قيود الخنجـر

_12_

#اللهم صلِّ على محمد وآل محمد

.

🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽

.

البارت( 12)

ــــــــــــــــــــــــــــــــــــــــــــــــــــــ

ڪـل ما في الامر ان الخيال اصبح واقع وانتهى..

ــــــــــــــــــــــــــــــــــــــــــــــــــــــ

هـــلام...

بقيت كاعده بمكاني احس روحي
راحت وجسمي باد ودمي صار ثلج ويمشي بوريدي بلعت ريكي

من سمعت صوت همس وراي: هـــلام
شسويتي

هـــلام التفتت وانا عيوني اتصب واشهك بقوة كلت برجفه: والله انا انا معليه خـنـجـر والله صدكني

الخـنـجـر وهو يتقرب ع هلام كعد يمها وكال بصدمه: كتلتيها؟؟؟

هـــلام بدموع وهي اتهز براسها بكل قوتها: لا لاا والله لا انا ما كتلتها صدكني والله والله... كلتها وانا اهز بي وهو عين عليه وعين ع ميمي الي غركانه بدمها

وخرت عنه من شفت ما مصدكني وتركيزة بعيد عني رجعت نفسي للحايط وعيني ع ميمي
وكلت: لا انتي عايشه ومرتاحه منج وعاتقتني ولا حته وانتي ميته هم باليني بموتج
بس الله يعلم اني ما الي دخل بموتج
غمضت عيني من حسيت روحي بديت افقد جسمي كله خدر ونمل واللساني ثقل وعيوني غوشن نطقت بدون شعور: خـنـــــجـر راح افقد... كملته بعد ما حسيت بشي بس راسي ع الكاع بكل استسلام

ــــــــــــــــــــــــــــــــــــــــــــــــــــــ

الخـنـــــجـر..

دخلت الحديقه القصر بعد ما اتاكدت ان الطريق امان
جنت منتضر يصير ليل حته اخذها واطلع
بالضلمه الحركه اسهل صرت قريب ع الغرفه
الي اتاكدت انه هي بيها من النقال الي عدها
سمعت صوت زلم يحجون طليت عليهم بعيوني بس ياريتني ما طليت عرفته هذا جلال وهذا ساهر وهــلام بنصهم ضلو يحجون تالي جلال شمر هـــلام ع ساهر وراح وهذا جابها سحل
وهي مفرفحه انتضرته بس يدخلون حته اطلع بروحه لازم اطلعها بامان كافي الي شافته بسببي

من سمعت توسلاتها الهذا الس*** حسيت
روحي طلعت وعيوني دخنن كمت ما اشوف
غير شكل ساهر ركضت حته ادخل وراهم ما حسيت غير ساهر طالع يركض دفعني بخبال وطلع وهو يصيح بعلو صوته كتلتي ميمي كتلتي ميمي

وكفت دقيقه ما مستوعب الي سمعته
حركت رجليه بسرعه وخلت ركض شفت ضهر هـــلام كبالي وهي كاعده

والدم بكل الكاع ومقابيلها جثه مشوهه بالسجين
‌مشككين جسمها كله بس وجهه سليم

ماعرف شنو الي حجيته حسيت كل اعصاب ما بقت بجسمي معقوله هاي ميمي