*ميليسا*
مور ما نطق هاداك الراجل الضخم وكان يهدر معا ادم
"سي ادم تفضل معايا السي حسين راهو يستنا فيك"
هزلو ادم براسو وقال
"روح دوك نجي"
دار ليا وقالي
"نتلاقاو غدوة ياالزرودية الحمرا" خربلي شعري وراح ركب فالطونوبيل
وانا ماني فاهمة والو خاطرش دارهم قريبة وماشي بعيدة جايا en face دارنا صلن لنا جامي شفت باباه نعرف غير يماه
Après 7min
وصلت لدار بدلت حوايجي ورحت نطل على خاوتي
مالقيتهمش في بيتهم حوست عليهم ڨاع الدار حتى سمعت وحد الحس فالصالون ورحت نشوف وش كاين شفتهم مخبيين مور الفوتاي ويضحكو بلاعقل
"شكون راهو هنا ييما راني خايفة " درت روحي خايفة وانا نضحك
"بووووووووووم"
خرجت تعيط البهلولة تاع ختي اميرة وخوها مهدي وهما تان خاوتي بالتبني ،ماما و بابا حبو يتبناوهم على خاطر خالتي و عمي لي هوما والديهم و ماتو في accident وسلكو غير ولادهم
"ااا خلعتيني راكي كبيرة مازالكي تلعبي اللعب تاع الذري"
"تعيي لواحد مولاش ميمبا يقدر يلعب معاك سامطة"
وزادت مور ما بدات تضحك هاديك الضحكة المشرارا وقاتلي:
"علابيها نهار كامل و ادم يعاير فيك ومتعجبيهش ههههههه متعرفيش تلعبي "
ضحكتلها هاديك الضحكة الصفرا
"في عمرك زوج دورو و ديجا هكا تهدري مع ختك الكبيرة امشي منشوفكش "
"راني ميتة بالشر اعطيلنا كاشما ناكلو "
"وراه مهدي؟"
هزتلي كتفها تاع معلاباليش
طلعت لبيت مهدي وبديت نعيطلو كيما هادوك تاع لبريمار لي يجو يعيطو لصحابهم على السبعة تاع صباح
"يا مهديييي يااا مهدي يا مهدي "
بدا يعيط وتلو وين راك
"راني نخرا لخرا ومخليتونيش نخرجو الاز دوك نتي بنادم"
كان يعيط وهو خارج من التوالات
"كليتني يا صاحبي خلاص"
"خلاص دوكا اخرجي راح ندوش "
خزرت فيح واحد الخزرة تاع تشيطين وقتلو
"خود راحتك خويا لعزيز"
"توسوستلك علابالك "
درتلو لالا براصي وخرجت بلاعقل وكي سمعت الشوفو شعل رحت طفيتو امعد سمعتة يعيطلي وقولي شوفي وشبيه وان و اميرة ميتين بالضحك حتى نشوفوه جا ومعمر رغوة عين محلولة ولوخرى مغلوقة راح يسڨمو حتى نسمعو حاجة طاحت انا لتم شديت كرشي من الضحك وبدا يسب فينا رحت ليه وسمعت مالا يرضيني
مهدي: "لوكان نتكسر متفراش عونيني نوض حرام عليك اااه ظهري "
"اسكت علينا راك تعيط تقول جاجا حتولد"
رفدناه وكمل لدوش وشربنا لحليب وكل واحد راح لبيتو انا قريت شوية وعيت لنسرين ڨسرنا حتى سمعت الباب يصوني لقيتهم ماما وبابا مافهمتش علاه جاو دوكا كانو عند ماني وجدي فالطاليان .
"ماما وشبيه وجهك صفر راكي تباني عيانة ولا راكي مريضة "
سقسيتها وعينيها كانو يبانولي بيزار كانت تخزر فيا بحب و حنانة و خوف و عيا جامي شفتها هكا مالڨري مكنتش ننڨسر معاها بزاف وماما كانت هاديك المرا لي عندها شخصية قوية و امراة اعمال مشهورة ماما تبسمة معايا وعنقتني وانا مافاهمة والو عنقتها انا تاني وسمعت بابا يقول :
"ميليسا بنتي يماك عيانة شوية اديها للبيت تريح "
درتلو ايه براسي وديتها كي وليت لقيت بابا يڨسر معا اميرة و مهدي و هوما يضحكو معاه
"ايه ضحكوني معاكم "
"كنت نحكي لبابا كي طاح مهدي " اميرة تحكي وتضحك هي وبابا
تعشينا وغسلت الماعن وديت لماما تاكل و. شفنا فيلم كامل كيفكيف وكل واحد راح لبيتو
انا درت تاماريني وقلت لنسرين تبعتلي الدرس تاع علوم وكتبتو وهدرت معاها شوية ورحت نرقد
