اللهم صلِّ على محمد وآل محمد
.
🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽
.
البارت 33
ــــــــــــــــــــــــــــــــــــــــــــــــــــــ
"وجهك أبرز من شمسهم"
ــــــــــــــــــــــــــــــــــــــــــــــــــــــ
تميمه
ردت احجي التفتت بسرعه ع شهكه سمر بقوة وهي توكف ع طولها ترجف مثل السعفة
اتقربت منها خطوتين حته اصير مقابيلها
رفعت ايدي مشيتها ع شعرها وانا اكلها: شبيج سمر اهدي حبي.... قبل لا اكمل دفعت ايدي وصعدت بسرعه وكفت مصدومه من تصرفها التفتت ع البقيه كلهم عينهم وراها وراه امي الي طلعت من الصاله وصعدت فوك
خـنـــــجـر بهدوء: انا طالع يله حجي
طلع خـنـــــجـر هو وبابا وانا كعدت يم البنات كل وحده تصفن بوحدها
انا فتر عقلي فر بعد تصرف سمر وامي بس معقوله الهن ايد بالي صار البابا؟؟ ما معقوله تراة مهمه الكان شرهن بس مو لدرجه الموت
بس تصرف سمر يجيب الشبهه عليها غمضت عيوني بقوة انفي احساسي القوي
كمت بسرعه صعدت الغرفتي ولحكتني حوراء
ــــــــــــــــــــــــــــــــــــــــــــــــــــــ
هـــلام
صعدن البنات فوك التفتت ع افراح وكتلها: شفتي الي صار
افراح بضحكه: يطبهن مرض احد كالهن يسون هل الجريمه لو ما متحمل عمي والله ستر عليه جان توكل لنجف عدل وكبل
هـــلام بهدوء: اسم الله الرحمن يمعوده الله يبعد الشر الله يهديهن
افراح بتفكير: رجلج عقله خطير
هـــلام بتركيز: شنو شبي خـنـــــجـر؟
افراح: الي صار والمحقق والاساله وهل الرعب الي سواة الهن وهل الحبشكلات كلها من تفكيرة
هـــلام هزيت راسي بـ اي وكلت: كومي خلي انبدل ملابسنه وانسوي غدة صارت بال1 كتلهم الجوع خطيه
افراح هزت راسها وكامت
هـــلام صعدنه انا وافراح كل وحده الغرفتها
ذبيت العبايه والحجاب خليته ع ركبتي وغسلت ونزلت
لكيت السمج مايع وكفت انضفه نزلت افراح كتلها نكعي التمن وسوي زلاطه وانا كملت السمج وملحته وكليت طماطه بال2 ونص
دخلو عمي والولد كالو جوعانين
كلينه السمج وطبخنه التمن وصبينه
أنت تقرأ
قيود الخنجـر
Romance"أصعب المشاعر والصدمات ،هي التي تأتي بلا مُقدمات تأتي بغتة دون إستعداد ولا تأهب نفسي تخيل نومًا يتلوه إستيقاظ على خبرًا مُفجع، تخيل مشيًا في النور ثم الغوص في الظلام، تخيل كتفًا تستند عليه يتحطم أو يفنى كل ذلك وأنت حائر في لماذا وكيف، لاتعود تدري أ...
