يا صبر ايوب
على ناس بتحدف بعضها بالطوب
يا صبر ايوب
على فرصه جت للعاصي يتوب
يا صبر ايوب
على دنيا باهلها مليانه ذنوب
يا صبر ايوب
دي دنيا فيها الغالب والمغلوب
يا صبر يا مفتاح الفرج
صبرنا وبصبرنا ضاع الحرج
صبرنا وبعد صبرنا ايه طيب؟
ده اللي بيجري كتير فعمرنا يشيب
والناس بقت ماشيه على بعضها تعيب !
كان العيب كده منهم اتمسح
وكل اللي بيعملوا ده صح !
فاكرين انهم ورا الخير ماشيين
لكنهم ورا الشر برجلهم رايحين
عامياهم المظاهر
وماسكين في ظواهر
ناسين جوه القلوب
وكمان كل الذنوب
أه يا صبر ايوب!!!
By: Amany Tourky
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
وهالمشاركه من الصديقه اماني اسعدني تواجدك بيننا♥
