قُـصة : " عقبات الماضـي "
بَـقلمي : " حَـوراء عَـلي "
" ألـبـارتُ ألـثَـانـي "
🔻حِسابي أنستا :- hwor_Assadi69
🔻لا تنسوا التَصويت قَلبي + التعليق بين الفقرات .
🔻قِـرأة مُمتِعة .
جَنت مَيت بس عِشتْ مِن أنته اجَيتْ
مِن سَمَعت معَاتبك مَيتْ عِشت
اكَو شك بداخَلي معَلقني بَيك
وخَايف بَيوم الكَـة نفَسي
اتَـاكـدِت .
•••••••••••••••••••••••••••
ــ عامِد :- العقِد مايصير ، أني أبن عمهه وناهي عَليهه .
كلِماته جانت سهم بكلبي ، وكفت بذهول ما مستوعبه الي الصار؟ معقولة السمعتة صح ؟ ،
صارت ضجه بالداخل كُلش قوية وناس تهدي وناس تصيح ، كلشي صار فجأة ، الصدمات ماناوية تتركنه لازم تعلعلنه ، انكسرت اكثر لما نطق اخوية بكلماتة
ــ أرشد :- ماعدنه مرة الكم وعذرونه ، بعد ابن عمهه نهه عليهه
كمت بلا وعي وصرخت
ــ دُر :- لاااا لاااا مُستحيل هيج ماريده
اجت امي تسد بحلكي علمود ماحجي ، بس محد يحس بشعوري ابددد
ــ مَهَنه :- صوتج يمههه فشلة عيب ،
ــ دُر :- ماكو فشلة يمهه ماكوو فشلة محد دايحس بنار ڪَـلبـي .
كلتهه وشهكت ، اجت اختي تصبر عليَّ هيه وامي ، بس صعب بيوم خطبتي انكسر بنهوه صعبة عليه ، اعتل الصياح بداخل ومن بين الاصوات سمعت صوته
صاح بصوت مسكت الكل
ــ صگِر :- وشبية أنا وما تنطيني أختك؟
ــ أرشد :- مو من قسمتك هاي هيه ،
رد عليَّه برود ،
ــ صگِر :- قبل لا تجي أنتَ وابن عمك بدقايق ، لا بثواني جانت حتصير مرتي .
ــ أرشد :- جانت بس هسه لا ، ومالك يمنه مرة بعد ،
ــ صگِر :- وليش؟
ـــ أرشد :- بكيفي ماريد ازوجك اختي ، اريدلهه رجال متعلم مثلهه .
صاح بيَّ أبوي ،
ــ مَرجان :- كافي أرشد أسكت ، وصگِر يسوة الف متعلم ، رجال گد المسؤلية .
رد عليّ بكُل هدوء ،
ــ صگِر :- عوفه عَمي ،
ثم اردف مكمل وهوه يأكد على الكلمات ،
ــ صگِر :- زوجهه واحد متعلم ، والزمن بينه طويلة ، واختك ماتصير الغيري .
ــ أرشد :- تسويهه اعناد ؟
رد بنبرة مستفزه ،
ــ صگِر :- بكيفي ، اسويهه اعناد ، شنو تريد تسوي مثلاً ؟
أنت تقرأ
عقبات الماضي
General Fictionبَين عَقباتُ المَاضيّ والواقعُ هُناكَ فَتاةٌ تُصارعُ وبُقوةٌ وهناكَ رجُلٌ يُحاولُ العَيشُ بُقوةٍ هَل سَمعتُ بِـ هَدوءُ ما قَبلَ العَاصفةُ هاكَذا هيّ هُدوءٌ فَـ عَاصفةٌ هِدوءٌ مُبطنّ أنينٌ مَكتومّ عَواصفُ تَعصفُ أقدارٌ تَدورٌ فَتاةٌ تُعذبُ...
