اسيل
_وج يمة نامي مو شلعتي كلبي نامي حسين نصي تليفون راح اكوم اكسرة علئ راسك
حسين، ما
_ولك نصي
حسين، ماا نصي
_ ولك نصيي خلي اختك تنام بصياح
قاطعة دخول اريج للغرفة
اريج، شبيج عمة
_عمة فدوة اروحلج اخذي حسين وملاك وديهم لغرفة سالي خلي انوم شمس مو شلعو كلبي
_هسة اوديهم
ردفت وهي تكوم حسين من لفراش
-كوم خلي انام بغرفة عمة سالي كوم ملاك حتئ انتي كومي
ملاك، مو بكيفج انتي ماكوم
اريج، وج كوميي
ردفت وهي لازمة ترمز وردفت بنبرة تهديد
اسيل، ملاك وحق من سماج ملاك تكومين لا اخلي هاذا ترمز براسج
ملاك، هففف كمت كمت
اسيل، تتئفف بت لذينة دخل يجي فارس لة اخلي يرجع يربيج من اول بداية
طلعت اريج ولازمة حسين بيد وملاك بيدة ثانية
اسيل، شلون جيل
باوعت لشمس وحطيتة بحضني واني اتامل بشكلة واعصر بشفايفة
_وج انتي من تكبرين هم شلعين كلبي مثل اخوج هاا
وشمس ضلت تناغي
_هاا ياماما هاا يابعد طوايف اسيل تنامين انتي نعسانة
فردت لحضينة علئ رجلية وبلشت تكمط بشمس خلصت وكفت رجلية وبلشت تنوم بحسين
_دللوش يلولد يبني عدوك ساكن •••
ضليت انوم بية لحد مانامت وضليت اباوع علية بنضرة تفكير ردفت بنبرة حزن
_شلون راح تتربين بدون اب
نزلت دمعتي بقهر مسحتة ونومتة بصفي حطيت راسي علئ لمخدة واني تفكر بكرار شاكل شرب نايم لو كاعد قاطع تفكيري صوت لمبايل شلت تليفون ومن قريت لاسم نصدمت
_كرار
كبل ذبيت لمبايل وكمت من لفراش للباب سديتة وقفلتة لايجي واحد من لولد ويسمعني رجعت للفراش ورفعت تليفون واني اشوفة يدك
_هسة اني شسوي
وبدون تفكير فتحت لتصال وخليتة علئ اذني واسمع بس صوت نفس ومحد يحجي حطيت راسي علئ لحايط واني دموعي تنزل ومر لوقت طويل وثنينة ساكتين بس صوت انفاسنة تنسمع
_اسيل
من سمعت كال اسمي احس روحي طلعت من مكانة دموعي كامت تجري لارادين وكل لمشاعري هاجت كمت ابجي بلا وعي
