أين حياتي

بارت 3

اين حياتي

حسن وصل على السطح و هبه طلعت  وراه
هبه: مالك بقى يا حبيبى في اى
حسن: ولله ياروحي انا بس كنت
هبه: مالك يا حسن فى اى
حسن: كنت مخنوقه ولله متخانق مع ابويا و محتاج فلوس و مش عايز يدينى
هبه: طيب ما تشتغل
حسن: ازاي و الدراسه مش هعرف انا متفرغ للدراسه بس و كمان المدرسين محتاجين حق الحصص بتعتهم مش عارف اجبها منين حاول اخلى بابا يدينى الفلوس
هبه: طيب يا حبيبى استنى هنزل اجيب حاجه من تحت و اطلع
حسن: هتجيبى اى
هبه: هجبلنا اى حاجه نشربها
حسن: مليش نفس
هبه: لا هنزل اعمل اى حاجه نشربها و اطلع
حسن: طيب متتاخريش
هبه: حاضر
هبه عملت الشاى و طالعه حسن كان بيتكلم في الفون
هبه: اى يا حسن بتكلم مين
حسن: لا ياروحي دا واحد صحبى
هبه: طيب خد الفلوس دى خليها معاك دلوقتي
حسن: انتى بتقولى اى لا طبعاً مش هاخد منك حاجه المفروض انا اللي اديك مش اخد منك
هبه: عادي ما احنا واحد و يا عم وقت ما يكون معاك فلوس ابقى رجعهم ماشي
حسن: ربنا يخليكي ليا ياقلبي مش عارف لولاكى كنت هعمل اى بجد
هبه: ولا اى حاجه يا حبيبى عادي احنا واحد
حسن: طيب انا همشى و كمان عشان انتي تنامى عشان الشغل
هبه: طيب
«عند عزه»
عزه في الفون: انت حيوان و حقير أنا مستحيل اكمل معاك
خطبها: طيب اسمعينى طب
عزه: من غير ولا كلمه و من غير سلام كمان و دهبك انا هبعتهاك على بيتكم و مش عايزة اشوفك اصلا. تيت تيت تيت تيت
عزه بعيط و يتكلم نفسها انا مش عارفه انا عملت اى عشان يحصل كل دا ليا حسبي الله ونعم الوكيل فيه و فى اهله حسبي الله فى كل لحظه قضتها معاها في كدب و اهمال و خيانه وانا مستحمله بخله و قرف اهله حسبي الله ونعم الوكيل.
تاني يوم في المحل تدخل هبه تلاقى عزه بتعيط
هبه: مالك يابت في اى
المدام: اهى كدا من ساعت ما جت قولى ل صحبتك حاجه عشان كدا مينفعش دى تطفش الزباين يا ماما
لو هتفضل كدا تسيب الشغل و تمشى احسن
هبه: لا لا انا هكلمها و هى هطبتل دلوقتي
المدام: ياريت تعقليها بقى
هبه: حاضر والله. و انتى يا عزه قومى اغسلى وشك و تعالى يلا
عزه: حاضر
ههبه في نفسها ملها البت دى دى حتى فرفوشه و بتحب الضحك تعيط ليه.
هبه: مالك بقي يا سيتى في اى مين مزعل المزه بتعتى
عزه: خطيبى او اللى كان خط........
زبونه: لو سمحتوا في دريس طالع موضه مفتوح من الجمب و من عند الصدر و الكتاف
عزه: لا حضرتك العنوان غلط دا محل ملابس مش محل لانجيرى هههههههه
هبه و هى بتحط ايدها على بوقها و يتضحك
الزبونه: لانجيرى اى انا بقول دريس خروج شكلكم ناس لوكل و بيئه متفهموش في الموضه باى
هبه: نينينينينينينينينيني
عزه: ههههههههههههه دى شكلها وليه مجنونه
هبه: ههههههههه. قولى بقى ماله خطيبك
عزه: لا بعد ازنك مبقتش خطيبي انا سبته
هبه: ليه اى حصل
عزه: بصى يا ستى من الاول خالص كدا هو بخيل اوى بس انا كنت بحبه عشان كدا كنت مستحمله
هبه: امممم و بعدين
عزه: و اهله بقى اجارك الله ناس معندهاش دم خالص يعني مثلا مش بيطقونى و رمضان اللى فات عزمناهم على الفطار مكنش عجبهم الفطار و يقولوا ازاي عاملين فراخ و لحمه بس فين البط و الحمام،  و هما اصلا من ساعت ما اتخطبنا معزموماش حتى عشان نشرب عصير عندهم و احنا بقلنا سنتين مخطوبين وانا اقول معلش استحملى
هبه: طيب و انتى سكتلهم
عزه: لا طبعا انتى تعرفى عنى كدا
هبه: لا ما عشان كدا بسال
عزه: روحت لما لقيت  شمس بيقولي كدا الدم جرى في عروقى و رحتلهم البيت و قولتلهم هو اكل و بحلقه مش كفايه اننا طفحناكم و كمان بتتنكوا علينا وانت ناس معفنه و بخيله دا انا مستحمله شمس بالعافيه  دا انتوا محدش يطقم و خلعت الدبله و رمتها في وش شمس
هبه: ازاي و انتى لحد امبارح لبساها
عزه: ممكن متقطعنيش في الكلام انا جايه في الكلام لوحدي.
و مشت و سبتهم بقى و عملتله بلوك من على كل حاجه تخصه او ممكن ييوصلى منها قعد يكلمنى من ارقام ناس غريبه و من عند صحابه و جالى هنا و قعد يعيط و بقولى والله هتغير علشانك و كدا و سمحته و رجعت بس بقى ياستي بعد فتره لقيته متغير قولت ارقبه
هبه: ازاى؟!
عزه: مش قولتلك متقطعنيش
هبه: حاضر حاضر
عزه: ابن اخويا بيفهم في الهكر هو قدك كدا في 3 ثانوى بس صنايع الفرق بيني و بينه مش كبير سنتين بس المهم قولتله يهكرلى الفون بتاعه على الفون بتاعى عشان اعرف هو بيعمل اى و يالهوي على اللى شوفته كمية بنات عنده متتعدش و بيكلم بنات باوسخ الكلام و بيخونه الخاين الحيوان النسونجى بعد ما استحملته هو و اهله و وافقت ارجعله الواطي  و بس كدا
هبه: بس انتي من الاول مدام عارفه انه بخيل مكنتش توافقى عليه لان دا كان هيتعبك اوى بعد ما تتجوزه و كويس انك سبتيه بكره يجيلك اللى احسن منه و يقدرك
عزه: انا لسه هستنى انا هشوف اى مز كدا و يكون غنى و اتجوزه
هبه: و دا هتلقيه فين في البخت
عزه: مش عارفه بقى هبقى اشوف  ههههههه
هبه: هههههههه
عزه: قوليلي صح منين المز اللى كان بيوصلك من كام يوم دا انتوا مرتبطين صح
هبه: ايوا بصراحه
عزه: اشطا و هيجى يتقدملك امتى
هبه: هو قالى اول سنه ليه في الكليه بس انا مش هوافق غير لما بابا يعمل العمليه و يقوم بالسلامه
عزه: ربنا يتمملك على خير
هبه: المهم انا مش عيزاكى تزعلى على شمس هو ميستهلكيش ولله
عزه: لا يابنتي خلاص والله انا نسيته
هبه: امال كنتى بتعيطى ليه
عزه: اصل انا لسه جايبه مسكره وتر بروف كنت بشوفها هتسيح ولا ولا
هبه: يا هبله
عزه: انا اعيط على واحد زى دا انا اعيط بجد لو المسكره طلعت بتسيح و هروح اجيب مصرين الراجل دول 45 جنيه
هبه: ههههههه وربنا هبله
عزه: هههههههه لا بقى نقوم نشوف الشغل لحسن المدام هتنفخنا
هبه: يلا
و عدى الاسبوع و جه يوم الاجازه
«عند ابو هبه في المستشفى»
الدكتور: متقلقيش من اى حاجه الحاله مستقره جدا الحمدلله
هبه: الحمدلله. انا هدخل اخد اخويا بقى عشان نمشى
هبه: عبدالله يلا بقى
عبدالله: ماشي جاي
هبه: ادينى و ديتك ل بابا زى ما طلب توعدنى بقى انك تطلع من الاوئل في المدرسه
عبدالله: اوعدك والله انا بحبك اوى يا ماما
هبه: وانا بموت فيك ياقلب ماما،  فاكر انت كان نفسك فى اى
عبدالله: اممممم لا مش فاكر
هبه: هبه طيب انا فاكره كان نفسك فى كنافه بالمانجه و كوتش احمر صح
عبدالله: هتجبهوملى بجد
هبه: اه هجبهملك ياروحي يلا بقى عشان نروح نجبهم
عبدالله بفرح:  يلا
و راحه اشتروا الحاجات اللى عيزنها و هما في الطريق بيرن حسن على على هبه
هبه: الو
حسن: الو عامله اى ياروحي
هبه: الحمدلله مكلمتنيش يعنى انهارده
حسن: مخنوق والله و محتاج 500 جنيه منك
هبه: المبلغ دا كبير اوى و هيقصر معايا بقيت الشهر
حسن: معلش ياروحي هدهملك اول لما يكون معايا فلوس بس اهم حاجه تتصرفى
هبه: تعالى تحت البيت هحدفهملك

فكره: عبد الرحمن محمد الطيب♥
كتابة: حبيبه عيد ابو العنين ♥