رجعتلكم بروايه جديده بقصه جديده واحداث جديده ومختلفه عن رواياتي وان شاءالله تنال اعجابكم
⭐️⭐️⭐️ تصويت تصويت ⭐️⭐️⭐️
كانت سندس تلعب كالعادتها في وقت فراغها تلعب في لعبة البوبجي مدمنه عليها ليل نهار
دقت امها الباب وفتحته شافتها راقده على السرير وتلعب
امي : قاعدة لتو تلعبي نوضي بسرعة البسي انا وخوك بنطلعو
سندس: ماما اسفة ماوتيتش روحي ولهيت في اللعب وكان تو بنوض نوتي روحي بناخد وقت هلبا
امي : عيب حناك مريض ليها أسبوع وانتي مامشتيلها
سندس: مامي بالله عليك اعتذري منها وبكرا بإذن الله بعد العمل نمشي نتغدا عندها
بعد مامشت امها قالت سندس: افففف افتكيت من ماشية ممله ونساوين خوالي هدرزتهم تجيب الجلطة
بدت تلعب مع فريق اغلبيته اجانب يتكلمو انجليزي كانت تلعب معهم وكان عصبت تبدا تسب فيهم وتتهزا عليهم بالعربي
**************************************************
⭐️⭐️⭐️ تصويت تصويت ⭐️⭐️⭐️
كان يلعب ودموعه ينزلو من الضحك
قاله خوه (مصعب) : معاد شن في تضحك وتتكلم بروحك
معاد : ياشباب نلعب مع فريق كلهم اجانب ومعانا بنت ليبيه تسب فيهم وتتهزا عليهم ......... اقسم بالله الا مجنونه
بدي يحكيلهم شن تقول وكلهم يضحكو
قال صاحبه صالح : هدي بنت دمها خفيف شن اسم ايميلها
معاد : أميرة نفسي
وقعد معاد يعاودلهم شن تقول وهما يضحكو
مصعب : إن شاء الله ماتبعتلهاش خاص وتزعجها زي الباقي
شبحله معاد على جنب وماردش عليه لان مصعب ديما يحب يلقيح على معاد ويطلع فيه صايع
**************************************************
خسرت في اللعبة كتبت الله يلعن الساعة اللي جمعتني بيكم ياكلاب
رد معاد : وحظي السعيد اللي جمعني بيك ياعسل
خافت لدرجة لوحة التلفون من ايدها وحطت ايدها على فمها
سندس : نهاري لاحرف من هذا ..... من وين طلعلي
حي ع امي من بكري وانا نسب ونشتم ومعنا واحد ليبي
كتب معاد : وين مشيتي
ردت سندس: من انت ومن وين طلعتلي
معاد : كيف ماطلعتيلي
سندس: يعني انت من البداية اهني
معاد : ايه واول سبها كانت ليا
سندس تحشمت هلبا : انا اسفة كنت نحساب الكل اجانب
معاد : ماتتاسفيش عادي تصير وماشاء الله عليك واضح انك لاعبه محترفة ممكن تلعبي معاي في نفس الفريق
سندس : تمام لكن لو خسرت بسببك بنديرلك بلوك طول
معاد بدي يضحك وقاللها : لو خسرتيني نعطيك وردة
سندس : ها يعني تبي تحرجني
معاد نحسابش وحده بجرئتك تنحرج بسرعة
سندس : والله مانعلم كلامك هذا مدح والا ذم لكن شكرا هلبا
معاد : ممكن نعرف اسمك؟
سندس: انت قول اسمك قبل
معاد : احمد (كذب) وانتي؟
سندس : وقديش عمرك يا احمد
معاد : 25سنة واناي كم عمرك واسمك؟
سندس : ميار (كذبت) وعمري 23سنة
معاد : يعني عمرك 33
سندس : كيف جيت هدي
معاد : ديما البنات ينقصو من عمرهن 10 سنوات
بدت تضحك وقالت سندس : لا انا مانكذبش وبعدين شن مصلحتي نكذب عليك وانا لا نعرفك ولا تعرفني
معاد : معنها خلاص اتفقنا
سندس : على شني؟
معاد : نلعبو في فريق واحد ومانلعبوش الا مع بعض
سندس : وانا وين نلقاك لما نبي نلعب
معاد : انا تو نفعل منبه الرسائل والاشعارات
