شظايا الرصاص

البارت 27

#شظايا الرصاص

بقلم : فاطمة عصام
البارت 27

~•~•~•~•~•~•~•~•~•~•~•~•~•~•~•~•~•~•~

"الرِصاص"

طلعت ركض دربي ما اشوفة صوتها يرن بأذني وهي تستنجد بية ونبرتها الي ترجف مادري شلون صعدت بالسيارة وانطلق بأقصة سرعة للبيت ممهتم للولد وهم يصيحون رفعت تلفوني اتصل النوب بيها وهم يدك ومشيلة

گلت وحيلي مهدود

الرِصاص :- دخيلك ربي لا تلوعني بيها كلشي الا أُمامة

وصلت للبيت صفيت السيارة ونزلت اركض اليجوة فتت للغرفة بسرعة وكفت بمكاني مصدم من شفتها واكعة بالگاع مغمى عليها

الرِصاص :- أُمامةة

سمعت صوت الولد يصيحون علية صحت عليهم

الرِصاص :- واحد يجيب مي بسرعةة

شلتها خليتها على الجرباية اخذت المي من ذو الفَقار وصرت ارشة عليها بلكي تصحصح شوية فزت من خليته بوجهة فتحت عيونها بوسع بالگوة تجر النفس

گلت بقلق

الرِصاص :- انتِ زينة باعي علية

جريت وجهة اباوع عليها اريدها تستوعب وهي صافنة ممستوعبة اصلا شوية وصارت تفر براسها

الرِصاص :- شبيچ عيوني باعيلي

فريت راسها علية ثبتة اباوع بعيونها رمشت مرتين وبعدها باوعتلي جنها استوعبت فورا جرتني حضنتني مثل الوحدة الخايفة احد يعوفها حضنتها بقوة امسح على شعرها واحجي

الرِصاص :- هياتني جيت يعمري

سمعت صوت شهگاتها

أُمامة :- رائف ردت اموت من الخوف بعد لا تعوفني وحدي هنا اموت والله

الرِصاص :- اسم الله عيوني انتِ شو باوعيلي

بعد راسي من حضنة يمسح بدموعي ويحجي

الرِصاص :- سولفيلي شصار احجي

هزيت راسي بقبول وبديت احجيلة وانا اشهك

أُمامة :- جنت امشط بالغرفة سمعت صوت طبة جاية من برة گلت اكيد احد الجيران او بالشارع جهال بعدين باوعت على المراية وشفت خيال من الشباك واحد يمشي ورة البيت التفت فورا ورحت اشوف اذا اكو احد بس فجأة اختفة