طلعت من الديوان واني شايل جبل اهموم على راسي
نسر ، بوية مو تحس استعجلنة بزواج
ابو نسر، ابني سالي مو صغير جبير واعية وفاهمة
نسر ، بوية اني ماقصد سالي
ابو نسر، لعد
نسر، أدهم
ابو نسر، صحيح ادهم غلط اهوي بس سالي راح صير عرضة
صهيب، بوية ادهم ما راح يتغير
علي ،اجي وياك وكول تغير عمتي شراح يغير هي تكرهنة وما طيقنة ومستحيل تحب سالي وتعتبره جنته ما تذكر شسوت بينة وتعتبرنة احنة لي كتلنة ترف
ابو نسر ، الله كريم ابني الله كريم
وصلنا للبيت نزلنا واني ماعرف شلون اخلي اعيوني بعيون اختي
ابو نسر ، السلام عليكم
للكل، وعليكم السلام
ام نسر ، بشر شصار
ابو نسر، الخطوبة يوم الخميس
ام نسر ، شنو خطوبة يا خميس لا تخبلوني
نسر ، يمة صلي على محمد اني افهمج ••••••••••••••••••••《 حجيت كلشي 》
ام نسر، بس هم ميحبونه ولا يطيقونة وسهام شوف دم سنونة ولا شوفنة
ابو نسر، بس احنة راح نطية لي ادهم مو سهام
ام نسر ، كلش زين تدرون همة يكرهونة ويعتبرون احنة لي كتلنة بتهم راح ياخذون بتي و يعاملوه حاله حال فصلية واني بتي بت شيوخ مو اي وحدة وميت الف واحد يتمناه
امي حجت هيج واني اجت عيني على سدن وشفت ادموعة كاعده تتسابق وحدة ورة الثانية وطلعت راحت للمطبخ
نسر ، يمة لا تخافين حاسب احسابي يوم الخطوبة نخلي الشروط عليهم ومايصير له لي يرضاج
ام نسر، انشالله وليدي
نسر، سالي وين ؟
فرح، بلغرفة
طلعت من إلاستقبال ورحت للغرفة مال سالي دكيت الباب بس ما تفتح عفتة ترتاح كلت باجر احجي وياه ردت اصعد للغرفة بس شفت سدن بالمطبخ تبجي من شافتني كبل مسحت ادموعة
- شبيج
- هاا لا ما'كو ش'ي
- رايح اسبح سويلي اكل
_ حاض ر
سدن/ اجو عمي والولد ونسر جان كلشش ضايج احس شراين وجة راح طك وحجة لي صار واتفقوا على الخطوبة يوم الخميس عمتي جان كلش مقهوره وكالت《 راح ياخذوة ويعاملوه مثل الفصلية واني بتي بت شيوخ مو اي وحدة 》حسيت هاي الجملة سجينة بكلبي حسيت نفسي مالي قيمة اخذوني فصلية وهمة مايقبلون على بتهم نزلن ادموعي لا وعي نفس الوقت ضجت سالي لان تحب سنان واني اعرف هذا الشعور رحت للمطبخ واني ابجي من حجي عمتي و شفت نسر مسحت ادموعي بسرعة وكالي سويلي اكل وصعدت للغرفة
سويت اكل بس اكو شي اني مافهمت ليش يكرهون نسر وليش رابطين موت ترف با نسر كتلني الفضول
خلصت الأكل وصعدت للغرفة فتحت الباب بس هو بعده بالحمام خليت الأكل بالكاع وطلع هو مالبس بس شورت حيل ستحيت
نسر، طلعت من الحمام ولكيت سدن شافتني وجة صار طماطة وخدوده حمر اخخ مو خدود لان مالبس بس شورت رادت تطلع
_ وين
_ اريد اطلع
_ تعاي اكلي وياي
_ بس (خزرني) كبل كعدت
كعد ياكل واني ابوع على ملامحة
شعرة الكثيف المبلول و حواجبة الكثاف و شفايفة الجافة وعيونة الذبلانة ضليت ابوع على كل تفصيلة بية واني ماحسة على نفسي لحد ما جت اعيوني بعيونة وكال
_ تردين تكولين شي
_ هاا لا
_ لعد اكلي
_ اي ،ابوع على المواعين فارغة ماكل كلشي ضليت اكل اخيار خلص اكل وراح للجرباية تمدد وخلة ايده على اعيونه وكال
-خلصي وصفي الضوة
_ شلت الصينية وصفيت الضوة وطلعت من الغرفة
نزلت جوة كله جانت نايمة رحت للمطبخ غسل المواعين واني بالي يم سالي خلصت المواعين ورحت للغرفة مالته شفت اكو ضوة خفيف دكيت الباب على كيف
_ سالي
_ ~
_ سالي ادري بيج كاعدة عادي احجي وياج شوية
_~
_سالي ماطول خمس دقايق
ورة لحضات سمعت صوت الخطوات ونفتح الباب وشفت سالي بحالة لا يرثا لها وجه ازرك صاير شفايفه بيض شعره متملخ واخدوده عليه اثر خرامش وأيده بيه جرح و الدم يابس علية
_ عزز وج هاي ليش هيج مسوية بنفسج
هي بس تبجي وما تحجي ولا كلمة
_ تعاي تعاي كعدي خلي اععقم الجرح لي بيدج
رحت للمطبخ و فتحت الجرار لكيت اكو عصارة وكطن
رجعتله وهي ادموعة ما وكفت ولا لحضة اخذت يدة عقمته ولفيته بلفاف
_ عقمته فترة ويطيب الجرح
_ وجررحح لي بكلبيي شلون يطيب
_ اهدئي
_ شهدئ وج شهدئ فهمينيي شلونن اعيش حياتييي ويه شخص ثانيي اني حبيته اكثررر من نفسي خاطرت بسمعتي وبشرفي وياه بيناتنة ايامم واشهوور وسنيين شلونن راح انساه شلوننن
جانت تحجي وهي تبجي وصيح
شبكتة حتى تهدء ضلت تبجي لحد ماحسيتة رتاحت
مسحت ادموعة وكعدت بصفه
_ سالي اني اكثر وحده حاسة بيج ادري صعبة تعوفين
اهلج وصعب منة تعوفين الشخص لي تحبيه مريت بنفس تجربتج
_ والحل ؟
_ الحل. هو رب العالمين
_ مفهمت
_ بسم الله رحمان الرحيم
(عٌَّسئ أّنِ تّګرهِوِ شٍيِّ وِهِوِ خَيِّر لَګمَ )
أنتي حبيتي سنان صحح
-عشقته
- رب العالمين يشوف الماضي والمستقبل
اما احنه نشوف بس الماضي والحاضر اما المستقبل مجهول بس رب العالمين يعلم ونحن لا نعلم
راح اطيج مثال جنت صغيرة عمري 13 سنه صارت سفره مدرسية وكل صديقات اهلهم وافقوا وقبلوا يرحن سفره مدرسيه له اهلي عارضوا واخوي ماقبل اروح كلش بيجيت وضجت ونمت واني ابجي كعدت ثاني يوم الصبح اشوف كل البنات مبدلات وكاشخات واني ابجي واكول ربي ليش مو اني وياهن بعدين اجه اخوي اشترالي ونسيت وراه صار العصر واجه خبر الباص مال المدرسة سوه حادث والبنات نص ماتن ونص رجليهن نكسرت ونص أيديهن
-ياا خطية وبعدين شصار
-ههه شصار رحت وشكرت رب العالمين لان مارحت
حجيتلج هاي القصه حتئ افهمج مو اي شي نريده بالحياة فهو زين. لنا واذا ما صار فه عرفي رب العالمين نقذج لان رب العالمين يحبنة اكثر حتئ من امج وابوج رب العامين يخاف علينه ويبعدنه عن الخطا يمكن زواجج من سنان يكون بدال الاحلام الورديه الئ جحيم
اكبر مثال كدامج هو اني شكد خفت من كالو راح اروح فصلية بس وكلت امري للواحد الاحد والحمدالله ايمان برب العالمين ماراح وجيت بنص ناس غرب بس عبالك اهلي تحبوني انتي وعمتي وصهيب وبيبي وكلكم اعتبركم اهلي لله شاهد (حٌَّّسنِيِّ أّلَضّنِ بِأّلَلَهِ )
_ما دري شلون اشكرج كلش جنت محتاجه حجيج
_حبيبتي انتي مثل اختي وما قبل اشوفج متآذيه
شبكتني
_يله اني طالعة وانتي نامي
_ماشي
ردت اطلع بس صاحتني
_ سدت
_ عيوني
_ لا ترحين خليج يمي
_هههه ليش هو اني عندي مكان ثاني غير غرفتج
_هههه لعد تعاي نامي بصفي
صفيت الضوة ونمت بصفه واني اقره علئ راسه معوذات
حبايبي لهنا ويخلص البارت 💚🦋 ريدكم تكتبرلي بتعليقات شفهمتو من هاذا البارت؟ واتمنه ضغطون علئ نجمة 💜 باي رابط قناتي علئ تليكرام 💚
love99ptoolraad
