အထီးကျန်သည်......
Gem မွေးကထဲက အခုချိန်ထိ တစ်ခါမှ ဒီလောက်အထီးမကျန်ဖူးဘူး လို့ပင်မှတ်ချချမိသည်အထိ ဒီရက်တွေဟာအရမ်းအထီးကျန်ဆန်လွန်းသည်.....
အမြဲတမ်း နောက်ကနေတရှပ်ရှပ်လိုက်တတ်တဲ့ခြေသံလေးမရှိတော့ တစ်လောကလုံး တိတ်ဆိတ်သွားသလိုပင်.....
လမ်းသွားရင်းလည်း ဘယ်သူမှမရှိပဲ ပုခုံးနားကို ငုံ့ငုံ့ကြည့်မိတာ အခါခါ
ခေါင်းလုံးလုံးလေးကို ငုံ့ကြည့်ပြီးစကားပြောနေကျမို့လို့ အကျင့်ပါနေလေပြီ.....ဆေးလိပ်လျှော့သောက်လို့ပြောလာမယ့် အသံလေးမရှိတော့ ဆေးလိပ်ဘူးကိုထိပင်မထိချင်တော့......
canteen ထိုင်တော့လည်း ထမင်းနှစ်ပွဲမှာမိသည်......
ကော်ဖီဆိုင်ထိုင်တော့လည်း
တစ်ယောက်ထဲလာပြီး အမေရိကာနိုတစ်ခွက် မိုခါတစ်ခွက်မှာကာ ငေါင်ငေါင်ကြီးထိုင်နေတတ်တဲ့သူ့ကို waiter လေးတွေက နားမလည်နိုင်သလိုကြည့်ကြည့်သွားကြတာ အခေါက်ပေါင်းမနဲတော့ဆိုင်ကယ်စီးတိုင်း ခါးကိုလာဖက်တတ်တဲ့လက်ဖွေးဖွေးလေးမရှိတော့ ရင်ထဲမှာ ဟာလာဟင်းလင်း
ဒင်းလေး တစ်ယောက်မရှိတော့တာနဲ့ Gem အတွက်ကမ္ဘာကြီးတစ်ခုလုံးဟာ အဖြူအမည်းရုပ်ရှင်တစ်ကားလို ဘာအရောင်အဆင်းမှမရှိတော့
အရာရာဟာပျင်းရိငြီးငွေ့ဖွယ်အတိဘာကို ကောက်လို့ ကောက်သွားမှန်းမသိ
အဆက်အသွယ်မလုပ်ပဲနေတဲ့သူက နေနိုင်ပေမယ့် Gem မှာတော့အရာရာကမောက်ကမတွေဖြစ်ကာကျန်ခဲ့လေသည်။
မနက်ကနေညအထိ ကပ်ပါးကောင်လေးအကြောင်း မတွေးမိတဲ့အချိန်ရယ်လို့မရှိ။အာရုံထဲမှာ မှဲ့အနက်လေးတွေ ပန်းရောင်ပါးပြင်လေးတွေ နှုတ်ခမ်းပါးစိုစိုရဲရဲလေးတွေ
အသံစူးစူးလေးနဲ့ ပူရှိန်းခေါင်းလျှော်ရည်အနံ့လေးတွေက သာ အချိန်တိုင်းတဝဲလည်လည်။ဖုန်းဆက်တော့လဲမကိုင်...။
အတန်းရှေ့သွားစောင့်တော့လဲမတွေ့.....။မနေနိုင်တဲ့မဆုံး အဆောင်ကိုလိုက်သွားရန်သာဆုံးဖြတ်လိုက် တော့သည်။
မဟုတ်ရင် လူကလွမ်းလွန်းလို့ရူးတော့မည်။
ဟုတ်သည်.....တစ်ချိန်လုံးအယောင်ယောင်အမှားမှားတွေလုပ်ကာ Fourth စီပဲရောက်နေတဲ့ စိတ်တွေက အလွမ်းကလွဲလို့တခြားဖြစ်နိုင်တာ ဘာမှမရှိတော့။
YOU ARE READING
My parasite (Completed)
Fantasyမင်းကစိတ်ရှုပ်စရာကပ်ပါးကောင်လေး ပဲ Fourth #Gemini Norawit ငါကအမြဲတမ်းမင်းနောက်တကောက်ကောက်လိုက်နေမှာ Gem #Fourth Natawat