استغفر الله واتوب اليه
———————————
انفتح الباب وفزوا البنات بخوف
العسكري : غايه غازي تتفضل
غايه قامت وناضرت اختها : و وش يبون ؟
اوجان وقفت معها : غايه كل شي تعرفينه تقولينه تفهمين ؟ ماعاد فيه شي ينخش دامهم عرفو اني ابيع بداله
غايه بدموع : طيب الي صار لي ؟
اوجان بعقدت حاجب : وش
غايه ناظرت العسكري : ممكن شوي ؟
العسكري : ثلاث دقايق وماغيرهم
طلع العسكري
اوجان : وشش
غايه بكت من تذكرت كل الي صار بالتفاصيل : ا اوجانن
اوجان بخوف : بسم الله عليك وش فيككك
غايه بكت وهي تروي لها الي صار بالتفصيل رجعت بها الذاكره قبل ٥ سنين :
كانت غايه تلعب بالمرجيحه وصوت البرق يدوي في مسامعها وضحكتها ماغابت وهي تحس بقطرات المطر عليها
كان يشوفها من بعيد مثل الثعلب وهو يراقب فريسته عينه ما انزاحت عنها وملابسها الي لاصقه على جسمها ومبينه تفاصيله تقدم لها بخطوات متثاقله وهو يسمع صوت ضحكتها تعلى وتعلى
حست ب احد يمشي وراها التفتت وشافت خالها وقفت بخوف : خ خ خالي اسفه
رد عليها بكل مكر : عادي شو بك ؟ العبي بدك اياني ادفعك ؟
ابتسمت بنيه صافيه : عادي ؟؟
مسح شواربه ب ابتسامه مقرفه : لكان خالو العبي وانا بدفعك
جلست على المرجيحه بوناسه ونيتها كانت صافيه ماهي عارفه عن افكار القذر الي وراها وبشاعة الموقف
حط يده على كتفها ودفعها وكل ماترتفع تتعالى ضحكاتها لين ماوقفها : خالو جيبي لي السلم الي بالمخزن
نزلت غايه بسرعه وراحت للمخزن بطيب نيه ماكانت عارفه عن الكلب الي لحقها على طول
لفت تبي تطلع وشافته واقف قدام الباب وعينه متركزه على جسمها : طلعتي حلوه وماني عارف
ابتسمت بتوتر : ع عيونك الحلوه
قرّب منها وهو يمسك زندها بقذاره وهي تصارخ لكن بدون جدوى ......
ذكرى هذه الليله لَم تُمحى من ذاكرت غايه ل هذا اليوم وقررت ان تكتم السر بداخلها وهذا اكبر غلط ....
-
وقف ذيب بصدمه وهو يسمع السالفه رجفت يده من القهر : حيوان ! هيين موضوعك عندي ياحثاله
استقام ذيب وتنحنح قبل يدخل : غايه
اوجان لازالت تبكي وتلوم نفسها : انا وين كنتت انا ويين ياغايه ليشش ما ساعدتك ليشش انا مو كفو اكون اختكم الكبيره ماعندي مسؤلييه ماعندي
جلست منهاره على الكرسي ويدها على راسها : اكرره نفسيي اكرره نفسييي
غايه وقفت بشهقات : اوجان لاتلومينن نفسكك انا الغلطانه اوجان مالك ذنب انتي !
ذيب انحرج وحس انه جاي بوقت غلط وطلع : الله يهون عليهم
-
وجدان دخلت المكتب بتوتر وعيون محمره من البكاء
شقران : تفضلي
رفع ثابت راسه وسرعان ماوقف من شاف البنت الواقفه
شقران اشر عليها : هذي وجدان اختهم
ثابت رفع حاجبه ب ابتسامه : تشرفنا كيفك ؟
وجدان كانت خايفه مره ومن خوفها فضّلت السكوت
ثابت مسح شاربه بفشله : بخير بخير
شقران كتم ضحكته من ورطة ثابت
ثابت رفع نظره ل شقران الي يتهزز من الضحك : نعم ؟ وش يضحك ؟
التفتت وجدان تشوف كان شقران كاتم ضحكته ويتهزز ومن لفوا عليه انفجر ضحك وخدوده صارت حمراء
وجدان كانت منفسه حييل بس من سمعت ضحكته ضحكت من صوتها مع انها ماتدري وش سبب ضحكه
ثابت يوم شافها تضحك قال بدون وعي : حييك ياشقير ضحكت بنت عمي
وجدان لفّت بصدمه واختفت الضحكه : هاه
شقران وقف ضحك : وشهوو
ثابت بورطة : ههه الحمدلله فادت الخطه ابيكم توقفون ضحك ونبداء بالجد
ثابت كمل : اجلسوا
جلسوا شقران ووجدان
ثابت ناظر وجدان : كم عمرك ؟
وجدان : ٢٣
ثابت : وجدان احنا نحتاجك تساعدينا عشان نرجّع اخوك
وجدان عقدت حاجبها : كيف اساعدكم ؟ لو اقدر اساعدكم عادي
ثابت ناظر شقران : تسافرون ل لوس انجلوس تدورون له بالمعلومات الي بنطلعها لكم
شقران ب استفهام : تدورون ؟
ثابت : ايوه تدورون انت وهي
وجدان : انا وهوو !
شقران بنفس الوقت : انا وهي ؟
ثابت بضحكه : ايه انت وهي
شقران تكى على الكرسي ب ابتسامه جانبيه ومسك شواربه : انا وهي
وجدان خافت من شكله : هذا وش فيه
ضحك شقران من عيونها الي شوي وتطلع من الصدمه : امزح والله
دخل ذيب : ماشاءالله مكتبي صار مكان ضحك
ثابت قام من مكان ذيب : لا ابد بس اقول لهم لازم يجيبون جابر
ذيب جلس وعقد حواجبه : كيف
ثابت : امهلوني يومين اجيب المعلومات
ذيب : طيب وبعده
ثابت : بعده شقران يروح ولازم وحده من البنات تروح معه
ذيب بتفكير : مثل منت عارف غايه و اوجان عندنا بالتوقيف مافيه يعني الا وجدان
ناظر وجدان : بتروحين ؟
وجدان تذكرت كلام اوجان يوم قالت دوري ل اخوك : ايه بروح
شقران : يالله بس ماقدر اروح معها وهي مو محرم لي لازم محرم
ثابت : تزوجها
-
الجده هيله كانت تبكي وتناظر صوره كانت جامعه فيها عيالها كلهم كانت عيونها مركزه على غازي وحمد وتبكي بكاء يعور بالقلب
دخلت بدفاشه : العجوزز هييلهه !!
فزّت الجده هيله ودخلت الصوره تحت المساده : هلا مرزوقه وش عندك
مرزوقه بعقدت حاجب : انتتي وش بها عيونك كذا تبكيين ؟؟
الجد هيله ابتسمت : يازينك يامرزوقه
مرزوقه بعصبيه : هذا الشيبه سوالكك شيي قوليلي بسس افرممه فررم
الجده مسكتها : لا مرزوقه اركدي
مرزوقه مسكت كف الجده : لايزعلك الرجال مايستاهلو الا تفله
الجد من وراها : الخبله ذي وش جايبها ؟
وقفت مرزوقه : هيي انتت انا مو خبله تففهم ياهيله قوليلههه
الجد قبّل يده وجه وقفى : الحمدلله والشكر ان اهل العقول في راحه
مرزوقه : طولتتها مرره ترى ودك تجرب كم بقس مني
الجد : نعمم !! طالت وشمختت
فزت مرزوقه بخوف وراحت ورى الجده : شوفيه ذا الشيبه بيذبحنيي
الجده هيله : اطلع يا شريم خلنا بروحنا
الجد شريم : الله يازمن انطرد عشان هبيله الله المستعان
طلع الجد ووقفت مرزوقه قدام الجده وقالت بضحك : شفتي كيف فرمت راسه بخليه يندم انه بكاك
ضحكت الجده هيله : يازينك يامرزوقه
مرزوقه بعتب : صاير لكم يومين ماترسلون لي اكل جيت اشوف وش فيكم
الجده هيله : يووه يامرزوقه نسيت والله نسيت حقك علي انشغلت مع هالعيال
ضحكت مرزوقه : لا عادي اصلاً تعودت
الجده هيله مسكت يدها وسحبتها معها : تعالي ابشري والله بالعيشه يامرزوقه
مرزوقه : ت ترى عادي لو ماتعطيني
وقفت الجده هيله من شافت ظل اقدام عند الباب : منن
ابو ثابت : انا يمه
الجده ماعرفت وش تسوي وين تحط مرزوقه عشان مايشوفها
مرزوقه بخوف : ه هذ هذذا سعود ؟ ب بروح بروووح
الجده ثبتتها مكانها : لا خليك هنيا انا بروح له
فتحت الجده الباب وكانت قدامه
ابتسم ابو ثابت : ارحبي
الجده هيله : سلمه وش جايبك ؟ توك رايح
ابو ثابت : افا يمه ماتبيني ؟
الجد هيله : لا ماهو بكذا اطلع ذلحين بعدين اكلمك
ابو ثابت عقد حاجبه : ابشري
قفلت الباب وشافت وراها مالقت مرزوقه: هذي وين راحت لايكون راحت مع الباب الخلفي !
اما عند مرزوقه الي ركضت من سمعت صوته وطلعت مع الباب الخلفي تركض بخوف
ابو ثابت كان واقف عند البوابه يبي يطلع بس سمع صوت ورى وفضوله دفعه لهاك المكان
كانت واقفه عند الجدار بعد ماشافت الباب مقفل كانت ماسكه قلبها برعب
ابو ثابت بصدمه : مرزوقه !
مرزوقه قامت تتنافض من الرعب يوم شافته وتنفي براسها
ابو ثابت قرّب منها بعصبيه : انا ماقلت لك اطلعي من حياتناا ! من وين جيتي انتي ! تبين افصصل علييك وش جايبببك
الجده هيله من وراهم : انا جايبتها يا سعود
ابو ثابت لف ل امه بصراخ : ولييه جايبتها لييه وش تبين فيهاا
الجده هيله : ترفع صوتك علي ياولد بطنني !
ابو ثابت : يمه لاتجنينيي انتي تعرفين هذي من ولييه يمه جايبه ذي الخبله
الجده هيله بعصبيه : هي من زمان عايشه في المزرعه ماجبتها ذلحين ! من زمان وهي موجوده في ذراي والي فيه خير يقربها ولا يسوي لها شي ، الي فيها منك انتت منك انت ، واعزاي انه منك ياولدي ياولد بطني ، اطلع برا
ابو ثابت : انا اطلع يمه ! وهي تجلس تطرديني عشانها !
الجده هيله : اطلع برا اذا مرزوقه في مكان انت تذلف واذا شفتها بالصدف تصد وجهك يامسود الوجه
ابو ثابت : يمه لاتفتحين بيبان قفلناها من سنين لاتتعبيني وتتعبين نفسك مع المجنونه الي وراك
الجده هيله بعصبيه رفعت عصاها : اططلع !
-
انتهى...
-
تتوقعون مرزوقه وش علاقتها فيهم ؟
( فيه بارت ثاني بينزل الليله ) احبكم💗
