*ميليسا*
"حبة تشينة ههههه"
"ايووو يا الزرودية "
"حلبينا رانا هنا"
ادم بدا يهدر معايا ويجبدلي في شعري ملور حتى درت ليه
"وشبي جدك علاه راك تعيط دوك يشوفنا الشيخ يحاوزنا اسكت "
"ادم ميليسا هادا اخر انذار ولا تخرجو و نزيدلكم استدعاء"
بدا يعيط الشيخ وانا بديت نعكي عليه وسمعني ودار ليا وقالي
"ميليسا ارفدي دوزانك وخرجي "
انا هنا حشمت و وليت حمرا وقتلو
"مصح شيخ ما..."
مخلانيش ممبا نكمل و قالي "منعاودش اجمعي دوزانك ولا نديرك استدعاء"
وخزر فيا خزرة تخوف
كيما كان الحال جمعت دوزاني وخرجت بلاعقل وانا حمرا ميتة بالحشمة واليوم كان عندنا زوج سوايع علوم ،خرجت من المسيد وراني نمشي للدار حتى نحس بواحد زدم فيا قلعلي يمات كتفي وطيحلي الكرطاب
"تشوف لعمى انشاله ماتوفش قدامك نتايا هايشة"
وهبتطت نرفد كرطابي وطلعت ومازالني حاستلو قبلي هاد البنادم طلعت راسي ونلقاه ادم.
*ادم*
ليوم كنا نقراو فالعلوم و السماطة تشمها من الكولوار مي بصح واحد ماعندو زهر كيما انا شكون كان قاعد قببلي الزرودية تاعي
بديت نهبل فيها ونجبدلها في شعرها ودارت ليا بدات تعيط وولات حمرا من الزعاف وانا هايم في هادوك العينين لي ملقيتلهمش حل معرفتش وش ملاكولور فالظلما يبانو ڨري وفالضو يبانو خضورا المهم شابين وانا يعجبوني بدا يعيط هاداك الشيخ وحاوزها وهي ولات حمرا من الحشمة (معلابيش وش بيا مع الحمر😅)
كي خرجت سمعت هداك الخرية تاع رؤوف يخزر فيها وكان يهدر معا جماعتو وقاللهم
"ديك لاطاي حوتة شحل وني حاب نكون معاها ميبصح هي قح** ومتستاهلش "
هنا انا موليتش نضوي ونضت ليه وبديت نسب فيه وختمتها بدبزة
"وشنو هادا وش راه صاري لهنا تقول رانا في كوري اجمعو دوزانكم وديراكت عند المدير"
بدا هداك الشيخ يعيط ويطبع فينا انا وهاداك الكلب وان غير نغزر فيه
رحنا عند المدير وقاللنا بلي هادي هي اخر مرة نعاودوها وقاللنا اخرجو خرجنا ورحت نجري ماشفتش مورايا على جاطر لوكان نخزر فيه نقتلو
كي كنت نمشي شفتها من البعيد ورحت زدمت فيها زكارة وبدات تسب فيا وكي شافتني بلي انا عاودت هبطت ورفدت لحجر قلت هادي هبلت وقاتلي وهي تيري بالحجر
ميليسا: "يا الحابس يا الهايشة قريب الباك الناس يقراو وانا نتحاوز علاجالك يا البڨرة "
حبست الهدرة كي خلاصولها الحجر وانا كنت مغطي روحي بيديا كي حسيتها حبست
قلتلها :"خلاص كملتي يا الزرودية ديجا نتي لي عكيتي عليه انا معندي مدخلني"وضحكتلها هاديك الضحكة الصفرا وردت عليا
"ايا دوك اخطيني روح لداركم علاه راك لاسق فيا كي الشوينڨوم اووووف"
هي تهدر بالزربة وتخبط في رجليها فالارض بالزعاف وزيد قصيرة وزدت حطيت يدي فوق راسها وزدت قلقتها دنيت وجي لوجهها وقلتلها:
"هكا انا خرجت علا جالك ونتي تقوليلي هكا يا البينازا الحمرا"
"وحد ما قالك اخرج علا جالي يخي هايشة يخي " جاوبتني وهيا حمرا من الحشمة وطبعتني حتى حبست قدامنا وحد الطونوبيل كحلا كامل حبط منها حوسام .ّ..
*ميليسا*
مور ما حبست ققدامنا وحد الطونوبيل كحلة كامل حسيت ادم تبانيكا وتقلق وهبط منها واحدالراجل طويل وخشين يخلع درت عند ادم وقتلو :
"ياه الصلعة تاعو تبري حبيت نمسها "
*ادم*
واش راهي تقول هاد المهبولة راني حاكم الضحكة بسيف
باش منجرحش مشاعر حسام مبصح خزر فيها وحد الخزرة من كثرة خلعت شدت تخبات مورايا وشدت فالطابلية تاعي...
_______________________
