SET YOU FREE

01.

Naa ko sa teresa sa akong kwarto, naglingkod dala ug cellphone tapos nagpa sound trip. Laay gyud ning bakasyon na ta oy, wala sab nanghagad akong mga amiga ug laag. Salig kay nakauyab lang, gikalimtan nako nila. Ambot lang gyud, nilantaw ko sa view sa ubos. Habog man ang terrace sa akong kwarto so makit an gyud ug nimo ang full view sa among balay apil na ang gawas sa gate.

Daghan jamo ug tanom si Mama palibot sa among balay, murag halos na mahimong garden. Puro mga nagklase klaseng mga buwak nalang ang itanom niya, naay mamuwak naa say dili. Sala gyud nis pandemic, na plant tita na nuon ang akong Mama. Pero on the other hand, nagdala sab ug kapiskay ang iyang mga buwak sa among palibot. Fresh na kaayo ug hangin, tas nindot kaayo lantawon labi na sa terrace sa akong kwarto.

Samtang nagpatugtog ko sa speaker, nibagting ug kalit ang akong messenger. Sa wakas naa nay nagchat, murag dugay dugay nasab walay bagting bagting ning akong messenger ba. Ako dayon giopen ug gibasa, basin diay maayohon.

Pag open nako sa chats, pastilan ang gc ra man diay namong mag-amiga. So, nakahunag-huna na ni sila ug chat sa among gc ron? Sukad adtong nagclosing na ang klase, naminghoy gyud ang among gc. Salig kay naa nay mga ka bbtime dili na mochat sa gc.

gc ka soho

ria singkit: @everyone hoy mga pang8!
ae di krinushback: gwapa ko
lei m4p4gm4hal: (2)
raven lowkey: (3)
irish da gold: sabaa ninyo uy

Active ang mga kurimaw, himala! I typed a reply.

unbothered krys: i shut up nalang ang mouth @ria singkit, salig kay singkit maong gwapa

Kani diay sila akong mga best friends, kung ka bantay mo sa among mga nickname gipang dogshow rana nila. Gwapa man untag mga pangalan, pero ginadogshow jud. Baw ana nila, bisag unsa nalay mga trip sa kinabuhi.

ria singkit: nawng sa gwapa daw bi @ae di kirinushback, mao bitawng waka gi crushback sa imong aydol kay dili daw ka gwapa 😁
lei m4p4gm4hal: ayay ae
raven lowkey: buang jud ka ria, mohilak gani nas ae
irish da gold: ali dri ae, peykprend jud nas ria

Ga sige nag bagting ang akong messenger, gisabaan ko maong akong gisilent akong phone dayon nag type kog reply.

unbothered krys: kung ako yan di kita gaganyanin ae
ae di krinushback: blank chat anu yan @ria singkit
lei m4p4gm4hal: ok rana ae, part ranas kinabuhi
ria singkit: blank chat nalang kay nahurtings man @ae di krinushback
irish da gold: unsaon sab pag crushback niya nga wala man sya mi confess hays
ria singkit: ay wala?? weaksht man dayka @ae di krinushback
raven da lowkey: galaw2 baka maunahan @ae
ae di krinushback: keber
unbothered krys: sabaa ninyu oy, brb

Galabad akong ulo sa ilang bardagulan, maypag mag offline mangita sa kog nindot nga playlist kay dili na nako bet ang song na currently playing. Ga scroll lang kos akong spotify, hantod sa na end up rako sa playlist ni Taylor Swift. Ako dayon giplay kay shada man sab ang mga songs puros favorite sab nako.

Ga open sab ko sa akong ubang sns, boring naman kaayo sa Facebook sige oy. Nakadecide kog icheck akong Instagram basin naay update akong mga korean bf ba. Samtang ga scroll scroll ko sa ig feeds nakadungog kog naay niabot na sakyanan. So nagdali dali kog butang sa akong phone dayon gitan aw ug kinsa ang niabot. Basin ug sa amoa modung ba, pero wala man sab nag ingon si Mama na naay bisita siya karon.

Gilantaw nako sa terrace since maklaro raman ang kalsada ug ang among gate. Kaabi nako ug sa among gate nihunong pero sa atbang gate man – sa among silingan nihunong. Black nga Honda civic, dili nako familiar ang sakyanan. Pero basin ang anak ni nila Lola Dolores ug Lolo Alejandro – si Ante Clara ug ang iyang bana, gapuyo man gud sila sa City pero tigbakasyon sila diria.

Nitindog nako sa terrace, just to keep glancing kung kinsa ang monaog sa sakyanan. Taod taod minaog ang driver, he turned around ug nidulong sa compartment maybe to get things. I just shrugged basin business partner ra nila. Padulong na unta ko mobalik ug lingkod aron mapagdayon ug scroll sa akong ig feeds but the passenger seat na side suddenly opened. Nigawas ang usa ka lalaki, he was running his hands on his hair. Nibuhaghag iyang black na buhok.

Just keep on keeping your eyes on me
It’s just wrong enough to make it feel right

The guy probably on his college, bata pa siya tan awon. Taason siya, pution tas dili sad siya niwang, dili sad tambok. Sakto ra gyud siya – sakto ra paras akoa.

Naka cargo shorts and a plain white polo na naka rolled up ang sleeves. Klaro sab na naay pila ka butones na naka unbuttoned. He was wearing a shades and I noticed na naka airpods sad siya. Mailhan gyud nimo nga rich kid and I will be lying if dili ko moingon na di sya gwapo.

Kay hala day shet kaayo, KA GWAPO BA! Mura siyag katong naa sa mga fictional characters sa books. Lord, mao na ba ni ang paras akoa?

I’m captivated by you, baby
Like a fireworks show

I am not familiar with him jud, never pa ni nako nakita iyang dagway diri. The driver got his luggage from the compartment. Wait? A luggage? So probably he’s a bakasyonista. Kang kinsa kaha ning anak? Nganong ila Lola Dolores man siya mosaka? Basin ug apo ni siyang Lola Dolor.

Dili jud nako makuha nga dili motutok sa iyaha, gwapo jud kaayo siya! Pisti, makalaglag panty ang ka gwapo! LORD, IHATAG NA NI SA AKOA. YES, I DO AGAD.

Iyang gikuha ang shades nga iyang gisuot ug shet, confirmed na confirmed najud kaayo nga gwapo siya. Medyo singkit siya ug mata, naa pay ilong nga taas wow attractive gyud kaayo. LORD TAO PA BA NI AKONG NAKIT-AN?

Nakit an nako nga galingi lingi siya sa palibot. Probably surveying the place, surveyer ka pala kuya? Nisiga ang akong mata sa dihang kadugayan niyang tan aw sa palibot, nakit-an ko niya nga gatan aw sa iyaha sa among terrace. Pastilan, Gadali-dali ko ug lingkod sa lingkuranan ug gikuha ang akong cellphone. Kauwaw nalang gyud oy! Nasakpan pajud ko nga nag tan-aw sa iyaha.

Naghinay hinay kog dungaw balik kay ako untang lantawon siyag balik pero iyang likod nalang akong nakit an, kay padung na siya mosulod sa gate nila. Ah grabe, pati iyang likod gwapo kaayo tan awon.

Kagwapo ba gud adto niya oy, LORD, ETO NA BA ANG SIGN? NASA SILINGAN NA BA ANG TRUE LOVE?

p.s. stream speak now tv mwa <3