10 مساءا
لمى شربت المويه الي عطاها اياها ياسر
لمى: يلا ياسر تكلم
ياسر: مافي شي بس صار نقاش بيني وبينه
لمى: طيب انا شدخلني فيكم؟
ياسر: يمكن لان انتي السبب
لمى: ياسر اتمنى تستهبل
ياسر: والله يالمو انا مدري وش اقولك بس هو شكله يحسبني معجب فيك ومو عاجبه هالشي
لمى: وليه ان شاءالله مو عاجبه وش يحسب نفسه
ياسر: يالمى اهدي انتي اول شي وثاني تكفين الكلام ذا بيني وبينك
لمى: ياخي اخلص علي والله مو فاضيتكلم
ياسر: اسمعيني زي ماقلت لك هو يحسبني معجب فيك وشكله هو معجب بس مو راضي يعترف وسبب الخلاف الي صار انه يحسبني اكذب عليه وانك معي هاليومين وبس عاد عشان كذا مودي زق اليوم وهو معصب مني ومايبي يكلمك او يشوفك
لمى ماعرفت وش تقول غير انها ضحكت
لمى: والله مدري انتم وش وضعكم الصدق بس اتمنى تفهم انت وتفهمه الثاني اني مو فاضيه لافلامكم ذي فكوني منها وتراكم اخويا لا تخسرون بعض عشاني او عشان اي شخص بالدنيا ذي
قامت من الصاله وتبي تطلع تحت لسيارتها
ياسر صرخ:لمى استنيي
طلعت وقفلت الباب ماردت عليه
Pov yasser ياسر جلس بالكنب ندمان وضايق صدره ليته ماتكلم ولا اعترف بالسالفه الي صارت واصلح الموضوع الي بينه وبين صالح وماقال للمى وقرر انه يرسل للمى بعد شوي
اما لمى رجعت البيت منصدمه من سالفتهم وطول الطريق تفكر
Pov lama : طيب انا شدخلني وليه يتهاوشون بسببي وانا مابي ولا احد فيهم جايه ادرب واساعد الفريق مو ادخل بعلاقات ومشاكل والله ماراح اسكت برجع وافهم صالح وياسر برساله طويله عشان يفكوني من مشكالهم وذا اول اسبوع لي
رجعت البيت لمى والكل طالع اخذت شاور وسوت لها عشا خفيف وراحت غرفتها قفلت اللمبات وشغلت الشموع الي ريحتها ورود وحطت فلم
بنص الفلم جاها اشعار رساله
Yasser⚽️
اهلا لمى ادري مو وقتي ومو فاضيلتنا على كلامك بس جاي اعتذر عن السالفه وحسيت مالها داعي اصلا تعرفين بس ماحب اخبي شي على احد اسف
واتمنى محد يدري عن السالفه حتى صالح واوعدك اني بصلح الموضوع بيني وبينه بالذات انه اعز اخوياي واتمنى تنسين الموضوع ماكانه حصل.
لمى: يصير خير ان شاءالله
Pov yasser : يالله اسلوبها يقهررر لي ساعه افكر
بالسطور ذي وصدق ناوي اصلح الموضوع وترد كذا!
لمى ردت عليه ونامت
اما ياسر قرر يكلم صالح عشان يتفاهمون دق عليه مره مرتين ثلاث واربع مارد
فقرر يرسل له يدق عليه
ياسر ارسل
السلام عليكم صالح ابيك تدق علي لمن تفضى
صالح شاف الرساله من برا بس قرر يدق عليه لمن يهدى شوي عشان ماتزيد المشكله
