الأيام كفيلة بأن توضح لك مشاعر الآخرين تجاهك ستعلم بأن ليس كل قريب يحبك وليست كل كلمة جميلة تكون صادقة من القلب وليست كل ابتسامة تدل على نقاء،،،،،،
تالا،،،،طبعا شفت الكل صفنو بوجهي احس گلبي ديطلع من مكانه كتلهم شنو كالو مبروك حامل اني هنا بين الفرحانه وبين خايفه صار عندي اضطراب بلمشاعر كتلهم عفيه كون فيصل ميعرف بلسالفه لانو خاف ياذيني كالو لتخافين منحجي رحت لغرفتي واني امشي بلطريق اسمع صوت فيصل يكول وينه تالا ومعصب اني هنا عبالك مسويتلي جريمه ظليت بس ارجف لحكني ولزمني من شعري وكلي دخلي للغرفه بسرعه،،،
فيصل، ،،،طبعا اني من نطيته الحبوب عرفته راح تعاند بس كلت لازم اضغط عليه لان ماريد طفل يربطني بيه بس اني بلش گلبي يحبه بس عقلي. يكول لا اهلك ميردوهه وهي موطويله فدائما اغلس رغم انو هي احلى وحده بنسوان اخواني من شكل ومن برائه ومن جسم مناقصه شي بس اليحب وحده ميكدر يحب مره ثانيه المهم دخلت البيت ولكيت امي ونسوان اخواني وخواتي متجمعين وكانو منتظرين ردت فعلي من اسمع الخبر كامت امي بوستني وكالت مرتك حامل واني هنا انصدمت وكلت لازم هالطفل ميبقه عفت امي ونسوان اخواني ومشيت للغرفه لزمت تالا من شعرهه وعصبت عليه وكتله تعالي عتدي شغله وياج،،،،
تالا،،،لحكني مل وكلي تعالي نامي على وجهج نمت وچان گام يسحك على ظهري كل قوته واني بس ابچي اكله لاحباب والله احبك واريد ابقه وياك چان يگلي اني ماريدج ولااريد الي بطنج وهسه تسقطي ابمهم ظلينه نتناقش واني كالتالي من نتعارك اطلع بره وما ابين انو احنه متعاركين اظل اضحك واسولف المهم يوم من الايام طلعوا كلهم من البيت وبقيت بس اني وعمي الي هو ابو لزوجي فهو خطيه رجال كبير ومشلول حسيت تعمدو يبقوني حته اسقط الطفل لهناك صاحلي عمو تعالووووو منو هنا تعالو ودوني( للچول،)ههه الصراحه معرفت شنو المعنى وظليت طلعته بلشارع مقبل بس يصيح چول واني اخذته لجوارينهم وهذا يصيح وتالي كالو انو يريد يروح للحمام هههه المهم هذا الوقت كله شايلته وافتر لانو خطيه كلش نحيف وتعبان رحت غسلتله وسبحته ورجعته لمكانه ونسيت روحي حامل لشويه رجع فيصل كلي منو سبح ابويه واخذه للحمام كتله اني گلي اي عفيه اني افتخر بيج بس ماحبج ولاعاجبني طولج هذا الحجي طولي 168
صفنت بوجهه كتله انت عندك هوايه ناس تتشمت بيك ليش تتصرف وياي وكانك تريدهم ينتبهون ويتشمون عافني وطلع
مرت الاشهر على نفس الموال صار عليه 6اشهر كلت خل اروح لاهلي وسوي سونار واشوف شنو وضع البيبي رحت اني وماما وانتظرنه صاحو باسمي دخلت چان تفحصني الدكتوره وشافت النبض مال الطفل وكالت صلوات عندج تؤام الاول ولد والثاني ممبين بس ماشاء الله حلو وضع الاطفال اني كانت الفرحه فرحتين كلت بلكي اذا عرف بيه تؤام يسكت ويغير من طبعه ماصدكت اطلع من يم الدكتوره واروح لزوجي ابشره رجعت للبيت وكتله فيصل ابشرك جاييك تؤام بلطريق بعد3اشهر يشرفون باوعت بعيونه متتصورون كمية الخوف والرعب الي صابتني خزرني وعيونه حمر صارن وظل يدخن وگلي تعالي للمطبخ كتله شتريد كلي تعالي ومعليج دخلت المطبخ گلي سحبي الثلاجه كتله حرام عليك اليتسوي كلي خلص متسحبيه اني حتصرف درت وجهب عليه جان اشوفه لازم بأيده، ،،،،،،،،
يتبع،،،،
