شظايا الرصاص

إعلان 🦅

#شظايا الرصاص

بقلم : فاطمة عصام

•➺ •➺ •➺ •➺ •➺ •➺

المشهد "1"
*******************
قررت انهزم مُستحيل اخليهم يحبسوني قبل لا اخذ انتقامي منه واذله مذله الچلاب اخلي يتوسل بيه اندمه على الساعه الي فكر بيها يسوي هيج وياي انا مو بسهوله اتخلى راح يشوف بعيونه شنو راح اسوي

طلعت جنطه چتف خليت بيها لبسه وحده ومسمسكاتي وجان عندي چم فلس هم خليتهم حضرتهن وكعدت انتضر تصير دنيا ليل علمود انهزم بقيت بغرفتي مطلعت لحد ما صارت دنيا ليل تجهزت ولبست الجنطه

قبل لا اطلع التفت باوعت على الغرفه نضره اخيره ، خليت ايدي على يده الباب وفتحتها كمت امشي بحذر البيت مبين فارغ لان مابي صوت نزلت من الدرج وايگت على الصاله فارغة يعني مموجود بسرعه رحت للمطبخ طلعت من الباب الخلفي فتحتها مديت راسي وايگت الحراس ماكو اي هاي فرصتي خلي انهزم

طلعت منها الباب تطلع على بستان وبعدها يله اطلع على الشارع العام امشي واتلفت اخاف اگو حارس النوب انلزم ويطيح حضي مشيت مسافة صغيرة ، وانا امشي فزيت من سمعت صوت ورايه واحد يصيح

_ لكم انهزمتتت امشو بسرعه لحكوها