March 21/3/2021
مرت تقريبا سنه وشوي كلها قضيتها طلعات ونومات عند ساره وعرفتني على صديقاتها كم مره شفتهم وقبل كم شهر جتني تالا بنت خالتي قعدت شهر عندنا وناويه تجيني بعد اسبوع الرياض مره متحمسه
بس كل ماذكر اني عاطله لا دراسه ولا دوام يضيق صدري انا من النوع الي ماحب اقعد فاضيه ومجتهد حاولت كثثيييررر اقدم على وظايف واكلم ناس بس ماجتني او تجيني وظيفه مابحث عنها زي معلمه بمدرسه وانا مابي هالشي وبعد مارجعت من امريكا بثلاث شهور توظفت بنادي لياقه نساء بس تهاوشت انا ووحده وانطردت ومابي اروح نادي ثاني حسيت كرهت تخصصي وندمت اني دخلته
June 28/6/2021
كان زي يوم ثاني عادي امي سوت الغدا نزلنا كلنا وحسيت ابوي جاي مبسوط مدري ليه وكان بس يطالعني مدري ليه فجاءه سالني
ابوي: مالقيتي وظيفه يابنتي
لمى : يابوي تكفى مو وقته تعرف كيف الموضوع حساس عندي لي اكثر من سنه بالبيت مره طفشت حتى مفكره ادرس جامعه من جديد عشان اتوظف اتكلم وانا صوتي متغير
ابوي: عندي لك بشاره
ايش؟
ابوي: لقيت لك وظيفه متاكده بتوافقين
لمى: هاه كيف وين
ابوي: بعد الاكل بقولك بس كلي زين
اكلت اسرع ماعندي رحت غسلت واستنيته بالصاله
خلص اكل وقعد ابوي بالصاله
سامي: ابوي مو ناوي تقولنا وين
ابوي: انا قاعد استنى الموظفه تسال بس شكلها بعالم اخر
لمى مسرحه تفكر وين ذا الوظيفه الي مخليه ابوها مره مبسوط
سامي: هيه بنت لمى
لمى: بسم الله وشو
ليان: شفيك انتي ماتبين تعرفين وين
لمى: اي صح وين
ابوي: نادي الهلال
كلهم :ايششش
لمى: بابا والله مو وقته تضحك
ابوي :شفيك والله
فجاءه بدون ماحس قعدت انطط واحضن اختي وماما من الفرحه اخيراا ماكنت اتوقع اني يتوظف بوظيفه ممتازه ووين نادي الهلال وراتب عالي
قعدت واسال ابوي طيب كيف وليه يبون بنت
صديقي يعرف واحد يشتغل هناك يدورون على مدرب او مدربه رياضه واخصائي تغذيه وانتي تحبين الكوره وكلمني على طول لانه يعرف انك تبين وظيفه وعارف انك ممتازه وعاد انا على طول وافقت ادري انك كفو يابنتي وتنفعين عاد الهلال ذا لازم اوافق فريقي
سامي:لو انه النصر يابوي يضحك
لمى: والله لو نادي بالدرجه الثانيه بروح معليش راتب زين ولاعبين وش احسن من كذا
ابوي:ووش اذا لاعبين
لمى:لا الله يحفظك مو قصدي كذا قصدي مشاهير وفنانين
سامي:اتحداك تعرفينهم اصلا
لمى:ياسر القحط.....
الا اسمعهم يضحكون
فهد وحمد اخواني:الله يفشلك على التحديث القديم انتي
لمى:ياخي والله اعرفهم بس انسى اسمهم ماعرف الدوري السعودي مره اعرف الاسباني وكلكم تدرون
سامي:صح انك فنانه بالكوره بس غبيه بالاسماء
لمى: خلاص ياحبايبي اذا رحت بتعرف عليهم واصلا وبصير وحده منهم🫳🏻😏
ابوي: المهم بنتي بكرا عندك مقابله مع الرئيس فهد بن نافل لازم يشوفونك ويتاكدون جهزي اوراقك
ابشر
رحت اركض لغرفتي عشان ادق على تالا وساره ودقيت عليهم مكالمه جماعيه صح انهم مو صديقات ذي قريبتي وذي صديقتي بس يعرفون بعض وقلت لهم الخبر مره فرحوا وقمت استهبل احط اغاني الهلال وارقص ماحسيت بالوقت الا انها ١ ونص الليل
لمى :يووه بنات بقفل بكرا لازم اقوم وراي يوم مهم واستعد من بدري
ساره وتالا: بالتوفيق ياقلبي وبشرينا بكرا
ابشروا
