*ادم*
مور ما رحت معا حسام رحت لدار هاداك لي يسموه بابا
لقيت جدي لتم تبسمتلو ورحت .دخلت لدار قابلتني الخدامة وقاتلي باباك راهو يستنا فيك فالبيرو
"صحا"
طلعت وفتحت الباب بلا منطبطب
بدا يهدر بالتشناف "دوك نتا ما تترباش ،معلماتكش يماك طبطب قبل ما تدخل "
"نتا اخر واحد يهدرلي على الاخلاق ، متزيدش تجبد يما في فمك " بديت نعيط وهو بدا يضحك .
"خممت فواش قتلك" هدرها بلعقل وهو يتكيف
"قتلك لالا سي لالا متزيدش تعيطلي باش تهدرلي على هاد السوجي راني حاب ندير حاجة وحدوخرا و انسى نلعب معاك اللعب الخامج" قلتها بلعياط
بديت نهدر بلاعقل "اذا نتا نسيت وشدرت فينا انا و ماما انا منسيتش " خرجت وخبطت الباب ، هبطت ولقيت جدي قاعد فالصالون رحت ليه وسلمتلو على راصو وقالي
وشراك يا وليدي وشراهم خاوتك و يماك "
"رانا ڨاع صافا لوكان ماشي وليدك نكونو عايشين مليح تعيش قولو يخطيني ميزيدش يعيطلي"
"يا وليدي واش حبيتني نقولك انا ماراهوش دايرلي ڨاع قيمة "
"انا نروح جدي يما تكون تقلقت سلم عليهم "
خزجت ولقيت حسام يستنا وقالي خليني نوصلك طليت على الساعة لقيتها راهي الخمسة تاع لعشية لازم نلحق ب les entrainement يتسما قتلو ايه تاع بسيف
وصلت لدار و غير فتحت الباب قابلتني ماما وبدات تعيط
"رحت عندو بلا ما تقولي خليتني هكا شايدا قلبي لوكان دارك كاش حاجا اهه كنت حا تخليني هكا معا زوج خاوتك اهدر علاه راك ساكت ديجا وش قالك "
"خلاص كملتي نقدر نهدر المهم هاه راني قدامك لاباس بيا مادارلي والو وقالي على الخدمة فالشريكة تاعو وكي العادة داربنا انا وياه وتلاقيت جدي لتم راهو يسقسي عليكم خلاص تكالميتي "
خزرت فيا غزرة تخوف وراحت لكوزينا
"لعجوز ديريلنا ناكلو رانا جيعانين "
"ناناك لي عجوزة انا مازالني على ديداني" قالتلي بالعيات وتيرات عليا بالبليغة
طلعت لبيتي نجري لبست حوايجي ورحت لسبور
Après 3h
وليت على التسعة تاع الليل دخلتلك
دار لقيت يما فالكوزينة توجدلي فالعشا
"هدا وين تجي ماشي تخرج على التمنية "
"يما في عمري تعطاش نسنة مارانيش صغير باش تتقلقي هكا "
"علابالي بلي ماشي صغير مصح هايشة لوكان يديرلك كاش حاجة "
"يما علابك شحال جاز على هاديك الضربة ربع سنين ومازالكي شافية عليها انا ونسيتها "
" كيفاه هادي تنساها لوكان يعاودها فيك ولا في خوتك لازم تكون عندك النبهة انا مانيش حابة يروحولي ولادي فهمت"
كي قاتلي هكاك عاودت وليت لهاداك النهار لي كنت نقول لراصي انساه مي مقدرتش
Avant 4 ans
كان في عمري 15 سنة كنت مولي من سبور كنت ساهي نخمم فواش صرالي ڨاع هاد العام وانا مافاهم والو مالاول جدي ماكانش يخليني نروح نقرا كان يقولي نخاف عليك هاداك الوقت كنت نقعد فالدار معا جداتي وكانت توريلي تصاور انا و ماما وكانت تقولي بلي كانت يماك تحبك بزاف كنت نقولها انا تاني نحبها وهي كانت تبكي وتقولي بلي هادا ڨاع علاجال باباك وانا نقولها علاه وش دار كانت تقولي بلي يجي نهار وتعرف خلاص انا كانت حاسبها حاجة نورمال حتى جا وحد النهار كنا فليل حتى نسمع فوحد الصوت تاع مرا تبكي والعياط تاع جدي يقول لهاديك لمرا
"روحي يا بنتي لوكان يجي يشوفك يديه وكاش مايديرلك روحي"
وهي كانت تبكي و تعيط و تقولو "منروحش منا حتى نديه وراه اعطوهولي "
انا لتم مقدرتش منخرجش خرجت وڨاع كنو يخزرو فيا وكي شفت هاديك لمرا شبهتها لماما لي كنت نشوفها فالتصاور
خرجت ليهم ماني وقلتلهم يدخلو للصالون دخلو وقعدو ونطق جدي "راح نقول كلش اليوم شوف يا وليدي يماك ماماتتش راهي حية مي نتا كي كان في عمرك عامين ديناك انا ومانك ربيناك علا جال المشاكل لي بين يماك وباباك وكي وصلت خمس سنين باباك طلق يماك ودا الحضانة تاعك ومخلاش يماك تشوفك وقالها بلي رحلتو و حنا محبيناش نخلوك عند باباك خفنا كشما يديرلك و اليوم يماك راهي لقاتك و راهي حابة تديك " جدي حكالي ڨاع هادا وانا نبكي ورحت عند ماما وعنقتها وقعدت قدامها وقلتلو
"جدي ماني صحا كي ربيتوني وكبرتوني وسمحولي اذا عييتكم مصح كيفاه عطاكم قلبكم تخبو عليا حاجة كيما هادي صغري ڨاع جزوتو في بالي يما ميتة انا يتيم بابا ميحبنيش وما عندي حتا واحد وفالخر يما مازالت عايشة كيفاه عطاكم قلبكم تخبو عليا "
خزرت فيا يما ومسحتلي دموعي وقاتلي
"خلاص ياوليدي انسى كلش وهيا نرورو لدارنا ختك راهي حابة تشوفك حكيتلها بزاف عليك كي وريتلها تصاورك قاتلي عرفت لمن خرجت انا شابة كي خويا"
بديت نبكي و قلتلها هايا نروحو قاطعتني ماني وهي تبكي
"ياوليدي سامحني كي كذبت عليك كان لازم عليا نكذب"
"ماني انا نحبكم وماراحش ننساكم مرة على مرة نجي انا وختي نطلو عليكم"
خرجنا من الدار و ركبنا الطونوبيل وكانت طل من التاقة وكي شافتني هبطت تجري عنقتني وقاتلي
"ماما دايمن تقولي بلي خوك شبابا بصح نتا الزين يقطر لوكان ما جيتش خويا لوكان رانا تزوجنا"
"شحال تهدري دايمن هكا ولا غير كي شفتيني la premier fois"
دارت يدها وحدة على قلبها وحدا على جبهتها وزعما بدات تضبح وتبكي كي الجاجة
"هكا تقول لختك لي جامي شفتها متحشمش نتا "
"ايييي نتوما راهي العشرة تاع الليل اركبو خلونا نروحو للدار مبعد لحبيتو مترقدوش"
ماما بدات تعيط .......
Aujourd'hui:
تفكرت ڨاع وش جاز عليا ورحت.
_____________________________
متنساوش تكومونتيو
كيفاه جاتكم ؟
