مرام...بصي
flash back
بعد مخلصت مرام وندى العشى وقعدوا يتكلموا شوية على الحجاب اللي هتلبسه ندى واي الحاجات المطلوبة
ندى: سلام يا مرام لازم اروح الوقت اتأخر جدا
مرام: طب متقعدي هنا النهارده
ندى: مش هقدر والله ماما لوحدها في البيت عشان بابا مسافر
مرام: طب استني البس و اوصلك
ندى: مش لازم انا هروح لوحدي
مرام: تؤتؤ انا هوصلك اخاف عليكي لتتعكسي يا جميل
ندى بضحك: ماشي يبكاشه
راحت مرام عشان تلبس وبعد مخلصت
مرام: يلا يا ندى هقول لماما ونمشي
ندى: ماشي يلا
راحت مرام وندى عند ام مرام عشان يقوللها
مرام: ماما... يا ماما
ام مرام: اي يا اخرة صبري
مرام: هروح مع ندى عشان اوصلها
ام مرام: يا بنتي الوقت متأخر اوي قولي لصحبتك خليها تقعد هنا
مرام: باباها مسافر وامها لوحدها في البيت
ام مرام بخوف: يبنتي قلبي مش مطمن خليها ترن على امها وتقولها انا هقعد عند مرام
مرام: متخفيش يا ماما بيت ندى قريب من بيتنا هوصلها واجي
ام مرام بإستسلام: ماشي بس خلي بالك من نفسك
مرام: حاضر
قبلت مرام رأس امها وخرجت هي ومرام
ام مرام: ربنا يحميكي يا بنتي ويوفقك يارب
عند مرام
كانت بتمشي هي وصحبتها وبيتكلموا مع بعض عن موضوعات مختلفه لحد موصلوا لبيت ندى
مرام: سلام بقى
ندى: تعالي اطلعي فوق سَلِّمي على ماما وامشي
مرام:مش هقدر دلوقتي الوقت اتأخر ولازم اروح في يوم تاني أن شاء الله
ندى بتفهم: ماشي بس لازم تيجي وتقعدي معايا انا وماما يوم
مرام: اكيد
مرام: سلام 👋
ندى: سلام 👋
طلعت ندى لشقتهم ومشت مرام وهي راجعه للبيت
وفي طريقها اعترضها تلت شباب
وحصل ما حصل كما ذكرنا فوق
العوده من flash back
بعد ما سمعت ام مرام باللي حكته مرام قامت حضتنها
ام مرام وهي حاضنه مرام: خلاص متخفيش كل حاجه خلصت
يلا قومي نامي عشان وراكي جامعه بكره
مرام: حاضر....... تصبحي على خير
ام مرام: وانتي من اهل الخير
ذهبت مرام عشان تنام
ام مرام بخوف: شكل الحقيقه قربت تنكشف... ربنا يستر
وذهبت للنوم هي كمان
ــعند بطلنا
بعد ما وصل سيف للڤله بتعته دخل ولقي الصدمه
سيف بغضب:اي دا طافين النور الڤله كلها كدا ليه
نورو النور بقا واهلو كلهم جم وبصوت واحد قالو: Happy Birthday to you Saif
سيف ببرود: اي اللي انتوا عملينه دا
خالد بهمس: الله يرحمنا كنا طيبين اوي
جدة سيف(سلوى) بحب: عيد ميلادك النهارده وحبينا نعملك حفل....
قاطعها سيف ببرود: وانا من امتى بحتفل بيه شكلك نسيتي اللي حصل ونسيتي الوعد اللي قطعته على نفسي
سلوى بحزن: انسي يا سيف
سيف بحزن: انسى اي ولا اي انسى إن اهلي ماتوا بسببي وانا معرفتش اعمل حاجه بعد كدا كمل بغضب انسى إن واحد وا*طي قتلهم وحرمني منهم وانا سايبه عايش حر
سلوى بحزن: بس...
سيف: من غير بس مش هحتفل ولموا كل اللي عاملينه دا
سابهم سيف وطلع الجناح بتاعه
سلوى: لحد امتى هتفضل عايش في الماضي يابني
ـ انا مش قلت منعملش حاجه وانتوا اصريتوا استحملوا عواقب عمايلكوا
ـ سمااا اتكلمي مع جدتك بإحترام
سلوى: خلاص يا مصطفى
مصطفى (عم سيف): بس يا ماما
سلوى بتعب: خلاص يا مصطفى بلاش مناهده
مصطفى بطاعه: حاضر يا ماما
سما(اخت سيف): انا رايحه النادي اقابل وعد
مصطفى: رايحه فين دلوقتي انتي مش شايفه الساعه كام
سما: وانتوا من امتى بتهتموا انا خارجه امتى، انا هخرج ومحدش هيقدر يوقفني
سلوى بتعب: سما اطلعي يا بنتي فوق وبكره ابقي روحي قبليها
سما: لا انا لازم اروح دلوقتي ومحدش يدخل في حياتي مفهوم
خرجت سما من الڤله
سلوى بحزن: ربنا يهديكوا انتوا مكنتوش كدا
مصطفى بحزن على حال امه وولاد اخوه: اتغيروا من لما مات محمود ومرته
سلوى بعياط وحزن: ربنا يرحمهم يولدي، طلعني فوق عشان ارتاح
مصطفى: حاضر يا ماما يلا
طلع مصطفى وسلوى فوق عشان سلوى ترتاح
ـــــــــــــــــــــــــــــــــــــــــــــــ
نروح في اوضة بطلنا ونشوفه وهو قاعد على السرير بعد استحمى وغير هدومه، نلقيه شارد وباين على وشه الحزن
سيف بحزن: لي سبتوني ومشيتوا انا تعبت اوي من بعدكم ثم كمل بغضب بس والله لأنتقم من اللي كان السبب في موتكم وتفريقنا عن بعض
فلااش بااك
ابو سيف(محمود): يلا يا سعاد جهزى نفسك بسرعه انتى وسيف عشان مسافرين عشان محضر لسيف مفاجأة بمناسبة عيد ميلاده، هنروح نقضى وقت مع بعض بعيد عن الشغل والارهاق اللى احنا فيه كل يوم
سعاد بفرح: يااه كان نفسى فى الخروجه دى من زمان واكيد سيف هيتبسط قوي فاكر اخر مره سفرنا فيها
محمود: اكيد فاكر ياست البنات لما كان سيف عنده تلات سنين يلا بقا قومى جهزى نفسك انتى وسيف وسما
ام سيف: حاضر رايحه اهو سييف سماااااااا
سيف وكان عمره وقتها تسع سنوات: نعم يا ماما
سما وكان عندها اربع سنين: نعم يا ماما
سعاد: يلا ياحبايب ماما نجهز نفسنا عشان بابا هيدوينا ملاهى وبحر ونغير جوو ونحتفل بعيد ميلاد الامير بتاعنا
سيف بفرح: هيه هيه نا رايح ملاهى وهلعب كتير
سما بعبوس: هو انا مليس عيد ميلاد زي ثيف لي
ضحكت سعاد على عبوس طفلتها البريئه: انتي مش عيد ميلادك فات واحنا احتفلنا بيه
سما: بث انا عاوزة احتفل بيه تاني
سعاد: حاضر السنه الجايه
سما: بث دي بعيده قوي
سعاد: خلاص احتفلي مع اخوكي بعيد ميلاده
سما: بث ثيف مس هيوافق
بصت سعاد لسيف: اي رأيك يا سيف إن سما تحتفل معاك بعيد ميلاك كأن عيد ميلادها
سيف بإبتسامه: اكيد يا ما ما دي سما دي حبيبتي
سما تجري على سيف تحضنه: سما بتحب ثيف قوي
سيف: وسيف بيحب سما جداً
ابتسمت سعاد وقالت في سرها: ربنا يديمكوا لبعض يارب بعد كدا قالت بصوت عالي يلا هنتأخر
اسرع سيف وسما وسعاد اخدتهم وجهزتهم وجهزت هي وراحت لمحمود
سعاد: يلا يا حبيبي جاهزين
محمود: بعد كلمت حبيبي دي انا بقول نلغي الرحله ونقعد في البيت
سعاد بخجل: بطل يا محمود احنا كبرنا على كدا يا راجل
محمود: انا كبرت تمام لكن انتي لسه مزه زي ما انتي
سعاد بخجل اكبر: محمود العيال واقفين بطل بقى
سيف بغمزه: لأ كملوا ولا اكننا موجدين
سعاد بشهقه: انت طفل انت اي الكلام دا
بص محمود لسيف بفخر وقال: تربيتي يا ناس
سعاد بنفاذ صبر: يلااا عشان منتأخرش
محمود: تمام يلا
وخرجوا وركبوا العربيه ومحمود بيسوق وجمبيه سعاد ومن ورا سيف وسما
وصلوا للملاهي وفضلوا يلعبوا العاب كتيرة ويتصوروا
وهناك سيف قابل بنوته جميله واتعرف عليها هو وسما وبقوا صحاب بس سيف اتعلق فيها قوي مكنش راضى يمشى ويسيبها
سيف: ياماما انا مش عايز اروح خلينا هنا كمان كام يوم ياماما معلش ياماما
سعاد: مش هينفع ياسيف عشان شغل بابا يبقى نيجى تانى ونقعد كتير اوى ياعمرى اوكى..!
سيف بزعل: اوكى ياماما
