SET YOU FREE

02.

Nilabay ang pila ka adlaw sukad nakit an nako tung lalaki na niabot ilahang Lola Dolor. Wala ra sab koy interest na maka-ila ila adto niya, basin gani ug nibalik nato ug wala na ila Lola Dolor. Wala man sab ko nakakita niya nigawas gikan sa balay nila.

As usual laay gyapon akong adlaw kay wala man yamoy manghagad ug laag. Akong mga amiga, wala nakoy paglaom na manghagad pa sila ug laag sa akoa. Dia kos kwarto nanghinlo, akong gi arranged akong bookshelves ug gipaphaan kay daghan na jamo ug abog.

Ako sad gitrapohan ang samin sa akoang kwarto ky galamalama na, dili na maklaro akong nawong ug manamin ko. Sa dihang nahuman nako ug panarapo ako na untang iuli ang akong gigamit na trapo, naglakaw ko sa hagdanan padung sa kusina sa kalit misinggit si Mama gikan sa kusina.

“Ai!” tawag ni Mama sa akoa.
“Oh! Ngano man, Ma?” nagdali dali kog naog kay lisod nag malaparuhan nasab ta.

Nisulod dayon ko sa kusina, ug nakit an nakos mama naas kitchen counter galuto man ata ni sya.

“Ihatod pa gud ring sud an ilang Lola Dolor oh! Daghan man kaayo kog giluto na caldereta ba, ihilas ko ring uban nila.” hangyo niyas akoa.

“Oh sige ma, isulod nag tupperware kay akong ihatod.” pagsugot nakos iyaha.

Samtang gasulod pa si Mama sa caldereta nga ihilas namo ilang Lola Dolor, nibalik ko sa akong kwarto aron mag ilis kay basa gyud akong sinina kay nanghinlo biya ko gikan. Nangita rakog sinina nga oversized aron dili nako mag-bra pa, akong gipares ang white na short. Unya akong gipangko ang akong buhok aron dili pud samok. Paghuman ninaog nako kay akong ihatod natong sud an.

Gihatag dayon ni Mama ang tupperware na naay sulod caldereta sa akoa.

“Ihatod na adto ilang Lola Dolor ha.” nitango rakos iyaha.

Niditso dayon kos gawas, akong giabrihan ang gate ug nilabang sa kalsada paingon sa pikas kalsada ug naabot na ko sa gate nila Lola Dolor. Akong gituplok ilang doorbell ug gahuwat ug naay moabri.

Gaduko rako ug akong gilingaw akong kaugalingon sa akong tiil samtang wala pay niabri. Pila pud ka minutes ayha ko nakadungog na niabri na ang gate. Nibalikwas ko sa pagduko ug mo greet na unta ni Lola.

“Lola –“ naputol akong storya tungod kay lahi man ang niabri sa gate, dili man si Lola.

Kadto mang lalaki nga nakit an nakos terrace, kadtong gwapo. Ug gwapo siya sa layo tan awon, mas gwapo jud siya sa duol. As what I say pution siya, singkiton ug mata, taas ug ilong, hamis kaayog nawong lupig pay tig advertise sa Ponds, wala gyuy pores nga makit an nimo sa iyahang nawong ug higit jud sa lahat naa siyay red na kissable lips. Klaro kaayong rich kid lakiha, gukdonon man sab nig bae pormaha.

Naka simple ra sya na pambahay nga suot karon, pero attractive jud gyapon kaayo siya. Gitutokan ko niya nga murag gistudyhan, wala siya ni smile ug mailhan gyud nimo nga cold sya nga type nga pagkatawo. DEFINITELY MY TYPE, GAIGAT NASAB IMONG AGI, AI.

My internal self screaming, gikulbaan sab ko nga ambot. Gatinutokay ra mi, ug kabantay ko na natulala na diay ko so mao tong I cleared my throat kay mura man ug wala siyay plano mostorya. Na awkward ko sa iyang mga tutok sa akoa, basin unyag wala siya kalimot atong gilantaw nako siyas terrace ba. Pagkaulaw nalang gyud.

“E-ehem, u-uhm naa si Lola Dolor?” pisti uy, gikulbaan ko. Ingani gyud diay ni, basta gwapo imong kaatubang makulbaan ka.

“What do you need sa akong Lola?” his baritone voice almost sounds to my ears. Wow, conyo si angkol. And wait? He said ‘akong Lola’ so basically apo ni siya ni Lola Dolor.

Bai, iyang tingog! Hesos, kung unsa ka gwapo iyang nawong mao sab ka gwapo iyang tingog. Naa pay accent na maka turn on, giatay sab ni. Makasimp man ko niyag wala sa oras oy.