام شفايفه على بعض
قامت بقهر وسحبت الملف بقوه وطلعت وهي متفشله ومقهوره
اول ماطلعت انفجر منصور يضحك : والله انها سبيّكه
-
وجدان ركبت السياره وبيدها شنطتين فيها اغراضها واغراض خواتها وخذت نلف موجود بغرفه هاشم وهم اخذوه للإحتياط
ثابت : خلاص ؟
وجدان سكرت الباب : ايه خلاص
حرك ثابت راجع للمركز : الملف ذا وش ؟
وجدان : هذا ملف خذيناه من غرفه هاشم قبل اسبوع كنا نبي نوصل ل جابر ب اي طريقه وخذينا ذا الملف ولا ادري وش الي فيه
ثابت : حلو حلو شكل ربي راضي علينا لقيت خطه بعد
وجدان : وشهي ؟
ثابت : بالمركز بقول
-
مطلق : يليييل يالبزر تأخرت مره
طلع فهد وهو لابس جينز وتيشيرت ابيض : يالله خلصت
مطلق بنقد : اثرهاا عللوم وش ذيه اللبس ياولد تقلع البس ثوب
فهد ضحك : شدعوه عليك !
مطلق : امش امش بس اخرتنا قدهو غداء ماهو فطور
فهد : عادي البطن مايدري وش الوقت
مطلق ضحك : اقنعتني
-
وصلوا ثابت ووجدان لمركز الشرطه وكانوا غايه وذيب بغرفه التحقيقات وشقران يشوفهم من ورى الدريشه دقه ثابت بخفه : وش تشوف
فز شقران : سبعاههه روعتني ياولد !
ثابت ضحك : خير خير وش سبعاه لاتسب
شقران ناظر وراه وجدان تشيل الشناط وجايه : ماشاءالله جابت بيتهم كله
ثابت : الاهم وش عرففتت
شقران بتسأول : ووش
ثابت دفه مع جبهته : مايخصك
تعداه ثابت رايح ل ذيب وغايه
وجدان وقفت قدام شقران : وين احطها
شقران بمزح : على ظهري
وجدان : سخييف تراك !
شقران كمل بمزح : اح تقولين ل عسكري سخيف ! والله لا اسجنك
وجدان : خوفتني مره ! الي ماتطوله برجلك واصل بيدك
ضحك شقران : قولي المثل زين بالاول !
وجدان : صح علي بس انت تركز مره
شقران قرّب منها : الي ماتطوله بيدك واصله برجولك
وجدان توترت من قربه ووخرت : الي هو اهم شي فهمت المعنى وين خواتي
شقران حك حاجبه : غايه عند ذيب و اوجان بالتوقيف
وجدان : طيب شكراً
راحت وجدان وهي تشيل الشناط بس ما انتبهت للبوك الي طاح شقران انتبه : وج..
انمسحت كل حروفه من فتح البوك وشاف صوره البنت الي كانت موجوده فيه : هذي هي ؟ والله مزيونه ! مع انه باين انها صغيره هنا !
جلس يتأمل شوي وسحب الصوره وحطها بمخباته وقفل البوك وراح ل عسكري واقف : ياعسكري
العسكري : هلا ؟
شقران مد له البوك : شفت البنت الي قبيل ؟
العسكري : ايوه وشبها ؟
شقران : عطها البوك هذا طاح منها
اومأ العسكري واخذ البوك ولحق وجدان
شقران ابتسم بجانبيه : والله دخلت مزاجي !
-
انتهى....
-
دعمكم يحزززن 😣
