⭐️⭐️⭐️ تصويت تصويت ⭐️⭐️⭐️
في يوم من الايام قرر معاد يجرب سندس هل تقبل يقرب منها او لا
كانو في السيارة هيا طلعت من المزين عشان تشوفه وهو سيب الشركة عشان يشوفها مشو لكافي على البحر
في الطريق وهو يهدرزو ويضحكو فاجئها معاد بباقة ورد احمر
فرحت بيها هلبا
سندس : نحسابكش رومانسي لهدي الدرجة
معاد : علاش الفكرة هدي
سندس : لانك بارد وجاف وبدت تضحك
معاد : انصدم من كلامها كان في حد اعطاه كف ضحك وهو يقول : شكرا هلبا على مدحك
سندس تحشمت : لا لا مش هذا قصدي ... قصدي انت جامد وقاسي مش عارفه كيف نوصفهولك
معاد : خلاص خلاص ورحمة بوك وامك تفوتي الموضوع النيه وصلت
سندس تحشمت هلبا ونزلت راسها لوطه
معاد يحاول يكتم ضحكته
هذا عصبها هلبا ضربته على كتفه وقالت
سندس : لاتضحك
معادحط ايده على كتفه وهو يضحك ....
جو المرح اللي ادير فيه سندس وخفة الدم خلتها مميزة عند معاد
لكن الشهوة مسيطرة عليه
حط ايده على ايديها وهيا شافتله وابتسمت
معاد : ابتسامتك حلوه هلبا وابتسملها
تحشمت بعدت يده وقالت
سندس : شكرا لك .... ممكن تنتبه لطريق وتسيب ابتسامتي خير مانديرو حادث
معاد وهو يضحك : لا
تفاجأت لما وقف على جنب وقال
معاد : توا نقدر نتغزل براحتي من غير خوف
سندس ابتسمت وقالت
سندس : غريب انت اليوم رومانسي هلبا فيك حاجه مش طبيعية
معاد : امممممم ايه في
سندس : ممكن نعرف شن في
معاد : حبك ......
شافتله وهيا مصدومه
سندس : شني حبي
معاد : ايه حبك ... معقوله ياميار لتو ماحستيش بحبي ليك؟
تحشمت ونزل راسها لين وصل لصدرها
سندس : شن لازم نقول توا
معاد : مانعرفش قولي اللي اتحسي بيه
سندس : علاش تحبني؟
معاد : اسالي قلبي يقولك كل شي فيك جميل ... وجهك ... جسمك ... اسلوبك ... وهلبا حاجات خلتني نموت فيك
سندس : معاد ممكن تولع السيارة وتمشي
مسك ايدها وباسها وحطها على قلبه
معاد : هذا القلب نقدمه لپك هديه تقبليه؟؟
سندس ابتسمت : ممكن تسوق
معاد : تمام
**************************************************
⭐️⭐️⭐️ تصويت تصويت ⭐️⭐️⭐️
روحت للحوش قريب اطير من الفرحه لما خشت لدارها سكرت بالمفتاح وبدت ترقص واخيييييرا واخيييييرا قال انحبك الحمدالله يارب توا تريحت .....
اتصلت كول بنور وحكتلها كل شي صار معها
كانت نور صاحبتها الانتيم وبير اسرارها
نور : ماتصدقيشي طول مرات يضحك عليك خليك رزينه مش من اول مرة تعترفيله
سندس : انتي ديما تشكي في كل الشباب عندك كلهم خونه
نور : لان هذا الحق انا تعرفت على هلبا شباب ولا واحد فيهم عرض عليا الزواج كلهم يبو علاقة جنسية وياخد اللي يبيه منك ويسيبك
كلام نور معجبش سندس معاد غير كل الشباب ورمانسي
**************************************************
برغم ان ماقالتلاش نحبك لكن الا انه حس بيها فرحان اللي حقق هدفه وطيحها في شباكه زي البنات لاولات
مصعب مقعمز مع معاد وصاحبه صالح ويسمع في معاد كيف يحكيله ويوصفله في ميار
صالح : فعلا البنت دمها خفيف اليوم شوفت تعليقاتها على صورتك في انستغرام لين دمعو عيوني من الضحك
معاد : صح دمها خفيف وذكية لكن صعب توصل فيها
فرح مصعب بان في بنت قدرت علي خوه معاد وماقدرش يصطادها طول خش على حسابها وبعتلها رسالة لكن هيا تجاهلت رسالة ومصعب بدي يفكر بطريقة كيف يتعرف عليها وياخدها من خوه
