ترعرعت بمكان ما، في يوماً ما
بمحافظه كانت افرعها تملئها
حكايات الناس، ولكن يوجد
مفرق الاحبه و كاره المودهِ
" داعـــش"
- بيدي: طـــيف الـ؏ـلي ♡
#اجـحـاف _البـائــد
#طـــيف _الـ؏ـلي
3422 فقره من الجُحف
° ° ° ° ° ° ° ° ° °
حياتنه هادئه و طبيعيه نمارس روتين معتاد عليه
عدنه شبه قانون، كل جمعه عمامنه يلتمون يمنه وره الغده يلا يروحون و بيبي ام ابويه تعيش ويانه لان أبويه هو الاخ الاكبر وجمعات بيه وعزايم عمامي هم ببيتنه شي طبيعي.
بس للأسف اتغير كلشي بعد ما صار التهجير، الخوف احتل قلوبنه، وحرص امي و أبويه، اخوي صار يزيد علينه، طلعنه من محافظتنه ورحنه لغير محافظه داومنه بيهن تقريبا 3 محافظات رحنالهم بس حتى نحافظ
على نفسنه ونمنع اي خطر يصيبنه، عمامي صاروا ميجونه هواي فتره وفتره صاروا الدواعش يدخلون محافظه ثانيه واحنه نحاول نبتعد عنهم، الحمدلله خلصت داعش وخلصنه من كل الخوف بس حرص امي و اخوي ما خلص
أبويه مريض بالزهايمر صارله ٧ سنوات ، اني متعلقه بي حيل هواي بعمر الـ 16 اجيب فراشي يمه وانام طفولتي كله محرمنه من شي مع العلم حالتنه الماديه مو كُلش زينه بس هو ميحب ينقصنه شي، ونصيحته مستحيل انساها من جان يباوع علينه ويكوله بتحذير وتأكيد
" لا تچذبون بيوم، ولاتعاشرون شخص يچذب، لان تكدر تعيش مع الدنيا كلها الا الشخص الچذاب لانه يستخدم كل الاساليب ضدك "
خلص التهجير ورجعنه لمحافظتنه وصار وقت دوامي.
كاعدين كلنه بالصاله، اردفت واني اباوع لأمي؛؛
- باچر نروح لجامعه اني و " أيـار "
أيــار؛؛- نروح سوه؟
الأم؛؛- اي روحن سوه، التفتت تباوعلي، انتي متندلين هواي
- ماشي
كمنه اني و أيــار سوينه العشه، بعدها تعشينه ووكفت غسلت المواعين ورتبتهم وطلعت للغرفه، فتحت الكنتور اشوف شنو البس باچر، طلعت تنوره وقميص وجاكيت وي حذاء وجنطه
رحت لفراشي اخذت الجهاز وبقيت اتصفح، تركته ونمت
دگـ المنبه، مديت ايدي وطفيته وكمت
مطيت جسمي بخمول ورفعت نفسي عن الفراش
طلعت غسلت وجهي ورجعت بدلت و أيــار بدلت وياي
أخذنه اخوي ورحنه أيــار راحت لدوام لانه مسائي كملنه اجراءات والفحص الطبي والتقديم
رجعنه للبيت هلكانين تعب شافتنه امي؛؛
- هاا
- أمي باچر يخلص
أنت تقرأ
أجحاف البائد
Ficção Geralروايه حقيقيه | بقلمي انا طـيف الـ؏ـلي في العِـراق العظيم، تحديدا المحافضات الشماليه، تبدء اقلامنا تكتُب احداث طويله مشوقه، محزنه، مفرحه، نطرق ابواب الجمال، صاحبه العيون الجاذبه، تتمتعُ بهدوء الحياه، يتناثر شعرها التَمري على خصرها الصغير، تحدث عاص...
