ثعلب الحبتر

part ••17••

مساء الخير زهـرات

#ثعلب الحبتر

#بقلمي انا: زهراء

#حساب الانستا: zaii1_8

لا تنسون التصويت +التعليق بين الفقرات +احبكم زهـرات

بسـم ﷲ الرحمـن الرحيـم
ـــــــــــــــــــــــــــــــــــــــــــــــــــــــــــــــــــــــــــــــــــــــــــ

هَل ياتُرى .. لَو مِتُّ أنسى ما جَرى ..؟!

هَل ياتُرى .. لو كان عندي غَيرَكُم ..

قَلبي إليكُم ما سَرى ..؟!

هَل ياتُرى .. يَحتاجُ مني كُرهكم ..

قَلباً قَوياً ثائِراً وَتمَرُّداً وتَجَمهُرا ..؟!!

ها قَد أفاضَت أجفُني ..

والدَمعُ منها قد جَرى ..

والدنيا ضاگت والنفس باقي اعله گد الحسرة ..

فرحان داويت الغصن .. ثاري المرض بالشجرة ..

مرت سنين من العطش مو شفتي روحي اتفطرت ..

ومتاني حبكم گطرة ..

وما گلت ليش تعذبت ..

چنت ادري اليحب من صدگ يرتاح بس بگبره ..

وصار المعارك بالحچي ..

وبين الضجيج المرتفع فرزنت منكم نبرة ...

حنيت .. گمت أكتب شعر ..

ديوان كامل بس غزل ..

كملته وانطيته لشخص لا يكتب ولا يقره .

ــــــــــــــــــــــــــــــــــــــــــــــــــــــــــــــــــــــــــــــــــــــ

ترف

مرن يومين الوجع بطني يروح ويرجع بس ما انطيت اهمية للموضوع كلت احتمال من العملية

شعور الاختناق الي ما جاي يفارقني والنوم الي اتهرب منة لأن من انام احس شي يكعد على صدري

من غير النفسية الي صايرة تحت الصفر وهم الموضوع الي سمعتة من جواهر احس صرت مقيديني اذا سكتت ضميري يأنبني و اذا حجيت اعرف ومتأكدة السالفة راح تنكلب ضدي

اتحسرت وطلعت علج طبكت اربعة وخليتهن بحلكي ورحت للكنتور فتحتة واخذت من فلوس الي مخليتهم الي روح
حسبت منهم واخذت على كد سعر تلفون لأن ما اعرف ضالة بدونة سديت الكنتور وفرشت شعري على كتافاتي وطلعت لكيتهم كلهم متجمعين كلبت عيوني صايرة ما اطيقهمم بشكل او اتلافاهم كارها كلشي بهذا البيت ابتسمت بس مجاملة الهم وحتة كلامي مجرد مجاملة رحت كعدت على تخم وحدة وخليت رجل على رجل
باسل... هلا بأميرتنة