ربي كتب لي وارتحت لك و اصبحت محبوبي

Part 2

طبعا في البارت الاملاء نصه كان غلط يعني اعذروني يلا نكملل

طبعا الوضع حوسه بتتعودون عليه التلفون طايح على ارض و المنبه يرن ساعه 7:00
الريم: ياخيييي الين متى بتم على ه الحالل ي ربي متى اتخرج
اوففف ما صار منبه هذه ليش ما يسكت جان تقوم و تغسل ويهه و تتكشخ جنها رايحه العرس مب مدرسة استشورات شعرها و حطت مسكرا و بلاشر و قلوس و و لابست شيلتها و الهودي و الجوتي و نزلت تحت
ام احمد : الريمممممم و صمخخخ تعالى افطري بعدين سيري المدرسة احمد بيوديج
الريم :ماما مالي خاطر ما ابي اكل بشرب كوفي وبصحصح
ام احمد: هي ماشاء الله عليج على صباح الله خير كوفي الناس تاكل بيض وزيتون وانتي مالت عليج بس احمد قوم ودها وبعدين سير دوامك
احمد: ياخيي انتو ليش يايبين دريول كل يوم اوديها و اتاخر على دوامي يلا قومي بسرعه ولبسي شيلتج عدل شو ها
الريم : ياخيييي اوف يلا ودني ولا تتفلسف وايد مالي خلق ع صباح الله خير اسمع كلامك
احمد: يلا ركبي السياره
الريم : انزين
ركبت الريم السياره و وقف احمد صوب الدكان لان الريم تمت تحن عليه وقف سارت شرت حقها و حق بنات عمها ردبول وه السوالف ودفعت ونسيت اخبركم انهم ف نفس المدرسة و الصف
بس ميثا اكبر عنهن بسنه و بصف ثاني دوم مظلومة ه البنت المهم وصلها المدرسة و نزلت و سارت صوب صفها وشافت عواش يالسه على الاب جان تي من وراها وتخوفها
الريم : بووووووو
عواش: بسم الله خرعتيني من وين طلعتي
الريم : مدري المهم تعالي يبت لكم ردبول
عواش : خيبههه انتي ما تعرفين ان مب زين
الريم: ترى مره وحده في الشهر نشرب مب كل يوم
عواش : المهم انا ما ابي اوقف في الطابور المس تقهررر توقفنا ساعه الين ما تفتح المايك و تدور البنات و الاذاعه مالي خلق
الريم: والله انا بعد مالي خلق

جان تدش عليا عليهممم
عليا: صباحححححح الخيرررررر
الريم : صباح النور بس شفيج جي متحمسه
عليا : والله ماشى بس شفت ويهكم الي تفتح النفس
عواش : خفي علينا ما عرفناج وانتي تمدحينا ياربيي
الريم : وينها اختج ساره ؟؟؟؟
فجاء ساره تدش
الريم: وين كنتي ي الهبله
ساره: كنت في الحمام اتكشخ
الريم: اهااا وينها مهارييي الكلبه شكلها ما بتداوم؟
وفجاء تي الجوري
الجوريي : ترى راعي الهوى مفضوح صحيح النظره ما تكفي من الاوجاع ما تشفي
الريممم: ياللله صباح الخيررر وهاي فاجه حلجها و تغني
الجوري : شفيججج ريمووو منقهره من صوتي
الريم : يوههه مالت عاد من زين صوتجج😒
عواش : بنات تخيلو مهره ما تي ؟؟؟
عليا : اكيد بتي واخوها بيبها ياخي ما تلاحظون اخوها يقهر
الريم : هو بارد بس ان ما يقهر و اذا يقهر اخوانا كلهم جي !

جان تدش وحده نكرهااا بعرفكم عليها
روضه عمرها (15) قدنا لكن من سوالفها تحسون عيوز ترمس خمسين الف واحد و دايم تطلع عنا كلام مب اوكي وهي تقصد عمرها و اهلها ما يهتمون فيها فارينها وما يعرفون بنتهم شو تسوي من وراهم طبعا هاي تقرب لنا بعد بس في العزايم نتيمع 😒

وتي وراها مهره وهي مسطله وفيها رقاد ومنفسه ومب متحمله حد  روضه ما شافت وراها مهره لان روضه كانت تخاف شوي من مهره جان تي تخطف عدالنا ونسمعها تقول
روضه : يعع مالت على ه الاشكال
جان تي مهره من وراها وتير شعرها وهي تطيح ع الارض
مهره : ي بنت اللذينه نحن مب متفيجين لج ع صباح الخير سيري دوري غيرنا ما نبي مشاكل وياج ي خايسه
الريمم: خلاص مهاريي هديها
الجوري : مهره خلاص ماله داعي
عليا : مهرههههه ترانا متعودين عليها لا تسوين فيها القويه وقذا 😂
ساره : بنات بصيحح هذه اول يوم جي صارر
مهره : ساره سكتي احسن لج نحن مب متفيجين نسمع صياحج.
مهره كانت ماسكه شعر روضه بعدها ما هدت
جان تشده اكثر وتقول
مهره: مره ثانيه لا تين عندنا و تسوين مشاكل عسب ما احطج تحت ريولي.
وطبعا قبل لا تودرها تقربت عواش و قالت لها
عواش: انتي بلاج قاطه ويانا تدورين ربع شوو
طبعا بعدها روضه طلعت
الريم : بنات تعالو ننخش ما ابي احظر الطابور
البنات : حتى نحن
الريم : عيل يلا انا ومهره بننخش ذاك الصوب تحت الطاوله
عواش : عيل انا وساره والجوري وعليااا بنننخش تحت في الكبت
طبعا كان شى كبت كبير حق الكتب و هاالسوالف وطبعاا البنات وين و الكتب وين

في بيت سالم
كانت ام احمد قاعده في الصاله جان تلفونها يرن
كانت حرمه عمي منصور
رفيعه : هلا هلا وغلااا مرحبااا الساع
مريم : اهليننن حياتي رفوععع بغيتج بطلب قولي تم
رفيعه : تمممم من عيوني بس شو ؟؟
مريم : يوم الخميس نحن طالعين المزرعه وكلنا معزومين ف لا تنسين تين ؟؟
رفيعه : تم برمس الريم و احمد عسب يتجهزون حق يوم الخميس يلا بخليج مريم عندي اشغال بسير اسوي الغداا ؟
مريم : اخخخخخ ياخي ذكرتيني العيش ع النار شكلههه ريلي بيطلقني 🥹
رفعيه : هههههههه اخ بطني مريوممم لو ريلج يبا يطلقج جان طلقج من زماننن
مريم: يلا باي اموحححح احبج ♥️
رفيعه : يلا باي حتى انا ♥️
نسيت اخبركم ان ام الريم اسمها رفيعه

في المركز
سعود : يلا احمدووو خلنا نطلع مليت كثر ما اقعد في المركز
احمد : انزين ي الكلب وين تبانا نسير
سعود : ابي اسير جيمي مول ؟؟
احمد : يلا انزين
سعود : اصبر برش عطرر
احمد : ترى محد بيشم ريحتك
سعود : عادي حق عمريهه 😎
وبعد نسيت اخبركمم ان سعود بعد شرطي امااا عبدالله هو مهندس وي مايد اما علي كان يدرس جامعه لان هو يبا يكون دكتور وجي

بكمل باجررر ان شاء الله باييي ♥️