#شظايا الرصاص
بقلم : فاطمة عصام
البارت _2
هلي كل الضيم العَلي منكم
هاي لو بيدي ابتعد عنگم
تقدمت يم الصاله صرت اسمع ونين يجي منها زادت رجفتي وخوفي تقربت منها بتردد اشوف شكو خليت ايدي على يده الباب بتردد فتحتها وياليتني مافتحتها ياليتني متت من الخوف ولا فكرت انزل جوه شهگت من المنظر الشفته گدامي وبقيت جامدة بمكاني
ابويه صاير فوك امي ولازمها من رگبتها يخنگ بيها وهي ترفس جواه جمدت بمكاني من المنظر بحياتي مراح انسى شلون تباوع عليه تحاول تبعده عنها بَس هو لازمها حيل وجها ازرگ جني الي ستوعبت رحت على ابويه بسرعه اجر بي من التيشيرت اريده يعوفها اصيح وابجي
أُمامة :- بابا عوفهاااااااا حبااابببب راح تموتتتت عوفهااا
دفعني من عنده بقوة وگعت بالگاع رفعت راسي شفته بعد عندها وهو يلهث بَس امي مغمضه عيونها واگعه على القنفه مثل الميته گمت بسرعه عليها احرگ بيها لا ايد ولا رجل متتحرك دموعي صارت تنزل بغزاره اعيط اصيح اريدها تگوم اتوسل بيها تگوم ومتعوفني بَس هيَ هاهيه ماتت
أُمامة :- مامااااا گعديييي لتعوفيني الله عليچ گوميييي
فزيت على صوت خاله سكينة گعدت الهث باوعت عليها ودموعي گامت تنزل گالت بخوف
سكينة :- اسم الله عليچ شبيچ يمه
حسيت بشي بارد ينزل على شفتي تلمست مكانها باوعت على ايدي دم
سكينة :- أُمامة خشمج جاي ينزف امي انتِ شبيچ ، گومي غسلي گومي
گومتني وياها وانا ابجي غسلت راحت جابت الي ثلج خليه على خشمي ورجعت تمددت
سكينة :- خوفتيني عليچ جنتي تحجين بنومچ كلامچ كله ممفهوم
مسحت دموعي وگلت
أُمامة :- جنت احلم بامي نفس هذاك اليوم المشئوم خاله مجاي اگدر انسى منظرها گدامي شلون جانت تباوع عليه
گلت هيج ودخلت بنوبه بجي بعد مگدرت احجي شي هي صارت تمسح بدموعي وتقره قران على راسي بعد شويه هدأت مسحت على شعري بحنيه وگالت
سكينة :- يله حبيبتي راح تتأخرين على الامتحان گومي بدلي هم يله
هزيت راسي بقبول وگلت
أُمامة :- خوش هسه ابدل وانزل
عافتني وطلعت گمت بدلت مشطت شعري وضفرته اخذت جنطتي ونزلت شفتهم جاي يتركون گلت بضوجه
أُمامة :- صيح السايق اريد اروح
حربي :- اگعدي تريكي هسه بعد وكت
أُمامة :- ماريد اروح أتأخر على الامتحان صيح السايق عاد
هز راسه بقبول وصاحه وصاه عليه وطلعنا طول الطريق وانا دموعي مبطلت وانا من اتذكر امي اليوم الي گتلها بي اخذ روحي وياها وانا اشوفها ترفس جواه تتوسل بنضراتها يعوفها بَس هو جان فاقد مثل المخبل ، طلعت من صفنتي على صوت السايق
أنت تقرأ
شظايا الرصاص
Acciónقررت انهزم مُستحيل اخليهم يحبسوني قبل لا اخذ انتقامي منه واذله مذله الچلاب اخلي يتوسل بيه اندمه على الساعه الي فكر بيها يسوي هيج وياي انا مو بسهوله اتخلى راح يشوف بعيونه شنو راح اسوي طلعت جنطه چتف خليت بيها لبسه وحده ومسمسكاتي وجان عندي چم فلس هم خ...
