عقبات الماضي

العَقَبةُ السَادِسةُ ، ألأنتِقالْ

#عقبات_الماضي

قُـصة : " عقبات الماضـي "
بَـقلمي : " حَـوراء عَـلي "

" الـبَـارت الـسـادِس "

🔻حِسابي أنستا :- hwor_Assadi69
🔻لا تنسوا التَصويت قَلبي + التعليق بين الفقرات + مُتابعة للحِساب .
🔻قِـرأة مُمتِعة .

مَعزول مو منعزل
مجبور مو رايد
عايش بحالة هلع
يقلقني مو بَس بَشر
لا اي حرف زايد
مليت ودي اهج
لا حاضي انه بحاضري
و لا مفتهم امسي
خسران مو منسحب
بس بأختيار العقل
لَمن خسرت البشر
يلا أربحت نَفسي .

•••••••••••••••••••••••••••

ـــ ريان صگِر .

الفَخر بهاذي الكلمة ، أحساس حِيل حِلو ، كبرت ثمرة الحب ، طِفلي الثاني ، والي يزيدني سعادة أنُ طِفلي الثاني من الشخص الي احبة ، هاذا الشي كافي بان يخليني أعشق اطفالي وأبو اطفالي .

صـگِـر ....
الشخص الي حبيتة وحبني بكل صدق
حبنه جان طاهر ، مابي حتى لمسة يد
جان رجال گد وعدة ألي
وكلماتة من گلي

ـــ بالحلال اللمسة شحلاتها .

هنا كبر حبي أله ، لأنه مادور حرام وياي
حتى لمست أيدي رادها بالحلال
شاف اخواتة بية حط الله بين عيونة
لا لوث نفسة ولا لوثني بالحرام
گُلشي بينة جان بدون حرام حتى النظرة !!

و وافى بوعدة من گال

ـــ اوعدج وعَد عِراقي الغيري مَتصيرين .

وفعلاً وافى بوعدة ألي
گبر بعيني وأخذني من بين الگل وهوه منتصر بالمعرگة
ماترگني بأول رفض ، أستقتل وأخذني
صار رجال على كل المخانيث ..

ماكذب أبوي من كال

ـــ حتى لو ماجنتي تحبين صگِر ومتقدملج ، جنت حنطيج اله .

ولمن سئلته ليش؟
جان ردة ،

ـــ لأنهُ حيصير سند وتجاية الج ، رجال كفو يستاهلج ميكسرج .

وفعلاً جان كلام ابوي صح
صار تجايتي وسندي وماكسرني
لكيته بوجهي بالمُـرة قبل الحِـلوة
الاختيار الصح للشخص الصح .

الانسان الي مهما احجي عنه ما أمل
فخورة جداً كوني على ذمة هيج انسان ونعم منه
أنسان يستاهل كُل الحب والاحترام
الانسان الي حتى من يلزم أيدي يخاف عليه

من لزم أيدي وكال

ـــ تدرين دُر ، أخاف عليج من لزمت أيدي الخشنة خاف تخدش أيدج الناعمة .

احس محد يحبني من بعد صگِر
حرصة وحبة وخوفة علية
كُلهن أضمهن بگـلـبـي .

من بعد التعب والكسر الي نلتهُ
جان كفيل بان يهدملي حياتي
بس جبر الله عظيم
شكد انكسرت وانجرحت وأتأذيت
اجة الجبر بلسم على جروحي
جبر خاطري المكسور وهضمتي بـ " صگِر "