والذكرايات المؤلمه
بتظهر زي الوحوش
لقطات قصادي معلمه
من ناس مبيرحموش
والقلب طافح منهم كاسات مرار
والذكري منهم قوتها تقلب الليل نهار
وافضل في ليلي اتعذب
وسط الوحوش في حصار
ولا عارفه انام واغيب
ولا عارفه افوق واحاربهم
الذكري زي غريب
بيلف حوالين مني
والذنب جاي معاه
يشمت في سوء ظني
انا نفسي الاقي طبيب
يعالجني من الاوجاع
يقدر ينسي الماضي
وينسي حلم ضاع
يقدر يحارب ذكري
يقدر يحيي روح
لجسدها دايما ناكره
يقدر يقوي شخص ساب الحياه دي وباع
الذكري دايما اقوي
ومفيش طبيب يهزمها
ولا حاجه تكسر عينها
واثقه ولا يهمها
قادره وكل همها
تحضر تعكنن بالنا
تقلب كياننا وحالنا
لو حد قرب منها
