بقلمي (هاجر النعيمي)
..............
.. يولي كومي راح يجوت عمامج وعماتج
اني سمعت هيج كمت بسرعه وافرك بعيني شعجب ومنو يجي ومنو ميجي دحجي يمه
.. الكل عمامج وعماتج
هاجر : تمام كمت
غسلت وجيت ارتب شعري جنت مو محجبه رغم عمامي ماقابلين بس بابا كال بكيفها وهل شي فرحني خلصت شعري سويت ذيل حصان بس عالي كلش نفس النخله ونازل على كتافي حميت الجاي وكعدت اكل بعدني ممكمله وفاتت عمتي
اميرة : ها عيني بعد وكت كومي يمعوده تعالي ابوسج
هاجر : هلا حبيبتي شونج زينه انشاء الله
اميرة : بخير اذا انتي بخير وين امج
هاجر : جوه يمكن
فاتت عمتي واجن لارا ويارا سلمت ويارا كالت
يارا : إلياس واكف وكال سوي مجال راح يفوت
هاجر : خلي يفوت
بس سمعت اسمه كلبي صار ينبض احبه واعشق الارض الي يمشي عليها وماكدر اتقرب منه خاف يحس عليه بس بينه سلام بس ويا البنات الباقي جان عادي يسولف وياهن ويضحك وياهن وهل شي مضوجني بس ماكدر احجي واسكت حتى لحد يعرف دخل وكال
إلياس : السلام عليكم شونج عيني
هاجر : نصدمت شنو عيني شهل تطورات بعدين سمعته كال وين رحتي كتله هلا تمام وانت شلونك
إلياس : بشوفتج صرت زين
« هاجر»
هذا إلياس لو اني متوهما كلش فرحت بكلمه واحس بده يميل الي وجان شنو يسوي عيوني تراقبه كمت احضر الاكل ويا ماما رغم هاي مو عادتي بس ساعدتها واجت عمتي هم وضلت تحمد بيه وتذم بل بنات وكل شويه تبوسني بعدين اجو عمامي وعماتي الباقين وصار البيت مليان والاطفال يلعبون واني وياهم وعمتي تصيح
اميرة : الله يكبرج بعد شكد تصيرين وتضلين تلعبين مع الاطفال يمه انتي العين عليج صار 17 عمرج خاف احد يضربج او توكعين ستري علينه حبيبتي
هاجر : شراح يصير قابل لا تخافين ماكو شي
جان يناديني يوسف ابن عمي
يوسف : هاجر يلا راح نسوي الفريق وينج والله بعدين ماندخلج تعالي
هاجر : جيت ثواني
اميرة : الله يطيح حضج ايما فريق اش عيحجي هذا اذا طلعتي فوك ماتلومين اله نفسج
هاجر : عمه خلي اتونس حبابه
اميرة : انجبي إلياس ماما حبيبي تعال خلي هاي الثوله يمك ولا تخليها تطلع فوك مع العجايه
أنت تقرأ
قسوة احفاد ال هَتان
Romanceبعمري مراح انسى الي سويتو بعمري مراح انسى لعبتكم عليه الي اكوله اكلكم حسبيه الله ونعم الوكيل وانتي لا تفرحين ابد يجي يوم ويخونج ويعوفج وثقي كما تدين تدان وانت هم راح تخونك وتخليك مثل الجلب وحدك لان انت وهيا اخبث من بعض وربي يشوفني بيكم يوم يا حقراء...
