دار الأيتام

البارت الرابع

ضحكته مچودرة بگَلبي.
———————————————————————————
اليوم 2011/11/20
عيد ميلاد شهد
جانت ع بالي من البارحه
حرت شسوي

اول عيد ميلاد الها هنانه واني يمها وعدها أهل
لازم شي مميز
كعدت جان اليوم جمعه عطله وكلها كاعده
جانت الساعه ب3 الظاهر كاعد متاخر
اسمع طكطكه جوه وهوسه
بدلت ونزلت
العائلة كلها متجمعه
خوالي عمامي الكل موجود
بيبي فخريه كاعده ع القنفه
سلمت عليهم

بيبي فخريه: ادري يسلطان خذاك النوم
سامر: تعبااان بيبي تعبان
بيبي فخريه: سلامة روحك من التعب يجده اكعد اكل اكعد ...

صابين غده ..كعدت يمهم واني عيوني ضلت تدور على شهد
وينها?!
سجى جانت كاعده مقابيلي ع السفره
شافتني اتلفت يمكن افتهمت
شفتها لزمت تلفونها
اهتز تلفوني بجيبي
(جانت تلفوناتنه ايفون 4 أحدث شي)
اجتني رساله من سجى
.. 💬اويلي عليك ما تصبر عيونك فاضحتك ترا شهد راحت لبيت صديقتها تدرس
..💬ليش ما اجت كالتلي
..💬طبعاً غير انت نايم متنبل اجت عليك شافتك نايم وطلعت واجت كالتلي
..💬اوووك لعد ..نخلص الغده واحجي وياج بموضوع
سديت التلفون

باوعتلي وغمزتلها
اختي هاي مصيبه هسه تفضحنه
كاعد اكل وبالي يمها وهمه يحجون ع الشغل
اجت بخشمي الريحه الي ترد الروح
خطوات مشيتها
نبرة صوتها الي تطرب أذني من اسمعها
رفعت راسي وصارت عيني بعينها
ابتسمت وسلمت على الموجودين
وجود أيمن ما يطمني
يباوع الها واني اعرف شلون كل شاب نظرته شنو
لمن وصلت اله بس سلمت بالكلام
وهو مد ايده هيه رادت تمدها
سويت نفسي خصيت بالاكل
اجت بيدها المي
فرحتني من سوت هيج
شفته شلون يباوع علينه بنظره ما عاجبه الوضع
ابتسمت بسمه انتصار وتشكرت منها
سامر: شكرا شهودة اكلتي لو بعدج
شهد: اتغدينه اني وصديقتي الحمدلله
سامر: زين اوك روحي اصعدي فوك
شهد: خليني ابقه هنااااا شووويه
بيبي فخريه: ادري خايب هيه كل مره من تجي هل فرخه تكعد يمنه تطردها
سامر: مو اطردها وهيه تعرف اخاف عليها
عفاف: منين تخاف عليها كره عينها لامك اشو هيه طفله
سامر: م....
بيبي فخريه: بس بس انتي سدي حلكج ام عقل الصغير طفله بعينج عقلها اكبر من عقلج ماكو غيرج الطفل الي ما يكبر
شهد: يييييي كافي رايحه صاعده
أيمن: وينننننن عسولة وين صاعده بعدنه ما شبعنه من وجهج الحلو
هنا ما تحملت شمرت عليه الخاشوكه
سامر: صممممم حلكك ادبسز بتك اختك تحجي وياها مآخذها ميانه ولَك مو بعينك كاعدين هنا وتحجي هيج عيب عليك ما جنك ابن شيخ
فاضل: ايمن شكتلك اني كل مره تخربها وتسويلك موقف
ايمن: اسف ترا ما جان قصدي شي
بيبي فخريه: يلا يمه شبيكم هدو بالرحمن ما صار شي ..وانتي شهد تجين تكعدين يمي وسجى روحي جيبي الجاي
سجى: تدللين بيبي
بيبي فخريه: انتي سرى كومي وي بت عمج يلا خطار انتي قابل عوفي هذا الي مدري شني بيدج (التلفون)
سرى: اوووووف صااااار كايمه
بيبي فخريه: خاب ما أكوم أرضرض عظامج بالعوجيه تتافأف ما عاجبها
جدتي بردت قلبي بيها
————————
خلصنه غده وشربنه جاي ووي السوالف والضحك والكل يضحك
واني الوحيد الي صافن عليها شلون تضحك
جنت سارح بيها وهيه كاعده يم جدتي
فززني صوت عمي فاضل
فاضل: يلا يا جماعه الخير احنه نترخص.. يلا سميره كومي
كمنه نسلم عليهم وخوالي وياهم طلعو
صارت المغربيه يعني ما ضَل شي ونسوي العيد ميلاد
رحت ركض لغرفه سجى احجي وياها
سامر: سجى مثل البارحه مثل ما كتلج اوووك
سجى: ادري ادري
نزلت جنت موصي ع كيكه وسيف راح يجيبها
خابرني سيف بالباب
سامر: هلاااا ضلع يلا بدربك اليوم معزوم ما طول جبتها
سيف: الله وأيدك ترا جوعان
سامر: ادخل ادخل
صحت بصوت اجه سيف
نزلت سجى من فوك تبتسم
شفته هوه هم يبتسم
راح بالي بعيد بس كلت احنه اصدقاء
سيف: شلونج سجى شلونها الجامعه وياج
سجى: الحمدللله ماشيه
سامر: يلا ولكم تعالو نحضر ما ضَل وكت
بابا وماما جانو طالعين
ضلينه نزين بالصاله
شهد كلت لسجى اشغليها
خلصنه وطلعت الصاله تجنن
سامر: ولَك جبت الكلوب الي وصيتك عليه
سيف: ييي جبته وياي
سامر: نطيني اياه
شلت الكلوب مال الصاله العادي وحطيت كلوب بيه ألوان مال حفلات ما اعرف شسمه
طفينه الاضويه كتجربه
نفخنه هواي نفاخ فصارت وي الاضواء الجو كلش حلو
سامر: روحي صيحيها
سجى: اووووك
جنت خاتل وره القنفه اني وسيف
سيف لبسته لَبْس مهرج هههههههه سويته مضحكه
سمعت صوت طكطكه ع الدرج واصواتهم
سيف جان يمه دكمه الضوه
شغلناها وشغلنه الديجي
سامر سيف: كلللل عاااام وانتي بخير يا احلى شهوووده
أشوفها اندهشت وضلت تضحك وتكمز
وهاي سجى وياها يكمزن ويصفكن
سامر: تخبلتن
انداريت ع سيف يهز جتف ويتمرقص
سامر: هاااا ضلع انت هممم
سيف: وووولك سوي واهس وأنجب وتعال