دار الأيتام

البارت الاول

...هستوني طالع من الدوام وضايج
والشمس تصكع براسي
لبست نظاراتي الشمسيه و صعدت بالسياره وسقت بسرعه
علكت بإزدحام وبعد ما طلعت
لفتت نظري طفله
خدودها حمره من الشمس و شعرها ضارب بيه الشمس وعسلي
يُبين بملامحها الحزن وملابسها مبهذله عيونها تلمع
شفت بايدها سله ورد
وتفتر على السيارات
قطع نظري بيها الشرطي الي واكف يمها ودفعها
شفتها ضلت تبجي
ما تحملت ونزلت من السياره
ودفعته
وكومتها عيونها جانت خضره وتجنن
اجه ضربني من ورا وكمتله
سامر: شطولك شعرضك وحارس وطني ما تستحي على شواربك تستقوي على بنيه صغيره كلكم الشرطه هيج ما يهمكم بس الراتب
: احترم نفسك اخي هيه جانت هنانه مخالفه للقانون ...قاطعته
سامر: قانون كال قانون اترخص اني
لزمتها من ايدها وصعدتها وياي بالسياره وهيه تبجي
جانت السيارات تمشي ما كدرت احجي وياها وهيه تتوسل بيه انزلها بس قفلت البيبان
وصلت لمكان بيه في وأشجار
نزلتها ووياها سلتها
طلعت بطل المي من السياره وغسلت وجهه وأيدها
:عمو حباب عوفني هسه ماما جيهان ما تقبل ما اريد أتأخر تكتلني وما تنطيني لفه
استغربت من كلامها لزمتها من اكتافها واباوع بعيونها الي جنها متاهة من حلاتها
سامر: وينها هاي ماما وانتي ليش هيج طالعه وحدج ما تخافين
:ما اعرف احنه عايشين ببيت هيج(فتحت ايدها ع كبرها بمعنى كبير) وهواي جهال بعمري همين وكلنا نشتغل ما نكعد واذا احد كعد وبقه نايم تجي تضربه ويطلع اوا احمر وما تقبل احد يتاخر لان تسويله همين اوا وما تنطيه عّم (وتأشر على حلكها)
كسرت خاطري
سامر: تعاي وياي ما طول بعد وكت واشتريلج هواي عّم واوصلج وهيج ما تتاخرين
هزت راسها بمعنى موافقه
لزمت ايدها وبستها بخدها
خليت السله مالتها ليوره وصعدتها بصفي بالصدر
وصلنه لمطعم
وصيت على بيض وحليب لان مبين عليها ما عدها صحه وتعبانه
جابوه وشفتها تاكل بشراهه
ضحكت عليها وضلت تباوع علي
:ليش تضحك
سامر: يحلوه مو هيج ياكلون تحطيها بصمونه وتلفيها وتاكلين
علمتها شلون وصارت تاكل
ع غفله وهيه تاكل صفنت
سامر: كملي اكل ليش وكفتي
: تذكرت أصدقائي بالبيت خطيه هسه جوعانين
سامر: هسه ناخذ ويانه الهم وانطيهم
ابتسمتلي وكالت
: عمو انت حباب
سامر: وانت تخبلين وحبابه بس انتي شسمج؟وشكد عمرج
: اسمي شهد ووو عمري (ضلت تطلع اصابعها وتحسب) هلكد واثنين وياهم و7اشهر
سامر: عمرج 12 و 7 أشهر
شهد: هاااااا ييي
الي عرفته ما داخله مدرسه وعايشه بدار أيتام اكيد مبين من حجيها
سامر: يلا خلي اوصلج
صعدنه بالسياره ودلتني على مكانها
وجان شكي بمحله هو دار أيتام
قبل لا تنزل صحت عليها وخليت بايدها خمسه وعشرين وانطيتها علاكه بيها اكل
أخذتهم وراحت حتى بدون ما تكول شكرا
شهد
من اخذت الورقه الحمره الي ما اعرفها هاي شنو
والاكل اول ما دخلت تلكيتهم بالغرفه
واخذو العلاكه مني وياكلون
اجت ماما جيهان و عصبيه كعادتها
وضلت تصيح علينه وتكول من وين الكم هل اكل
رفعت راسي بخوف
شهد : اني جبته عمو نطاني اياه ونطاني هاي الحمره
لزمتي من فكي حيل وعصرت وجهي دمعت عيوني جرت الحمره من عندي
ورفعت حاجب وابتسمت بمكر
اخذتها وراحت
ضليت ابجي واجو أصدقائي يواسوني
تغطيت بفراشي ونمت
ثاني يوم كعدت من وكت ع صوت ماما جيهان تصيح علي
:شهدددددد تعاي هنااااااا
طفرت من مكاني ورحت اله للادراه
شفت بيدها فستان قصير زيتوني لفت انتباهي
اجت علي وعليها ابتسامه عاديه وبقايه بمكاني بخوف
كرصتني من خدودي
: شايفه هذاك الفستان روحي البسيه
رحت اخذته ولبسته وجان حلو
: يلا هسه روحي آخذي السله واطلعي
مشيت عادي وأخذت السله وطلعت
سامر
وصلتها ورجعت
وطول الطريق أفكر بيها وبعيونها ولمعتهم ولمن ضحكت غمازتها شاكه الخد الأحمر
تصرفتاتها شعرها البني الطويل
ضربت الستيرن ع كيف
واحجي بيني وبين نفسي هيه هاي اخذت فكرك طفله اخذت فكرك
ما حجيت الكم على نفسي
اني حنطاوي مايل للبياض عيوني عسليه شكلي طبيعي صاحب كفشه ولحيه طولي 183cm ومعضل شويه
اشتغل ب شركه ابويه صيرفه وتجاره بالفلوس
تشتغل وياي بت عمي الغثيثه سرى لازكتلي فد لزكه ولابسها
دائماً تغيثني واطلع مِن الدوام
عائلتي مكونه من ماهر الكبير عمره 31متزوج وعنده ولد
وأمي وابويه متزوجين عن حب بالكليه طبعاً الوالد عنده ماضي هههههه
اختي سجى عمرها 18 سنه كلش قريبه علي ونصفي الثاني
واني سامر عمري 23 سنه ادرس اداره واقتصاد
من رجعت للبيت تلكتني امي
سلمت عليها ودخلت وراي سجى جانت عد صديقتها تدرس
سلامنا غير شكل عدنه حركات
دخلت للصاله لكيت الفصعون الصغير ابن اخويه غيث شلته ولاعبته
سامر: لعد اذا هيج رايح أجيبها ... سجوو نطيني الفلوس الي بغرفتي الشدات
أخذتهم ورحت
اول ما دخلت هوايه جهال عبالك سوك هرج بس ميتم مرتب
بين كل الجهال أدور بعيوني عليها
لحد ما لمحتها وعرفتها من شعرها العسلي
جانت تلعب وي بنات كاسره عليهم بجمالها
اجيتها من ورا و درتها علي
اشو هاي شهكت وضلت تصيح
شهد: حرامي ماما حرامي
من الفشله بقيت واكف بمكاني وساد حلكها واكول الها سكتي
هذولي صديقاتها يضربون بيه صحيح صغار بس ضربتهم توجع
اجت مريه بسيطه مبينه مربيه
المربيه: شبيكم بنات.. العفو ولا صغرن بيك انت منو
عدلت نفسي وأخذت هيه البنات يمها شهد تباوعلي بنظرات خوف
سامر: اجيت اتبنى وين الاداره
المربيه: من هذا الممر و ع إيدك اليسرة
سامر: شكرا
باوعت لشهد ورحت
طبيت للاداره
كاعده ع الميز مريه يجي عمرها خمسين سنه هيج
بس لبسها فضيحه
شكد انتقدتها بداخلي استغفر الله
جيهان: تفضل ؟
سامر: جاي أتبنى اني
جيهان: منو بالضبط
سامر: شهد محمد جمال
جيهان: هاااااااا يييي تكدر تأخذها بس تعرف يرادد ما...قاطعتها وحطيت الجنطه كبالها
سامر: هاج هذن عشر ملايين يكفن لو بعد
جيهان : ادفع عربون 500 الف
شكد دعيت عليها استغفر الله
طلعت محفظتي ونطيتها
جيهان: هسه احضرها واخذها
بقيت منتظر
اجت شايله جنطتها وتبجي
شهد: انتتتتت شتريد عوفني عوفني
شلتها وصعدتها غصبن عليها
أسوِّق وهيه تضرب بيه
تمالكت أعصابي
لحد ما انفجر بوجهه
سامر: كاااااافي كاااااافي مو جنتي حبابه شغيرج هيج كااااافي شهد كافي خبلتيني
عاد هيه سكتت
وكملت طريقي
وصلت للبيت
سامر: انزلي
تسويلي بجتافه بمعنى لا
نزلت فتحت الباب وجريتها وهمين شلتها راح تخبلني
دخلتها للبيت
تلكتها امي وسجى
عفاف: اللللهم صَل ع محمد وال محمد شهل جمال سامر مبين عليها باجيه
سجى: فدوه يربي شهل وجه الطفولي
سلمو عليها وهيه مطنكره
خذتها سجى وياها لغرفتها
بقينه نحجي اني وامي عليها وشنو قصتها
ودخل ابويه.
سامر: يا ماما البنيه قصتها
اَهلها ب1998احترك بيتهم وجان عمرها 6 أشهر
امها مطلعتها برا وهمه باقين محتركين
جايين الإسعاف والاطفاء ماخذيها موديها للميتم
وكرايبها كلهم ما رادوها
وحسب الي عرفته همين انو ابوها جان يشتغل تاجر وطلع الها ورثه
بس عمها ماخذه ومسافر للخارج
وبقت هيه بالميتم تربت لهذا طلعت منه وهيه تبجي لان متعودة
عفاف: اووووف يا يمه كسرت خاطري واحد من صغره يتيتم
سامر: هاي هيه راح اخليها بعيوني واكول الها أهل وداعتج
بهل لحضه دخل ابويه
ثائر: منو هاي الي تخليها بعيونك
سامر: بابا جبتها وتبنيتها واني ما سويت شي غلط
ثائر: لككككك تريد تجيب النه العااااار
سامر: يا عاااار ليش هو الي يتبنه ينحسب عار لو الله يوفقه وينيطيه اجر
ثائر: وكلام النااااس وين يروح جبت ألنه عله ودهر
سامر: بمرور الوكت تتعود وتحبها مثلي ثق بكلامي
ثائر: خلي هاي الفرخه تفيدك
كأم بحيله ودخل للغرفه
عفاف: سامر يمه لا تنقهر تعرف ابوك صحيح عصبي بَـس قلبه طيب وهسه شويه شويه يتأقلم وي الوضع
سامر: ان شاء الله يمه
صعدت ليفوك واني اصعد نزلت سجى
سجى: ترا نايمه مبينه تعبانه
سامر: اروح اطمن و انزل
دخلت للغرفه
باوعت عليها
ملاك ونايم صدقة لله
عيونها من البجي جفونها حمره
وخدودها حمر والحلك مبرطم
خصل من شعرها نازله
حرت شاوصف بيها
تربعت وخرت شعرها من وجهه
ضليت اباوع عليها ابتسمت لا ارادياً
شلون اجتني الجرأة وبستها بخدها
غطيتها قبل لا اطلع باوعت عليها عفت الها ضوه صغير سديت الباب ونزلت
لكيتهم متجمعين وياكلون وبابا قالب وجهه
ما اهتميت وكعدت وياهم
عفاف: سامر يمه شهد نايمه
شفت ابويه باوع صفح
سامر: ي يمه نايمه
عفاف: سودة عليه انقهرت عليها
سامر: تتعود يمه تتعود
كملت وكمت
تذكرت لازم اشتري غرفه الها ما يصير تبقى وي سجى
خابرت على صديقي وكتله
طلعت بالحديقه اشتم هوى
كعدت على المرجوحه اجت سجى وبيدها كوبين جاي
سجى: هاك هذا الك
سامر: مشكوره حبيبتي
كعدت بصفي
سجى: اكلك سامر
سامر: كولي
سجى: تخيل تجي الايام الجايه وهاي البنيه تتعود عليك وتحبك شتسوي
سامر: ما اعتقد
سجى: كلشي أتوقع ...بس تدري اني اشوفك قلبك ملهوف عليها
جريت حسره
سامر: ما اعرف سجاوي مشاعري بعدها وخاصتاً انو هيه طفله شلون احبها اني سامر الي يركضون وراه البنات يحب طفله
سجى: اشوفك عود شلون ما تحبها
سامر: شنو قصدج
سجى: قصدي انو المحبه تجي من الله وعلى فد يوم بدون ما تدري راح توكع بيها
سامر: الله كريم
واحنه دنحجي دخلو بيت عمي فاضل
ضلت سرى تباوعلي وتمشي
بقلبي كلت: عابت هل عيون صخونه ي والله
سجى: بربك هاي شبيها تباوع
سامر: غير شايفها كدامهم توم كروز
سجى: هههههههههه
سامر: وداعتج مشايفه شلون تباوع كبر
سجى: امشي خلي نسلم عليهم عيب شيكولون
سامر: امشي كدامي الأميره ديانا
دخلت سلمت عليهم
ردت اتجنب سرى
بس اجت مدت ايدها وسلمت وباستني جوا حلكي
وتباوع
وخرت ايدي بقوه وخزرتها
كعدت يمهم
وخابرني صديقي سيف
طلعت برا ورديت
سيف: لك هلااااا ضلعي شلووونك شهل غيبه يمعود
سامر: هلا سيولي حبيبي والله هسه جايك ونحجي ...وين انت
سيف: وفرت علي رصيد ههههه ... اني بنفس القهوة الي نكعد بيها
سامر: تمام جايك
رحت للقهوة
سيف: نووورت ضلعي
سامر: بنورك سيفو
سيف: تعال اكعد اكعد عازمك على قهوة
سامر: مشكور
سيف: ي احجي تكلم انطق سبيك تو مي شكووو؟
سامر: اتبنيت بنيه من الميتم
سيف: هااااا؟!زين بله احجي القصه شكو شنو
سامر: (حجيتله القصه كلها)
سيف: والله يخوي عفيه عليك زين ابوك شبيه عيب عليه اصلاً يرفض
سامر: هاي هيه شسوي يعني يتعود
سيف: الله كريم سامر
كعدنه شويه شربنه قهوة
سيف: شنو رأيك نطلع نغير جو ونفتر نتووونس
سامر: بيش الساعه
سيف: اممممم الساعه ب5:37pm
سامر: لا ولَك ما اكدر لازم اروح لشهد وحدها خطيه ما متعوده بعدها واصلا شلون عفتها يم سرى استغفر الله شلون ما فكرت
سيف: اعصابك يمعود امشينه اوصلك
وصلني و سجى فتحتلي الباب
سامر: وين شهد
سجى: كاعد تاكل بالغرفه مالتي فوك ما نزلتها كلها تسال عليها تريد تشوفها
سامر: لا تنزليها عوفيها فوك
دخلت عمي وعمتي كاعدين وابنهم. ايمن وسرى وأهلي
كعدت يمهم ونتبهت لسرى ما شالت عينها
سامر: اترخص اني
عفاف: ها يمه وين
سامر: رايح لغرفتي اريد أبدل
عفاف: براحتك
صعدت وطبعاً طلعت حجه اروح أبدل حتى اروح على شهد
دخلت شفتها بالبالكون
فتحت باب البالكون اندارت علي
شهد: وخر من يمي لا تتقرب
استغربت عقدت حواجبي
سامر: منو لاعب بعقلج وهيج كايلج
شهد: محدً محدً بس وخر من يمي
سامر: راح اروح اجيت اطمن عليج
بس انداريت سمعتها تبجي
سامر: شهد ليش تبجين
رفعت اصبعها وخزرتني
شهد: اذا بس تفكر تلمسني ما شايف شي مني
سامر: صحيح انتي صغيره بس عقلج جبير وتصرفاتج هم
شهد: هل شي ما يخصك تربيت على القوة اني
باوعتلها وطلعت من الغرفة
رحت لغرفتي سبحت وبدلت
سمعته إذن فرشت مصلايتي وصليت
بقيت بالغرفه اباوع ع التلفزيون
اندكت الباب حيل
دخلت سجى ووجه ما يبشر بخير صايره حمره
وتلهث
سامر: لججججج شكووووو احجي
بلعت ريك جرت نفس
سجى: شهد ماكو دورت بالبيت ما هيه
سامر: شنووووو
طفرت من مكاني رجعت دورت البيت
طلعت برا بالشارع
ضليت اركض بالافرع
وصلت للشارع العام بالركن
ولكيتها يم......

يتبع ...✨