مرت الايام و شما تفكر ف كلام حارب صح ماقاللها كلام وايد بس نظراته صوته و طريقة كلامه توضح انه صدق يحبها و يباها بالحلال
و حارب كلم ابوه و امه و امه رافضه بس ابوه موافق و اليوم و اخيرا خطبتهم
تسريع الاحداث تكشخت شما و كانت شق كانت وايدد حلوه جمالها يتعدى حدود الجمال
و حارب بعد كان وايد حلو
دشت فاطمه(ام حارب) و علي(بوحارب) و حارب البيت دشو علي(بوحارب) و حارب ميلس الرياييل و يلسو ويا حمدان(بوخلفان) و خلفان و تمو يسولفون
علي(بوحارب):يا حمدان انت اخوي و قريب مني و مافي حد اقرب منك لي و احينه ابا اطلب القرب منكم اكثر و اخلي عيالنا اقرب من بعض ابا بنتك شما لولدي حارب و انت ادرا ف حارب هو ف حسبة ولدك و تعرف اخلاقه و تربيتي له
حمدان(بوخلفان):ونعم فيكم و نحن بعد شارين ولدكم و مابلقى احسن من ولدي حارب لبنتي شما بس الشور مب عندي الشور عن البنيه
بوحارب:اخوي حمدان خل عنك تعرف انه حارب شاريها و يبا البنت و اكيد البنت موافقه
بوخلفان بضحك:هههه هيه والله هالجيل
و ضحكو كلهم
و عقب فتره
دشت شما و هي ماسكه صينية العصير و هي ترتجف من التوتر و منزله راسها
طلع بوحارب و بوخلفان و تمو خلفان و حارب و شما ف الميلس
حطت شما الصينيه ع الطاوله و يلست حذال خلفان و زين مادشت ف اخلاقه
خلفان:ايه انتي بلاج داشه فيني اونه مستحيه اقولك ولد العم ترا مابتلقى وحده دفشه كثرها من الحين اقولك و مادري ليش خلوني عندكم برايكم سولفو و سوو الي تبونه بتم ع فوني انا
حارب:يعني تفضل في اخ يقول جي
شما:مالت جفت كيف و انتا المفروض تمدحني جدامه
خلفان:تراه يعرفج و يعرف طبايعج و سوالفج شحقه امدحج بعد
شما:بعد صح
قام خلفان و سار الحمام
حارب:شما
شما و هي مستحيه و منزله راسها:هلا
حارب:والله انج احلا و اجمل شخص جفته فحياتي تراني بالغصب ماسك نفسي لنه باقي نقطه و اطيح
شما ضحكت لا شعوريا و هي تقول:ههه ليش اطيح
حارب:من جمالج الي مب طبيعي(و قال فخاطره فديت هالضحكه و راعيتها)
و كان حارب ميت من الشوق بس يبا يحضنها يباها خلاص يباها احينن قبل باجر يحبها يعشقها وايدد
شما:و انا موافقه
حارب:هاا صدق شما قرصي ايدي مب مصدق انا ف حلم ولا علم
أنت تقرأ
حب قاتل!
Mystery / Thrillerهو جدامي؟ ولا وراي؟ ولا بين الجدران؟ ليش يالس يصير وياي كل هذا انا مب مينونهه ليش يتحروني جذابه و مينوهه!! كان حب نظراته عميقهه و اختفى بلمحة بصر
