"ောက်သုံးမကျတဲ့မိန်းမ။ မင်းဖောက်ပြန်နေတာတွေ ငါမသိဘူးများထင်နေလား။ လုပ်ဖော်ကိုင်ဖက် လုပ်ဖော်ကိုင်ဖက်နဲ့ တတွဲတွဲသွားလာနေကြတာ ငါ့ကို နွားများမှတ်နေလားကွ ဟင်"
"တိုးတိုးပြောပါ ကို ရယ်"
"ဟေ့ မတိုးနိုင်ဘူးကွ။ ဘာလဲ မင်း လင်ငယ်တွေကြားမှာစိုးတယ်ပေါ့လေ"
အုန်း... ဒုန်း... ခွမ်း
နောက်တစ်နေ့ Lecture အတွက် PowerPoint ပြင်နေသည့် ရိပေါ်ရဲ့လက်တွေ တုန့်ခနဲရပ်သွားသည်။ သူ မားရှိရာသို့ မျက်လုံးကိုမသိမသာလေးဒေါင့်ကပ်ကြည့်လိုက်သည်။ မားမားက ဧည့်ခန်းထဲက ဆက်တီခုံမှာထိုင်ရင်း မျက်လုံးတွေကို မှိတ်လို့ စိပ်ပုတီးကို တဂျောက်ဂျောက်စိပ်နေသည်။ နှုတ်မှလည်း "အနိစ္စ ဒုက္ခ အနတ္တ" ဟု တိုးဖွဖွရွတ်နေသည်။
ရိပေါ်သည် သက်ပြင်းကို အသာချလို့ ကိုယ့်အလုပ်ကိုယ် ပြန်လုပ်နေလိုက်သည်။ ၂ ခန်းကျော်က ရန်ဖြစ်သံတွေကတော့ တိုးမသွားသည့်အပြင် ပိုလို့တောင် ဆူညံလို့လာနေသည်။
ခွမ်း...
အစ်ကိုရှောင်းမင်ယီရဲ့ ပန်းကန်ပြားတွေကို နံရံဆီလား ကြမ်းပြင်ဆီလား ပေါက်ခွဲနေတဲ့အသံတွေကလည်း တခွမ်းခွမ်းမြည်နေသလို အစ်မရှောင်းရဲ့လျန်ရဲ့ ငိုသံ၊ တားမြစ်သံ၊ အော်သံတွေကလည်း တိုးရာမှ ကျယ်လာသည်။
"ဒုက္ခပါလားနော် ဒုက္ခ ဒုက္ခ ဒုက္ခ"
မားမားက စိတ်မသက်မသာစွာ ခပ်တိုးတိုးမြည်တမ်းနေသည်။ ရိပေါ်မှာလည်း သွားရကောင်းနိုး မသွားရကောင်းနိုး ချီတုံချတုံဖြစ်လာသည်။ တစ်ခြားအခန်းတွေကတော့ သေချာတယ် ဘယ်သူမှဝင်ဆွဲကြမှာမဟုတ်ပေ။
သူတို့အားလုံးသည် တစ်ခါသေဖူးလို့ ပျဉ်ဖိုးနားလည်တာကိုကျော်လွန်ပြီး အကြိမ်ကြိမ်ကြုံရဖန်များလို့ ပဲလှော်ကြားဆားညပ်ခံကြမည်မဟုတ်တော့ပေ။ ရှောင်းလင်မယားရန်ဖြစ်လို့ ဝင်ဆွဲတဲ့ယောက်ကျားတွေအကုန် ရှောင်းမင်ယီက သူ့မိန်းမ ရှောင်းရဲ့လျန်နဲ့ ပေးစားပစ်လိုက်တော့တာပဲ။
မင်းကငါ့မယားလင်ငယ်လား ဘာလား ဆိုတာမျိုးတွေ ရိုင်းရိုင်းစိုင်းစိုင်းစွပ်စွဲခံရတော့လည်း ကျောင်းဆရာအသိုင်းအဝိုင်းမှာ ဘယ်သူက ကိုယ့်သိက္ခာအကျခံပြီး ဝင်ပါတော့မည်လဲလေ။ အိမ်ထောင်သည်အမျိုးသားတွေရော၊ လူပျိုလူလွတ်တွေပါ မလွတ် အကုန် သူ့မိန်းမနဲ့ ပတ်စွပ်စွဲပစ်လိုက်သည်ကိုး။
YOU ARE READING
Liquor (ချစ်ဆိပ်ရည်)
Fiksi Penggemarအရက်ဆိုတာ သောက်မိရင် ဖြတ်ရခက်သလိုမျိုးပဲ အချစ်ဆိုတာကလည်း စ မိရင် နောက်ဆုတ်ဖို့မလွယ်တော့ဘူး။ သိပ်ချစ်မိသွားရင် သိပ်ပိုင်ဆိုင်ချင်လွန်းတော့ ချစ်ဆိပ်ရည်တွေထဲကူးခတ်ရင်း စုံးစုံးမြှုပ်သွားရတော့တာပါပဲ။ Start Date: 20230728 End Date:
