العشق المنتقم (قمر و قاسم)

الفصل السابع عشر

قمر  كانت لسه هتخش البيت لقيت حد كتم نفسها وحطها في عربيه ومشي

ثاني يوم الصبح في بيت السيوفي

كانوا متجمعين حوالين السفره سالم قال لمراته هي قمر ما قربتش تيجي

الام بحنان/ رنيت عليها امبارح قالت لي ان هم ممكن يجوا بالليل أو النهارده الصبح علشان عندهم شغل كتير في الشركه

سالم وهو بيقوم خلاص لما تيجي بقول لها هتحصلني على الشركه فعلا عندنا شغل كتير وسابها وراحه الشركه في نفس الوقت كان مراد جاي بعربيته سالم شاف عربيه مراد جاي عليه مراد نزل من العربيه وراح ناحيه سالم وسلم عليه
مراد باحترام /هي قمر جاهزه يا عمي هي قالت لي اجي بدري علشان عندنا شغل كتير في الشركه واجتماع مع الشركه اللي هي مضت معاهم العقد

سالم باستغراب /جاهزه فين هي جت اصلا مش كانت معاك في حفله الخطوبه صاحبتها

مراد بتوتر وقلق/ اه الكلام اللي بتقوله ده يا عمي
ده انا موصلها بنفسي في الليل واستنيت لغايه ما دخلت الفيلا انت ازاي بتقول ان هي ما وصلتش هتكون راحت فين يعني استنى هرن عليها وفعلا مراد ماسك التليفون وحاول يكلم قمر بس سمعوا صوت الرنه قريب مراد بس حواليه ليق تليفون قمر مرمي جنب باب الفيلا

مراد بصدمه مش معقول ده تليفون قمر ده معنى  ان قمر اتخطفت
يا ترى مين اللي خطفها

سالم بقلق/انت بتقول ايه لا مستحيل بنت تكون حصل لها حاجه انا هبلغ البوليس يدوروا لي عليها

مراد ما فيش غير حد واحد بس ممكن يكون عملها ما فيش غيره قاسم اكيد هو اللي عمل كده عشان ينتقم مننا وياخدها مني عشان هي قبلت تتجوزني امبارح انا مش هسيبه عايش يلا بينا مراد وسالم راحوا على بيت قاسم هم مش ناويين على خير

في بيت قاسم
كان قاسم بيسبح في مسبح السباحه وهو بيفكر في اللي حصل في الحفله معقول تكون قمر خلاص مش عايزاه وان هي خلاص طلعت من حياته طب هو يستاهل اللي هي عملته فيه هو غلط وكل واحد ممكن يغلط بس هل ده يستحق ان هي تسيبه قطع شروده دخول الخدامه

الخدامه باحترام في ناس عايزينك بره يا فندم بيقولوا ان هم من عيله السيوفي

قاسم باستغراب /طب قدمي لهم مشروب من مااغير هدومي الخدامه طلعت تضيف الضيوف وقاسم راح غير هدومه عشان يقابلهم وهو مستغرب من زيارتهم

في غرفه الصالون كان قاعد سالم ومراد هم على اخرهم من القلق والتوتر اللي بينهش فيهم

في نفس الوقت دخل قاسم عليهم وقال بسخريه
مراد الريان وسلم السيوفي في بيتي لا اكيد في حاجه كبيره بقى علشان كده انتوا نورتوني بزيارتكم

مراد بعصبيه احنا مش جايين اتضايف يا استاذ قاسم احنا جايين عشان تقول لنا قمر فين هو عملت فيها ايه