ضليت واكفة مكاني واني مجمدة وطلق من كل مكان عبالك مطر فجاة واحد دفعني من ورة لتفتت شفت علي راح علية بسرعة وشالة وصعدة بسيارة والولد وعمي طلعو بشارعة يفتهمون شديصير صار كل هاذا واني مامستوعبة اجة علية نسر طاير لزمني من جتفي وردف
_سدن بيج شي طبت بيج طلقة سددننن جاوبيني لاتخبليني
هزيت براسي لا ودموعي تجري فجاة حسيت لكاع سحبتني لة غمضت عيوني وبعد ماحسيت بشي
ردف وهو يضرب علئ خدة
نسر، سدنن سددن فتحي عيونج
شلتة بثنين يدية وطببتة للهول حطيتة علئ تخم
ردفت وهي دك علئ راسة
ام نسر، ياعلي استرك ياعلي سترك
زهوة، يمة يمة بناتي راحن يمة لحكيلي
نسر، بيبي اهدئي مابية شي ساليييي سالييي
سالي، هاا شكو شصاير
نسر، روحي جيبي مي بسرعة
سالي، شكو شبية سدن
نسر، سالي سمعتينيييي
سالي، ايي ايي
راحت تركض للمطبخ التفتت علئ سدن وهي صايرة صفرة اجت سالي اخذت لمي ورشيت علئ وجة ردفت واني اضرب بوجة
_سدن سدن اصحي كاعدة اسمعيني سدن
فتحت اعيونة اشوية
_اي فتحي فتحي
ردفت بتعب
_ف فر ح
_فرح زينة زينة انتي بس ارتاحي هسة ماشي
_ف فر ح
_لا تخافين انتي هسة بس ديري بالج علئ نفسج ماشي
كمت من لتخم وردفت بسرعة سالي عينج علية اطلع افتهم شنو سالفة وارجع
ام نسر، يمة يمة دير بالك علئ نفسك وعلئ اخوتك يمة
_يمة لا تخافين صلي علئ محمد ماكو شي
عفت لبيت وطلعت بسرعة من لبيت فتحت لباب وشفت عمامي ولدهم ورجل عمتي كلة مجمعة بشارع ولسلف كلة موجود رحت وكفت بنصهم
_شكو شصاير
زيد، مندري هسة اجتي سيارة رمت علئ ابوتنة كلة وراحت
عمي قحطان، هاي دكة عشائرية
فارس، وليش هو شصاير حتئ يدكونة دكة عشائرية
نسر ، اليوم نشعلهم شعل علئ اي اساس يضربون بيوتنة شنو تاهيلهم احنة
سجاد، هسة نلم اسلحتنة ونروح ننخل بيوتهم نخل
سيف، ونشعل ابهاتهم هم
عمي قحطان، صلو علئ محمد خلو نفتهم لسالفة شكو لحد يستعجل
