My parasite (Completed)

My parasite 1

"ဖောင်း"

လူရှင်းတုန်း ကျောင်းအနောက်ဘက်မှာ အမှိုက်လာပစ်ရင်းဆေးလိပ်ခိုးသောက်မလို့လုပ်နေ‌ခိုက် နောက်စေ့ကိုအရှိန်ပြင်းပြင်းလာမှန်တဲ့ ဘောလုံးကြောင့်လက်ထဲကဆေးလိပ်ရော မီးခြစ်ပါ ဘေးနားက မြောင်းထဲပြုတ်ကျသွားသည်။

"Sh*t"

တိုးတိုးဆဲရေးရင်းလှည့်ကြည့်လိုက်တော့ တွေ့လိုက်ရတာကဘောင်းဘီအိပ်ထဲလက်နှိုက်ကာ ခပ်လျော့လျော့မတ်တပ်ရပ်ရင်း ပြုံးတုံ့တုံ့မျက်နှာပေးနဲ့စိုက်ကြည့်နေတဲ့ ဂြိုလ်သားကောင်.....။
ဘယ်နေရာသွားသွား ဒင်းနဲ့လွတ်ကိုမလွတ်နိုင်။

"တွေ့ရတာဝမ်းသာတယ်နော်သူငယ်ချင်း"

"Yeah.........fu*k you too bro"

လက်ငါးချောင်းကို ဖြန့်ကားပြကာ စပ်ဖြဲဖြဲနဲ့ နှုတ်ဆက်နေတဲ့ကျက်သတုံးလေးကို Gem အတက်နိုင်ဆုံးယဉ်ယဉ်ကျေးကျေးပြန်နှုတ်ဆက်လိုက်ပြီး ပုခုံးကို ဝင်တိုက်ကာ ထွက်လာလိုက်သည်။
သူ့အလစ်ကိုချောင်းပြီးထွက်လာပေမယ့် ဘယ်ကဘယ်လိုသိကာ ရောက်လာမှန်းမသိ။
ဘယ်သွားသွား နောက်ကနေ တစ်တန်းတန်းနဲ့လျှောက်လိုက်နေတာ သိပ်စိတ်ရှုပ်စရာကောင်းလွန်းသည်။
အော်ထုတ်ပြန်ရင်လည်း အိမ်ကို တစ်ခုမဟုတ်တစ်ခု အတို့အထောင်သွားလုပ်အုံးမည်။
ခက်သည်....။
Gem အတွက်တော့ Fourth Natawat က တကယ့်ကို အရှုပ်ထုတ်ပင်....။

အမှိုက်ပုံးကိုလက်တစ်ဖက်ကဆွဲကာ ဘောင်းဘီအိတ်ထဲလက်တစ်ဖက်ထည့်ပြီး စာသင်ဆောင်ဘက်ကိုခြေလှမ်းကျဲတွေနဲ့ ဦးတည်လိုက်တော့ နောက်ကျောဘက်က ခြေသံတစ်ရှပ်ရှပ်က ထပ်ချပ်မကွာ ကပ်ပါလာပြန်သည်။
ခြေလှမ်းတွေကိုအရှိန်တင်လိုက်တော့ နောက်က ခြေသံကပိုပိုစိပ်လာပြီး ခဏကြာတော့ အသက်ပြင်းပြင်းရှူထုတ်သံတွေပါကြားလာရသည်။

ကောင်းတယ်....ခြေထောက်တိုတိုလေးတွေနဲ့ လျှောက်လိုက်မှတော့ ‌မောတာတောင်နည်းသေး....။

မြန်လွန်းမက မြန်လာတဲ့အသက်ရှူသံတွေကြောင့် Gem ခြေလှမ်းတွေကိုအရှိန်လျော့ပေးလိုက်ရပြန်သည်။ သနားလို့တော့မဟုတ်.....။
ချော်လဲရင် ထွက်လာမယ့် အသံစူးစူးကိုစိတ်ရှုပ်လို့သာဖြစ်သည်။