صحت لمى اليوم الثاني الصباح بنومتها الحلوه و الطويله كالعاده اول شي تسويه بيومها تمسك جوالها تشيك على البرامج و الرسايل
دخلت الانستا واول بوست طلع لها حساب الهلال مصورين تدريبات امس ولفت الصور ولقت شكلها ابتسمت وحست بشعور وجميل وفخوره بنفسها وين وصلت لنادي كبير زي الهلال بعد تعب دراسه مدري ايش لقفها وخلاها تدخل التعليقات وقرت اشياء ماراح تعجبها
User18272: وين حنا فيه حريم يدربون رجال؟
User19291: رجالنا بدال لا يركزون بالكوره بيركزون فيها🤣
User3933: مين هالقمر
Replied to 3933: منجدك ذي قمر؟
User4403: وش هالفوضى
User5033: الغريب محد تكلم عنها
User4040: شسالفه يقولون ذي مشهوره اصلا
Replied to 4040: مو مشهوره هي مره بس معروفه شوي بالسوشل ميديا
User20339: لا تكفون قولوا مقلب ومو صدق
User84840:صدقوني جايبينها عشان الاعلام و اللعيبه واضح ماعندها سالفه ههههه
11394 more comments.....
طلعت من الكومنت لمى وضايق صدرها من الي قرته صح فيه كثير يمدحونها ويسالون من ذي ويبون حسابها بس الاكثر يسب مستغرب مين ذي واكيد جايه عشان اللعيبه
قعدت تهوجس وهي منسدحه شفيهم علي ذول؟ صح الشي جديد عليهم مجال المرأة بالرياضه بالذات الكوره بس ذا رزق
وشغلني
قامت من سريرها لمى تتجهز وتفطر راحت الحمام اخذت شاور بارد ولبست بنطلون اسود مع كروب توب بنفسجي مريح للبيت نزلت تحت الصاله امها وابوها جالسين سلمت عليهم وراحت للمطبخ تجهز فطورها سوت افوكادو مع بيض وتوست وقهوتها اليوميه
راحت الصاله تاكل وتسولف مع اهلها
امها: كيف الدوام حبيبتي
لمى: حلوه
ابوها: الحين بالشتنا وتبين وظيفه وطفش و و و حلوه بس؟
لمى: ههههههه اي حلوه يعني لسى اول يوم دوام كلموني بعد شهر
قعدنا نضحك ونسولف شوي وجو اخواني لين جت الساعه ٣
لمت الاكل وراها ورقت فوق غرفتها و شغلت التلفزيون حقها حطت اغاني وهي تتجهز لبست تيشرت الهلال حق التدريب و لنقز اسود وحطت بشعرها جل وربطته لورا عشان مايضايقها وحطت ميكب خفيف مره بس كريم و تنت وسوت حواجبها بجل لبست شوزها الابيض الرياضي نزلت وركبت سيارتها وتوجهت للنادي
وصلت النادي شافت السيارات فل برا استغربت دخلت ولقتهم
باديين تمارين كوره برا ودت اغراضها باللكور حقها ودخلت الحمام تشيك على شكلها دخل عليها ياسر
ياسر: بسم الله شجابك
لمى: انت الي شجابك
ياسر: جاي اغسل وجهي من الحر شفيك منفسه
لمى: لا منب منفسه بس داخل الحمام تقول شجابك
ياسر: لان ماشفتك من بدايه اليوم
لمى: اما متاخره
ياسر: ههههههههههههه اي
لمى: شدعوه انتم كل يوم وقت
ياسر: لا نفس الشي بس شكلك ماشفتي الساعه يوم تطلعين
شافت جوالها مكتوب الساعه ٦
لمى: اح اي والله!!
ياسر: ههههههههههههه عادي اصلا مانبدا معك انتي الا اخر شي
طلعت معه برا عن العيال وسلمت على اغلبهم وبدوا تمرين ثاني تفرجت عليهم شوي بعدين دخلت من الحر جوا قعدت مع الطاقم الطبي جوا بالعياده كان فيها سلمان قعدت معهم نسولف شوي واستوعبت اني ماشفت صالح اليوم
لمى: سلمان وين صالح ماشفته توني استوعب
سلمان: صالح ماخذ اجازه يومين عنده ظرف يقول بس مدري وشو الصدق
لمى: اوكييي
سلمان: وليه شتبين منه هاه هههههه
لمى: لا بس استغربت وينه لان شفتهم كلهم برا
سلمان: ماشاءالله تفقدين صالح بس ماتفقديني سلمان
لمى: لا اعرفك انت اول من يجي النادي وبالعياده ماراح تختفي
سلمان: نعرف هالحركات يالمووو ترا
لمى: وربي لو ماسكت ياسلمان بيجيك ك..
ياسر: بوو
صرخت لمى ونطت من مكانها ياسر فجعها صرخ بذنها ومسكها من خصرها
لمى: ياااسسرر
قاموا يضحكون الي كانوا موجودين معنا
سلمان: تدري اني شايفه من اول وراك ياشر بيده اسك
لمى: وانا اقول وراك تطالع ورا وتستخف دمك معي
سلمان: لا ترا ماستخف دمي ليه تسالين عن صالح
ياسر: وش تسال
لمى: ماكنت اسال بس مستغربه وين ص..
سلمان: لا كانت تسال وين صالح ماجا اليوم
ياسر: صالح عنده ظرف كلميه
لمى: سلامات وش اكلمه بس اسال وينه احسب فيه شي
ياسر: لا مافيه الا العافيه
جا وقت الي اعطيهم التمارين اليوم كان تمارين الظهر سويته
معهم مجموعات كالعاده مافي شي جديد خلصنا اليوم الساعه ٩ بدري
