بسم الله
أنت بالذات
لآمن غبت .../ تشغلني"
وغيرك إذا غآب
قلت {الله يسهل عليه }
.............................
كانو كلهم ف الصاله بس البنات يسولفون بروحهم و الشباب بروحهم و الحريم بروحهن و بوحارب و بوخلفان يسولفون بروحهم
فجأه دش شخص ماتوقعو حظوره ابد....
قامت مها:انتي كيف ييتي
شما:ييت و خلاص بس لازم اكون موجوده و ابارك حق عمي و حرمته و ولد عمي
سارت صوب عمها و باست راسه و سلمت عليه و سارت سلمت ع حرمة عمها يلسو مها و شما و امنه بروحهم ع صوب و ام حارب تطالع شما بنظرات جنها تقول جفتي كيف انج مب حلوه و انه ولدي احسن عنج و جي يعني كانت نظراتها خايسهه
شما فخاطرها:هه عساس بتأثر فيني نظراتها ولا بتضايق خل تسوي الي تباه مب هامني
امنه:كيف جي طلعتي و محد يا وقع ولا شي
شما:دبرت اموري بنفسي بس خلاص بخير انا الحمدلله
مها:انتي بخير؟
شما:هيه بلاج بخير.. تعالو الحجره بقولكم شي
قامو و استأذنو و امنه ودتهم حجرة صقر(حجرة صقر حذال حجرة حارب)
يلسو ع الشبريه
شما:سمعو بنات انا اعرف انكم بتشفقون او بتقولون اكيد للحين ماتخطت حارب و ماعرف شو بس ابشركم اني بخير و حياتي مابتوقف ع اي حد دام ربي وياي و ما انكر اني حسيت بضيق شوي بس خلاص ما اروم اغير شي و الطيور ع اشكالها تقع مع احترامي لج امونتي المهم انه لا تفتحون موضوعي انا و حارب مرت شهور و حارب تزوج و ف النهايه هو ولد عمي و خلاص هو اخويه بعد و بس و مابا حد يشفق علي ولا شي انا قويه و اعرف اني اقوى مع ربي
امنه:والله اني مافكرت وايد لني اعرف انج قويه
ابتسمت شما ابتسامه خفيفه و طلعو من الحجره بس سمعو شي يطيح ف حجرة حارب
شما بهمس:غريبه ها بعده ف حجرته مب المفروض يكون ويا شيخه
مها بهمس:هيه صح كلام شما
امنه بصوت خفيف:هيه والله المفروض ويت بدش
مها:بندش وياج
شما:يالملقوفه شويخصج انتي
امنه:ترا اخوكم و تراكم محتشمات و متسترات و لابسين شيلكم عادي دشو
شما:لا لا مابدش بسير الميلس اكيد هناك عصاير و اكل و جي
سارت شما و مها و امنه دشو حجرة حارب
لفت شيخه و يوم جافت مها قالت:عنبوه جني سمعت صوت اختج شو هاي قطو بو سبع ارواح شو يايبنها هني
أنت تقرأ
حب قاتل!
Mystery / Thrillerهو جدامي؟ ولا وراي؟ ولا بين الجدران؟ ليش يالس يصير وياي كل هذا انا مب مينونهه ليش يتحروني جذابه و مينوهه!! كان حب نظراته عميقهه و اختفى بلمحة بصر
