اللهم صلِّ على محمد وآل محمد
.
🌸#ألڪٲتـــٓــبةـ أوꪇم ڠـــٓــمأز͜أت💗 َِ☆!)''۽
.
البارت 26
ــــــــــــــــــــــــــــــــــــــــــــــــــــــ
فدوة تروُحَلك رُوحِي يعَز منهَا
يهَلبت ريحَتك تجّزي وأشمّنهَا .
ــــــــــــــــــــــــــــــــــــــــــــــــــــــ
طبعا اسفه لان صالي بارتين ما مجاوبتكم حبايبي بس والله النفسيه ابد ما جاي اتساعد بسبب قرار التربيه الجديد جنت معتمده السنه اقدم ع سادس خارجي بس بعد القرار الصدر
لازم انتضر ع السنه الي بعدها كلش احس نفسيتي محطمه اعتذر ع التاخير
ما دام ماكو دراسه راح ادلعكم بالقصص
ــــــــــــــــــــــــــــــــــــــــــــــــــــــ
هـــلام دنكت راسي احس بحساس كلش مو حلو
ماعرف ليش حسيت ابيد خـنـــــجـر ع خصري التفتت عليه و بلعت ريكي من سمعت صوتها وهي اتكول: يمه هلامه
هـــلام جريت نفس برجفه درت راسي وكفت ع طولي برجفه:خالتي ازهار...كلت كلمتي ورحت عليها بدون وعي شبكتها بكل قوتي
ازهار بدموع: بعد عيني بنيتي يمه هليمه اشتاقيتلج بعد قلبي هيج رحتي ونسيتيني
هـــلام مسحت دموعي بقوة ووخرت عنها بفرح: انا اجيتج هذيج المرة بس ما لكيتج والله انتضرتج هواي انتي ما اجيتي
ازهار بضوجه: يمه صارت وياي سوالف يا سوالف اتمنيتج وياي احطج بحضني واقرالج قران
هـــلام ببتسامه: بـ؏ــد روحيي امي انتي
ابو خـنـــــجـر بصوت خشن: اهلا وسهلا خويه نورتينه اخذو راحتكم بويه... كمل كلامه وطلع وطلع وراة حـر وخـنــــــجر الي اجه وكف يمي وعينه ع خالتي كتله بسرعه وانا اكض ايده: خـنـــــجـر باع باع هاي خالتي ازهار الي جنت اسولفلك عليها
خـنـــــجـر بهدوء وهو يمسح ع كف هـــلام: اهلا وسهلا خاله شلونج يارب اتكومين بخير
ازهار وهي تسحب ايد هـــلام من ايد خـنـــــجـر واتباوع بطريقه غريبه: كل الهلا بيك يمه الحمدلله
هـــلام انتبهت عليهم بس ما خليت بالي وياهم كلت بهدوء: تعاي يمه خلي نكعد... سحبتها وكعدنه ع القنفات محد بقى بس افراح وصبيحه وبناتها ماكو اختفن
كعدت بصف خالتي ازهار وخـنــــــجر كعد مقابيلنه يشرب جكاير بهدوء وافراح راحت سوت عصير وكيك وقدمت الخالتي وكعدت يمنه
بقينه انسولف انا وخالتي وافراح اتشاركنه بعد فترة من الذكرياتنه القديمه
أنت تقرأ
قيود الخنجـر
Romance"أصعب المشاعر والصدمات ،هي التي تأتي بلا مُقدمات تأتي بغتة دون إستعداد ولا تأهب نفسي تخيل نومًا يتلوه إستيقاظ على خبرًا مُفجع، تخيل مشيًا في النور ثم الغوص في الظلام، تخيل كتفًا تستند عليه يتحطم أو يفنى كل ذلك وأنت حائر في لماذا وكيف، لاتعود تدري أ...
